2024දී රට විරුවන් 473ක් මිය ගිහින්

විදෙස් රැකියා සඳහා ගොස් සිටි ශ්‍රී ලාංකික ශ්‍රමිකයන් අතරින් පුද්ගලයන් 473 දෙනෙකු 2024 වසරේදී විවිධ හේතු නිසා මිය ගොස් ඇති බව විදේශ සේවා නියුක්ති කාර්යාංශය පවසයි.

එම කාර්යාංශය සඳහන් කරන්නේ මෙලෙස මිය ගිය විදෙස් ශ්‍රමිකයන් අතරින් වැඩිම ප්‍රමාණයක් එනම් 344 ක්ම මිය ගොස් ඇත්තේ ස්වාභාවික හේතුන් මත බවයි. එලෙස මිය ගිය පිරිස් අතර පිරිමි පුද්ගලයන් 222දෙනෙකු සහ කාන්තාවන් 122 දෙනෙකු සිටින බවත් කාර්යාංශය කියයි.

මෙයට අමතරව විවිධ අනතුරු නිසා පිරිමි පුද්ගලයන් 21 දෙනෙකු සහ කාන්තාවන් හත් දෙනෙකු මිය ගොස් ඇති අතර මාර්ග අනතරු නිසා කාන්තාවන් හත් දෙනෙකු සහ පිරිමි පුද්ගලයන් 27 දෙනෙකුද මිය ගොස් තිබේ. ඝාතන හේතුවෙන් හත්දෙනෙකුද මිය ගොස් තිබේ. සිය දිවි නසා ගැනීම් නිසා කාන්තාවන් 21 දෙනෙකු සහ පිරිමි පුද්ගලයන් 32 කු මිය ගොස් ඇති බවත් විදේශ සේවා නියුක්ති කාර්යාංශය කියයි.

මෙම මරණ අතරින් වැඩිම ප්‍රමාණයක් මිය ගොස් ඇත්තේ කුවේට්හිදී වන අතර එම ප්‍රමාණය 115 කි. එයට අමතරව එක්සත් අරාබි එමීර් රාජ්‍යයේදී පුද්ගලයින් 61 ක් සව්දි අරාබියේදී පුද්ගලයින් 92ක් කටාර්හිදී 47 ක් මැලේසියාව්දී 30 ක් ද මිය ‍ ගොස් ඇති බව විදේශ සේවා නියුක්ති කාර්යාංශය තව දුරටත් කියයි.