2005-2015 ජනපතිගේ වාහන සංචිතයට බිලියන 3ක වාහන අරගෙන

2005 – 2015 දක්වා පැවැති රජය සමයේදී ජනපතිවරයාගේ සංචිතයට රුපියල් බිලියන තුනක වාහන මිලදී ගෙන ඇති බව පාර්ලිමේන්තු මන්ත්‍රි මනූෂ නානායක්කාර මහතා පැවැසීය. යැයි අද (11දා) පැවැති මාධ්‍ය හමුවකදී ඔහු මේ බව පැවැසීය.

“ අපි නම් පුද්ගලිකව වාහනයක් අරගෙන නෑ. පසුගිය කාලයේදී ගෙන්වූ වාහන දැන් ඉන්න ඇමැතිවරු පදින්නේ. ආණ්ඩුවත් එක්ක ඩිල් දාගෙන ඉන්න අය නම් මේ වාහන තවම පදිනවා ඇති. එහෙම නැතිව විපක්ෂයේ ඉන්න කිසිම කෙනෙක් මේ වාහන පදින්නේ නෑ. මේ වාහන සියල්ලම පදින්නේ දැන් ඉන්න ඇමැතිවරු තමයි.

2005 -2015 ඉදලා ජනපතිවරයාගේ සංචිතයට විතරක් රුපියල් කෝටි තුන්සීයක වාහන අරගෙන තිබෙනවා. ජොන්ස්ටන් ප්‍රනාන්දු ඇමැතිවරයාට මේක අමතක වෙලා තියෙනවා. වාහන මිලදී ගෙන තිබෙනවා අතිවිශාල මුදල් කන්දරාවක් වියදම් කරලා.

මේ සියල්ලම නැවත පත්වන ඇමතිවරු තමයි භාවිත කරන්නේ. මේක හොඳ නැත්නම් අපි කියනවා මේ වාහන අවශ්‍ය නැතිනම් ඒවා විකුණලා මුදල් වහාම මහා භාණ්ඩාගාරයට යොමු කරන්න. මේ අය මේ වාහන භාවිත කරන ගමන් තමයි මේ කාරණය කියන්නේ.”