ගම්පොළ පානබොක්ක ප්‍රදේශයේ සුපිරි අවන්හලක් තුළදී රුපියල් 20000/= අල්ලස් මුදලක් ලබාගත් ගම්පොළ පොලිසියේ පාලන අංශයේ ස්ථානාධිපතිවරයා අත්අඩංගුවට ගත් බව අල්ලස් හෝ දූෂණ චෝදනාව විමර්ශන කොමිෂන් සභාව කියයි. මෙලෙස අත්අඩංගුවට ගෙන ඇත්තේ ප්‍රධාන පොලිස් පරීක්ෂකවරයෙකි.

ලෝක ප්‍රසිද්ධ ටාසන් චරිතය රඟදැක්වූ රොන් ඒලී ජිවිතක්ෂයට පත්ව තිබේ.

හිටපු පාර්ලිමේන්තු මන්ත්‍රී , ශ්‍රී ලංකා ​පොදුජන පෙරමුණේ ජාතික සංවිධායක නාමල් රාජපක්ෂ මහතා අපරාධ පරීක්ෂන දෙපාර්තමේන්තුවට පැමිණ තිබේ.

විශේෂයෙන්ම ඊශ්‍රායෙල් ජාතිකයන් ඉලක්ක කර ගනිමින් ලංකාවේදි ත්‍රස්ත ප්‍රහාරයක් එල්ල විය හැකි බවට බුද්ධි තොරතුරු වාර්තා විමත් සමගින් ලංකාවේ සංචාරය කිරීම සම්බන්ධයෙන් තවත් රටවල් කිහිලයක්ම සිය ජාතිකයන් වෙනුවෙන් සංචාරක මාර්ගෝපදේශ නිකුත් කර තිබේ.

ට්‍රෝලර් යාත්‍රාවක් මගින් ජාවාරම් කිරීම සඳහා හෙරොයින් කිලෝ 146 ක් නීති විරෝධී ලෙස ශ්‍රී ලංකාවට රැගෙන එමින් සිටියදී අත්අඩංගුවට ගෙන අධිචෝදනා ලබා මීගමුව පළාත්බද මහාධිකරණයේ විභාගවන නඩුවක විත්තිකරුවන් 17 දෙනෙකු අතරින් වරද පිළිගත් ඉරාන ජාතිකයන් නවදෙනෙකුට සහ පාකිස්තානු ජාතිකයෙකුට මීගමුව මහාධිකරණ විනිසුරු පමිල රත්නායක මහතා අද (23දා) ජීවිතාන්තය දක්වා සිර දඬුවම් නියම කළේය.

පාසල් පැවැත්වීමේ වාර සටහන සම්බන්ධයෙන් බලපැවත්වෙන අධ්‍යාපන අමාත්‍යාංශ චක්‍රලේඛයට අනුව සියලුම පාසල් එක් අධ්‍යයන වර්ෂයක් සඳහා දින 210 ක් පැවැත්විය යුතු බවට අවධාරණය කළත් ලබන 2025 වසරේදි පාසල් පැවැත්වීමට සිදුව ඇත්තේ දින 181 ක් පමණි.

සංචාරක බටහිර ඉන්දීය කොදෙව් කණ්ඩායමට එරෙහිව පැවති දෙවැනි එක්දින ක්‍රිකට් තරගයෙන් කඩුලු 05ක ජයක් ලැබීමට ශ්‍රී ලංකා කණ්ඩායම මීට සුළු මොහොතකට පෙර සමත් විය.

මහ මැතිවරණය අවසන් වන තුරු ජනතාවගේ අත්‍යවශ්‍ය සේවා බිඳනොවැටී, ආර්ථිකය බිඳනොවැටී, රටේ ආරක්‍ෂාව බිඳනොවැටී පවත්වාගෙන යාමේ වගකීම ජාතික ජනබලවේගයේ තිදෙනෙකුට පැවරී ඇති බව ජනාධිපති අනුර කුමාර දිසානායක මහතා පැවසීය. මෙරට තුළ සහල් හිඟයක් නොමැති බවට සහල් මෝල් හිමියන් හමුවූ අවස්ථාවේ තහවුරු වූ බව ද ජනාධිපතිවරයා ප්‍රකාශ කළේය.

මේ වසරේ ජනවාරි සිට සැප්තැම්බර් මාසය දක්වා ගෙවුණු මාස 9 තුළ විදේශ රැකියා වංචනික ක්‍රියාවල නිරත වූ පුද්ගලයින් හා බලපත්‍ර රහිත රැකියා නියෝජිතායතනවලට නඩු පවරා වින්දිතයින්ට රුපියල් ලක්ෂ 1056ක් වන්දි වශයෙන් ලබාදීමට කටයුතු කළ බව ශ්‍රි ලංකා විදේශ සේවා නියුක්ති කාර්යාංශය සඳහන් කරයි.

නොරෝච්චෝල ලක්විජය බලාගාරය උඩින් පියාසර කරමින් තිබූ ඩ්‍රෝන කැමරාවක් බලාගාර භූමියට කඩා වැටීමත් සමග ගුවන් හමුදාව හා අනිකුත් ආරක්ෂක අංශ එක්ව විශේෂ විමර්ශනයක් ආරම්භ කර ඇති බව පුත්තලම ජේෂ්ඨ පොලිස් නිළධාරියකු 23 පැවසීය.

