පෞද්ගලික සමාගමක පරිහරණයට බව පවසා කුලී පදනම මත සුඛෝපභෝගී වාහන ලබාගෙන දිවයිනේ විවිධ ප්‍රදේශවල පුද්ගලයින් රවටා ඉතා අඩු මිලට විකුණා තිබූ සුඛෝපභෝගී වාහන හතළිස් අටක් භාරයට ගෙන වැඩිදුර විමර්ශන සඳහා කොළඹ අපරාධ කොට්ඨාසයට භාරදුන් බව අතුරුගිරිය පොලිසිය පවසයි.

ශ්‍රී ලංකා නාවික හමුදාව, 2025 පෙබරවාරි මස 22 රාත්‍රී කාලයේ සහ 23 අළුයම් කාලයේ මන්නාරමට උතුරෙන් වූ මෙරට මුහුදු ප්‍රදේශයෙහි සිදුකළ විශේෂ සෝදිසි මෙහෙයුමක් මඟින්, දේශීය ජල තීරය තුළ අනවසර ධීවර කටයුතු සිදුකළ ඉන්දීය ධීවර යාත්‍රා පහක් (05) සමඟ ඉන්දීය ධීවරයින් තිස් දෙදෙනෙකු (32) නාවික හමුදා භාරයට ගැනීමට කටයුතු කෙරිණි.

පෙබරවරි මාස 24 වන දින සිට රාත්‍රී කාලයේ සිට, ඉදිරි දින කිහිපයේදී උතුරු, උතුරු-මැද, නැගෙනහිර, ඌව හා මධ්‍යමපළාත්වලත් හම්බන්තොට දිස්ත්‍රික්කයේත් වැසි සහිත කාලගුණ තත්ත්වයක් බලාපොරොත්තු වන බව කාලගුණ විද්‍යා දෙපාර්තමේන්තුව පවසයි.

මෙරට ජාතික ආරක්ෂාව පිළිබඳ කිසිදු ආකාරයක තර්ජනයක් නොමැති බවත් පාතාල කල්ලි එකිනෙකා අතර ගැටුම් නිර්මාණය වී ඇති බැවින් එය මහජනතාවගේ පොදු ආරක්ෂාවට තර්ජනයක් නොමැති බව ජනාධිපති අනුර කුමාර දිසානායක මහතා පවසයි.

ඌව වෙල්ලස්ස විශ්වවිද්‍යාලයේ තාක්ෂණ පීඨයේ සිසුන් දෙපිරිසක් අතර ඇති වූ ගැටුමකදී පොලුවලින් යකඩ පොල්ලකින් පහරදීමෙන් තුවාල ලැබු සිසුන් තිදෙනකු අද (23) අලුයම බදුල්ල ශික්ෂණ රෝහලට ඇතුළත් කළ බව බදුල්ල පොලිසිය පවසයි .

ජනාධිපති අනුර කුමාර දිසානායක මහතා මල්වතු අස්ගිරි මහා නා හිමිවරුන් ප්‍රමුඛකාරක මහා සංඝ සභාවෙන් විශේෂ ඉල්ලීමකට අනුව සිංහල දෙමළ අලුත් අවුරුදු උත්සවයෙන් පසු විශේෂ දළදා ප්‍රදර්ශනයක් පැවැත්වීම පිළිබඳව අවධානය යොමුව තිබේ.

2024 වසර තුළ මෙරට වන අලි මරණ 388ක් සිදුව ඇති බවත්, එම වන අලි මරණ අතර ඇතුන් 17ක් සිටින බව වනජීවි සංරක්ෂණ දෙපාර්තමේන්තු පවසයි.

කොළඹ සිට බදුල්ල බලා ධාවනය වෙමින් තිබූ බස් රථයක ගමන්මලු රඳවනය තුළ තිබූ අයිතිකරුවෙකු නොමැති බෑගියක තිබී ජීව පතරොම් 123 ක් ඊයේ (22) බණ්ඩාරවෙල පොලීසිය මගින් සොයාගෙන ඇත.

