සිවිල් ගුවන් සේවා අමාත්‍යවරයා වශයෙන් කටයුතු කළ සමයේ රුපියල් ලක්‍ෂ 05කට ආසන්න මුදලක් බැංකු ගිණුමක තැන්පත් කිරීම සඳහා සිවිල් ගුවන් සේවා අධිකාරියේ නිලධාරීන් පෙලඹවීමෙන් ‘දූෂණය’ නමැති වරද කළ බවට හිටපු අමාත්‍ය ප්‍රියංකර ජයරත්න මහතාට එරෙහි අධිචෝදනා පත්‍ර බාරදුන් කොළඹ මහාධිකරණ විනිසුරු මංජුල තිලකරත්න මහතා ඔහු ඇප මත මුදාහැරීමට අද (18දා) නියම කළේය.

දිවයිනේ අනෙකුත් රෝහල්වල බෙහෙත් වර්ග 42 ක් පමණක් හිඟව තිබියදී මහනුවර ජාතික රෝහලේ බෙහෙත් වර්ග 94 ක් හිඟ වූයේ කෙසේ දැයි සොයා බලන ලෙස සෞඛ්‍ය සහ ජනමාධ්‍ය නියෝජ්‍ය අමාත්‍ය වෛද්‍ය හංසක විජේමුණි මහතා රෝහල් බලධාරින්ට උපදෙස් ලබා දුන්නේය.

රගර් තරගාවලියක් සදහා ක්‍රිෂ් ලංකා පුද්ගලික සමාගම නමැති ඉන්දියානු සමාගමෙන් රුපියල් කෝටි 07ක මුදලක් ලබාගෙන, අවභාවිතා කළ බවට පාර්ලිමෙන්තු මන්ත්‍රී නාමල් රාජපක්‍ෂ මහතාට එරෙහි අධි චෝදනා පත්‍ර බාරදුන් කොළඹ මහාධිකරණ විනිසුරු මංජුල තිලකරත්න මහතා හිටපු අමාත්‍යවරයකුද වන ශ්‍රි ලංකා පොදු ජන පෙරමුණේ ජාතික සංවිධායක රාජපක්‍ෂ මහතාගේ ඇඟිලි සළකුණු වාර්තා කැඳවීමටද නියම කළේය.

මන්නාරම රෝහලේ සේවය කළ ළමා රෝග විශේෂඥ වෛද්‍යවරයා දින කීපයක සිට අතුරුදහන්ව ඇති බව රෝහලේ පාලන අධිකාරිය සදහන් කරයි.

පාන් රාත්තලක මිල රු.10කින් අඩු කිරීමට බේකරි නිෂ්පාදකයන්ගේ සංගමය එකඟතාවය පළ කර තිබේ.

රාජ්‍ය සේවකයන්ට මෑත ඉතිහාසයේ මෙතෙක් සිදු වූ වැඩිම වැටුප් වැඩි කිරීම වත්මන් ආණ්ඩුව මෙවර අයවැයෙන් සිදු කළ බව කම්කරු නියෝජ්‍ය අමාත්‍ය මහින්ද ජයසිංහ මහතා පැවසීය.

ගුරු සහ විදුහල්පති වැටුප් විශමතා ඉවත්කිරීමට අදාල ’’සුබෝධනී ’’ කමිටු වාර්ථාව මෙවර අය - වැය මගින් මගහරිමින් සහ ඒ් පිලිබඳ අවධානයක් යොමුකර නොමැති බැවින් ඒ් සම්බන්ධයෙන් වෘතීය සමිති සමග ඉදිරියේදී සාකච්ඡා කරන බව ලංකා ගුරු සංගමයේ ප්‍රධාන ලේකම් ජෝෂප් ස්ටාලින් පවසයි.

වැඩ තහනම්ව සිට හෝ සේවය අතහැර ගොස් සිට හෝ වෙනත් හේතුවක් මත සක්‍රිය සේවයේ නොසිට නැවත සේවයේ පිහිටුවිමට/නැවත සක්‍රීය සේවයට එක්විමට නියමිත නිලධරයන් නැවත සේවයේ පිහිටුවිමට/නැවත සක්‍රිය සේවයට එක් කිරිමට පෙර පොලිස් රෝහලේදි මත්ද්‍රව්‍ය භාවිතය සම්බන්ධයෙන් අණාවරණය කර ගැනිමට අදාළ පරීක්ෂණයකට පෙනි සිටි යුතු බවට වැඩබලන පොලිස්පතිවරයා විසින් දිවයිනේ ජ්‍යෙෂ්ඨ නිලධාරින් ඇතුළු ස්ථානාධිපතිවරුන්ට දැනුම් දී ඇත.

