GMOA 22 දා වර්ජනයක

ගැටළු විසඳීමට බලධාරීන් කටයුතු නොකරන නිසා මේ මස 22 වන දින පැය 24ක වැඩ වර්ජනයක් සිදුකිරීමට අද (19දා) දින තීරණය කළ බව රජයේ වෛද්‍ය නිලධාරීන්ගේ සංගමය සඳහන් කරයි.

ප්‍රධාන ගැටළු 06ක් මුල්කර ගනිමින් මෙම වැඩ වර්ජනය සිදුකරන බවත්, මෙහිදී ආරක්ෂක අංශ සතු රෝහල්තුළ හා ළමා මාතෘ, වකුගඩු, පිළිකා රෝහල්තුළ වෛද්‍ය වැඩ වර්ජනය සිදු නොකරන බවද එම සංගමයේ ලේකම් වෛද්‍ය හරිත අලුත්ගේ මහතා සඳහන් කළේය.

ඖෂධ හිඟයට විසදුම් ඉල්ලා ප්‍රමිතියෙන් යුත් ඖෂධ ලබාදෙන ලෙස හා ස්ථාන මාරු ගැටළු උසස්වීම් ගැටළු විසඳන ලෙස හා වෛද්‍ය අධ්‍යාපනයේ අවම ප්‍රමිතිය ගැසට් කරගැනීමට හා නුසුදුසු පුද්ගලයින්ට වෛද්‍ය පත්වීම් ලබාදීම වළක්වා ගැනීමට මෙම වැඩ වර්ජනය සිදුකරන බවද කියා සිටියේය.