ගනේමුල්ල සංජීව ඝාතනයට අදාළව තවත් සැකකරුවන් 03ක් අත්අඩංගුවට ගත් බව පොලීසිය සඳහන් කරයි.

චැම්පියන්ස් කුසලාන එක්දින ක්‍රිකට් තරගාවලියේ ඉන්දීය කණ්ඩායම සහ පාකිස්ථාන කණ්ඩායම අතර තරගය අද (23දා) ඩුබායි හීදී පැවැතිවීමට නියමිතව තිබේ.

හෙට(24දා) සිට ඉදිරි දින කිහිපයේදී උතරු-මැද, නැගෙනහිර,ඌව සහ මධ්‍යම පළාත් වලත්, හම්බන්තොට දිස්ත්‍රික්කයේත් වැසි තත්ත්වයේ වැඩි වීමක් අපේක්ෂා කළ හැකි බව කාළගුණ විද්‍යා දෙපාර්තමේන්තුව නිවේදනය කරයි.

ශ්‍රී ලංකාව පුරාම ළමා සුරැකුම් මධ්‍යස්ථාන 379ක් පවත්නා බවත්, ඉන් 47ක් රජයට අයත් ඒවා බවත් කාන්තා සහ ළමා කටයුතු අමාත්‍ය සරෝජා සාවිත්‍රි පෝල්රාජ් මහත්මිය පැවසීය. අනෙකුත් සියලු ළමා සුරැකුම් මධ්‍යස්ථාන රාජ්‍ය නොවන සංවිධාන හා පෞද්ගලික අංශවල ආධාර මත පවත්වාගෙන යන ඒවා බවත් අමාත්‍යවරිය පෙන්වා දුන්නාය.

සිර දඬුවම් නියමව සිටි මෙන්ඩිස් සමාගමේ අධ්‍යක්ෂ අර්ජුන් ඇලෝසියස් අද (22) නිදහස් කර තිබේ.

නීත්‍යනුකූල නොවන අයුරින් යුද හමුදාව හැර ගිය සෙබලුන් අත්අඩංගුවට ගැනීමට විධානයක් ලබා දුන් බව එයාර් වයිස් මාර්ෂල් සම්පත් තුයියකොන්තා (විශාමික) මහතා පැවසීය.

චැම්පියන්ස් කුසලාන එක්දින ක්‍රිකට් තරගාවලියේ එංගලන්ත කණ්ඩායම සහ ඔස්ට්‍රේලියානු කණ්ඩායම අතර තරගය අද (22දා) පැවැත්වේ.

මෙරට තුළ සංවිධානාත්මක අපරාධ කණ්ඩායම් 58ක් තිබෙන බවත්, ඔවුන්ගේ අනුගාමිකයන් 1,400ක් සිටින බවත් වැඩබලන පොලිස්පති ප්‍රියන්ත වීරසූරිය මහතා පැවසීය.

පාර්ලිමේන්තුවේ සියලුම පක්ෂ නායකයන් සහ ඔවුන්ගේ සමාජිකයන් සහභාගීවන පාර්ලිමේන්තු කටයුතු පිළිබඳ කාරක සභා රැස්වීමක් අද (22දා) පැවැත්වෙන බව කථානයක වෛද්‍ය ජගත් වික්‍රමරත්න මහතා පැවසීය.

පාර්ලිමේන්තු අද (22දා) පෙරවරු 09.30ට රැස්විය.

චැම්පියන්ස් කුසලාන ක්‍රිකට් තරගාවලියේ තුන්වන තරගයෙන් ඇෆ්ගනිස්ථාන කණ්ඩායම පරාජය කරමින් ලකුණු 107ක ජයක් වාර්තා කිරීමට දකුණු අප්‍රිකා කණ්ඩායම සමත් විය.

කොටහේන ප්‍රදේශයේ වෙඩි තැබීමට සම්බන්ධයෙන් අත්අඩංගුවට ගත් වෙඩික්කරු සහ යතුරුපැදිකරු පොලිස් වෙඩි පහරින් ජීවිතක්ෂයට පත්ව තිබේ.