උත්සව සමයේදී වැඩි මිලට විකිණීම සඳහා සගවා තිබියදී අත්අඩංගුවට ගත් සහල් තොග අලෙවි කර අදාල මුදල් අධිකරණයේ තැන්පත් කරන ලෙස කොළඹ අතිරේක මහේස්ත්‍රාත් පවිත්‍රා සංජීවනී පතිරණ මහත්මිය පාරිභෝගික සේවා අධිකාරියට ඊයේ (17) නියෝග කළාය.

කූඨ ලෙස සකස් කළ කැනඩා වීසා බලපත්‍ර භාවිතා කරමින් ජපානය හරහා කැනඩාවට පළා යාමට තැත් කළ ශ්‍රී ලාංකික යුවළක් 02/17 දින රාත්‍රී කටුනායක ගුවන් තොටුපොළ ආගමන විගමන දෙපාර්තමේන්තු නිලධාරීන් විසින් අත් අඩංගුවට ගෙන තිබේ .

මාලදිවයින් විදේශ කටයුතු අමාත්‍ය අබ්දුල්ලා කලීල් මහතා 2025 පෙබරවාරි 18 සිට 21 වැනි දින දක්වා ශ්‍රී ලංකාවේ නිල සංචාරයක නිරත වේ.

ගාල්ල, මාතර, කලුතර හා රත්නපුර දිස්ත්‍රික්කවල සවස් කාලයේදි හෝ රාත්‍රී කාලයේදි තැනින් තැන වැසි හෝ ගිගුරුම් සහිත වැසි ඇති විය හැකි අතර ඌව පළාතෙත් අම්පාර හා හම්බන්තොට දිස්ත්‍රික්කවලත් වැසි ස්වල්පයක් ඇති විය හැකි බව කාලගුණ විද්‍යා දෙපාර්තමේන්තුව පවසයි.

මේ සමස්ත අයවැයේ විශේෂ දුර්වලකමක් වශයෙන් මා දැක්කේ 2025 වසරේ රජය ඉලක්ක කරන 5% ආර්ථික වර්ධනයි. මෙයින් පෙනී යන්නේ ලංකාවේ ශක්තිය නිවැරදිව අවබෝධ කර නොගත් බවක්. පසුගිය වසරේදී 5%ක ආර්ථික වර්ධනයක් අපට ලැබුණා. මෙවර අයවැයෙන් 8%ක හෝ 9%ක ආර්ථික වර්ධනයකට යායුතුව තිබුණත් එවැන්නක් පේන්න නැහැ.

රාජ්‍ය සේවකයන් රුපියල් විසිදහසකින් වැටුප් වැඩි වීමක් ඉල්ලා සිටියදී අයවැය තුළින් රුපියල් පන්දහසක් ලබා දීමට කටයුතු කිරීම රාජ්‍ය සේවකයන්ගේ බලාපොරොත්තු සුන් කිරීමක් බව රාජ්‍ය, පළාත් රාජ්‍ය, රජයේ වෘත්තීය සමිති සන්ධානය සඳහන් කරයි.

- ප්‍රීමා සහ සෙරන්ඩිබ් රු.10කින් මිල අඩු කරයි

අපනයන කෘෂි භෝග අපනයනය මගින් 2024 වසරේදී වාර්තාගත විදේශ විනිමය ආදායමක් උපයා ඇති බව අපනයන කෘෂිකර්ම දෙපාර්තමේන්තුව පවසයි.

සෞඛ්‍ය හා ජනමාධ්‍ය අමාත්‍යවරයා, නියෝජ්‍ය අමාත්‍යවරයා සහ කාර්ය මණ්ඩල වෙනුවෙන් සෞඛ්‍ය හා ජනමාධ්‍ය අමාත්‍යාංශයෙන් වාහන 11ක් ලබාදී තිබෙන බව සෞඛ්‍ය වෘත්තීය සමිති පෙන්වා දෙයි.

මෙරට පුරවැසියාට රජයේ රෝහලකින් අවම කාලයක දී ගුණාත්මක, කාර්යක්ෂම සෞඛ්‍ය සේවාවක් සැපයීම මෙන් ම රෝගී තත්ත්ව පිළිබඳව පසුවිපරම විධිමත් ව සිදු කිරීම උදෙසා රෝගී දත්ත පරිගණක ගත කිරීමේ ව්‍යපෘතිය දිවයින පුරා පිහිටි සියලු ම රෝහල්වල ක්‍රියාත්මක කරන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසී ය.