කොළඹ කොටහේන ප්‍රදේශයේ අද (21දා) සිදු කළ වෙඩි තැබීමකින් පුද්ගලයෙකු ජීවිතක්ෂයට පත්ව තිබේ.

චැම්පියන්ස් කුසලාන එක්දින ක්‍රිකට් තරගාවලියේ දකුණු අප්‍රිකා කණ්ඩායම සහ ඇෆ්ගනිස්ථාන කණ්ඩායම අතර තරගය මේ වන විට පාකිස්තානයේ කරච්චිහීදී පැවැත්වේ.

සංවිධානාත්මක අපරාධ කල්ලි සාමාජික ගණේමුල්ලේ සංජීවගේ ඝාතන සිද්ධියට අත්අඩංගුවට ගත් පොලිස් නිලධාරියා ලබන මාර්තු 07 වැනිදා දක්වා රක්ෂිත බන්ධනාගාර ගත කර තිබේ.

මෙරට පිහිටි විශාලතම ස්වභාවික ගල්ලෙන ලෙස ප්‍රකට, පාහියංගල ගල්ලෙනෙහි සිදු කළ පර්යේෂණ කැණීමෙන් සොයාගත් අස්ථි කොටස්වලින් එකලස් කරන ලද සැකිල්ල නිසිපරිදි කඩිනමින් සංරක්ෂණය කිරීමට රජයේ අවධානය යොමු වී තිබේ.

2024 වර්ෂයේ දෙස් විදෙස් සංචාරකයන් හය ලක්ෂ පනස්දහස් හැත්තෑ හතක් පින්නවල අලි අනාථාගාරය නරඹා ඇති බවත්, මුළු ආදායම මිලියන 956ක් බවත් පින්නවල අලි අනාථාගාරයේ සහකාර අධ්‍යක්ෂ මිහිරාන් මැදවල මහතා ඊයේ (20දා) පැවසීය.

සෞඛ්‍ය වෘත්තිකයන්ගේ වෘත්තීය දැනුම, කුසලතාවයන්, සංවර්ධනය සහ නිපුණත්වයන් දියුණු කර මෙරට රජයේ රෝහල් හා සෞඛ්‍ය ආයතනවලින් ප්‍රරතිකාර සහ සේවාවන් ලබා ගැනීමට පැමිණෙන රෝගීන්ට සහ ජනතාවට විශිෂ්ට, ගුණාත්මක සේවාවක් නිරතුරුව ලබා දීම අරමුණ කරගනිමින් සෞඛ්‍ය හා ජනමාධ්‍ය අමාත්‍යාංශය විශේෂ පුහුණු වැඩසටහන් මාලාවක් පැවැත්වීමට සැලසුම් කර ඇත.

ශ්‍රී ලංකා නාවික හමුදාව විසින් නීති විරෝධි ධීවර කටයුතු සිදුකල පුද්ගලයින් 17 ක් සිය භාරයට ගැනීමට කටයුතු කර තිබේ.

නවෝත්පාදන ක්ෂේත්‍රයේ සම- තරගකරුවෙක් නොවන ශ්‍රී ලංකාව, අනෙකුත් රාජ්‍ය හා සම-තරගකරුවෙකු බවට පත් කිරීම රජයේ අපේක්ෂාව බවත් මෙම ඉලක්කය සපුරා ගැනීමේදී ඩිජිටල්කරණය තීරණාත්මක කාර්යභාරයක් ඉටු කරන බවත් ජනාධිපති අනුර කුමාර දිසානායක මහතා පැවසීය.

පාර්ලිමේන්තු මන්ත්‍රී රාමනාදන් අර්ච්චුනා මහතාගේ ක්‍රියාකලාපය ගැන ලැබුණු පැමිණිලි විමර්ශනයට ගෙන වාර්තා කිරීමට පත් කළ කමිටුවේ වාර්තාව තමා සභාගත කරන බවත්, එම වාර්තාව ආචාර්ය ධර්ම සහ වරප්‍රසාද පිළිබඳ කාරක සභාව වෙත යොමු කරන බවත් කථානායක වෛද්‍ය ජගත් වික්‍රමරත්න මහතා පැවසී.