යාල රක්ෂිතයේ කලාප (iii) සහ (iv) වල නිතර සැරිසරමින් සිටි සැන්ඩෝ නමින් හැඳින්වෙන දළ ඇතාගේ ඇට සැකිල්ල රක්ෂිතයේ වැලිආර ආයකපොල්ල ප්‍රදේශයේ තිබී (16) වෙනිදා වනජීවී නිලධාරීන්ට හමුවී ඇත.

නොරෝච්චෝල ලක්විජය බලාගාරයෙ ජනන යන්ත්‍ර තුනම මේ වනවිට සක්‍රියව විදුලිය නිෂ්පාදනය ආරම්භ කර ඇති බවත් ඒ අනුව උපරිම ධාරීතාවයෙන් විදුලිය නිෂ්පාදනය 17 අලුයම වන විට ආරම්භ වු බව විදුලි බල මංඩල උසස් නිළධාරීයකු පැවසිය.

ජනපති අනුර කුමාර දිසානායක මහතා ඉදරිපත් කළ අයවැයෙන් රාජ්‍ය සේවක අවම මූලික වැටුප රුපියල් 15750කින් වැඩි කිරීමට යෝජනා ඉදිරිපත් කළත් එහිදී සිදුවන අවම ශුද්ධ වැටුප් වැඩිවීම රුපියල් 8250කි.

පසුගිය කාලයේ ඇති වූ මහා වර්ෂාපතනය හේතුවෙන් එළවළු නිෂ්පාදන වෙළදපලට ලැබීම අඩුවීම නිසා එළවළු මිල සීග්‍රයෙන් ඉහළ යමින් පවතින බව දඹුල්ල ආර්ථික මධ්‍යස්ථාන වෙළෙන්දෝ පවසති.

යුද හමුදවේ මේජර් නිලයෙන් පහළ සාමාජිකයන්ගේ ගමන් බලපත්‍ර ඔවුන්ගේ රෙජිමේන්තු වෙත භාරදෙන ලෙස නියෝග කර ඇත්තේ හුදෙක්ම හමුදාවේ පරිපාලන කටයුතු පහසු කිරීමේ අපේක්ෂාවෙන් බව යුද හමුදාව නිවේදනයක් නිකුත් කරමින් පවසයි.

මෙවර අයවැයෙන් මධ්‍ය අධිවේගයේ අදියර දෙකක ඉදිකිරීම් වෙනුවෙන් රුපියල් බිලියන 115.3ක් අයවැයෙන් වෙන් කර තිබේ.

කැසිනෝහල් සඳහා ඇතුළත්විමේදී අය කරන බදු මුදල එක් පුද්ගලයෙක් සඳහා ඩොලර් 50 සිට ඩොලර් 100ක් දක්වා වැඩි කිරීමට නව අයවැයෙන් යෝජනා කර තිබේ.

ජාතික ජන බලවේගය රජය වෙනුවෙන් මුදල් අමාත්‍යවරයා ලෙස ජනපති අනුර කුමාර දිසානයක මහතා ඉදිරිපත් කළ අයවැයේ රුපියල් බිලියන 2200ක හිඟයක් පවතී.

අවිස්සාවේල්ල සිට කහවත්ත දක්වා කැලණි වැලි දුම්රිය මාර්ගය පැරණි මාර්ගයේම ඉදිකිරීමට අවධානය යොමුව ඇතැයි දුම්රිය දෙපාර්තමේන්තුවේ නියෝජ්‍ය ප්‍රධාන ඉංජිනේරු (මාර්ග) පී.ජේ. ප්‍රේමතිලක මහතා කීවේය.

1994 දී වසරෙදී වසා දමන ලද කන්තලේ සීනි කර්මාන්තායතනයේ වන්දි ලබා දි ඉවත් කරන ලද සේවකයන් 33 දෙනෙක් සඳහා 2020, 2021, 2022 සහ 2023 වර්ෂවලදී රුපියල් හයකෝටි තිස්දෙලක්ෂ තිස්එක්දහස් පන්සිය හැත්තෑඅටක් (6,32,31,678/-) වැටුප්, දීමනා, අතිකාල, සේවක අර්ථ සාධක හා සේවක භාරකාර (EPF/ETF) වශයෙන් ගෙවා තිබෙන බව ජාතික විගණන මහ ලේකම් කාර්යාලය සිදුකරන ලද විගණන පරීක්ෂණයකදී තහවුරු වී තිබේ.

ජනපති කාර්යාලය සතු අධි සුඛෝපභෝගී වාහන 18ක් භාවිතයෙන් ඉවත් කරන ලද වාහන වාහන 8ක් අලෙවි කිරීම වෙනුවෙන් ජනපති කාර්යාලය විසින් ටෙන්ඩර් කැඳවීමක් සිදුකර තිබේ.