මුහුදුබඩ දුම්රිය මාර්ගයේ වස්කඩුව ප්‍රදේශයේ අද (23) දින රේල් පීල්ලක් පිපිරීමෙන් සිදුවීමට ගිය මහා අනතුරක් ප්‍රදේශයේ තරුණයෙකුගේ දැනුවත් කිරීමකින් වැලකී ගිය බව වාද්දුව දුම්රිය මාර්ග අංශය සදහන් කරයි.

සංචාරක කොදෙව් කණ්ඩායම හා ශ්‍රී ලංකා කණ්ඩායම අතර පල්ලෙකැලේ පිටියේ පැවැත්වෙන දෙවැනි එක්දින තරගයේදී මුලින්ම පන්දුවට පහරදුන් කොදෙව් කණ්ඩායම ලකුණු 189කට ශ්‍රී ලංකා පන්දු යවන්නෝ සමත්වූහ.

විදේශික ජාතිකයෙකුට යම්කිසි තර්ජනයක් ප්‍රහාරයක් එල්ල කරන්න සැලසුමක් හෝ කුමක් හෝ තිබෙනවා නම් ඒ සම්බන්ධයෙන් 1997 දැනුම් දෙන්න යයි වැඩ බලන පොලිස්පති ප්‍රියන්ත වීරසූරිය මහතා අද (23) සවස් වරුවේ පොළොන්නරුව ජේෂ්ඨ පොලිස් අධිකාරී කාර්යාල ශ්‍රවණාගාරයේදී විශේෂ මාධ්‍ය හමුවක් කැඳවමින් පැවසිය.

ත්‍රස්තවාදී ප්‍රහාරයක් එල්ල වීමේ අවධානම හේතුවනේ හේතුවෙන් දැනට ශ්‍රී ලංකාවේ දකුණු කළාපයේ සංචාරවල නිරතවන ඊශ්‍රායෙල ජාතිකයන්ට එම ප්‍රදේශවලින් වහාම ඉවත් වන ලෙස ඊශ්‍රායල ජාතික ආරක්ෂක කවුන්සිලය බදාදා ඊශ්‍රායල ජාතිකයන්ගෙන් ඉල්ලා සිටියේය.

රාජ්‍ය සේවක වැටුප් වැඩිකිරීම සම්බන්ධයෙන් තම කැබිනට් මණ්ඩලය ගත් තීරණය නීත්‍යානුකූල බවත් එසේ නම් එම මුදල ගෙවිය යුතු බවත් හිටපු ජනපති රනිල් වික්‍රමසිංහ මහතා පැවැසීය.

අත්අඩංගුවට ගත් හිටපු පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා ලබන 30 වැනිදා දක්වා රක්ෂිත බන්ධනාගාර ගත කිරීමට කොටුව මහේස්ත්‍රාත් අධිකරණය නි​යෝග කර තිබේ.

එම නාය යාමට ලක්වූ ස්ථානය ට පහළ කුඹුරක ජල පීල්ලක් ඔස්සේ ගලා ගිය ජල පහර ජනතාව දියනෑමට වැනි විවිධ අවශ්‍යතා සදහා යොදා ගත් බවත් , ජල පහර නැවතී දැනට පොලොව අභ්‍යන්තරයේ ගලා බසින බවත් , මේ අවට පවුල් 110ක් පමණ සිටින බව ආපදා සහන සේවා නිළධාරි පැවසීය .

සංචාරක බටහිර ඉන්දීය කොදෙව් කණ්ඩායමට එරෙහි දෙවන එක්දින ක්‍රිකට් තරගයේ කාසියේ වාසිය දිනා ගැනීමට ශ්‍රී ලංකා කණ්ඩායම මීට සුළු මොහොතකට පෙර සමත් විය.

එසේ මියගොස් සිටියේ මහනුවර ප්‍රිම්රෝස් උද්‍යානය ප්‍රදේශයේ පදිංචි එක්දරු පියෙකි . ඔහු මහනුවර ත්‍රිත්ව විදුහලේ ආදි සිසුවෙකි.

ආරුගම්බේ ප්‍රදේශයට ප්‍රහාරයක් එල්ල වල බවට සිදු කළ ප්‍රකාශ සමග රුසියානු තනාපති කාර්යාලය මෙරට වෙසෙන රුසියානු ජනතාවට අනතුරු ඇගවීමක් සිසු කර තිබේ.

වසර දෙකක් සේවයේ නොසිටීම පදනම් කර ගනිමින් අල්විස් කමිටු වාර්තාව ප්‍රතික්ෂේප කරන්නේ නම් එම විනිසුරුවරිය වසර 17ක් ලබා දුන් තීන්දු සියල්ල ප්‍රතික්ෂේප කරන්නේද යන්න විජිත ​හේරත් ඇමතිවරයාගෙන් ප්‍රශ්න කරන බව පිවිතුරු හෙළඋරුමයේ නායක උදය ගම්මන්පිල මහතා පැවසීය.

හිටපු පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා අපරාධ පරීක්ෂණ දෙපාර්තමේන්තුව මගින් මීට සුළු මොහොතකට පෙර අත්අඩංගුවට ​ගෙන තිබේ.

නවීකරණ කටයුතු සිදු කෙරෙමින් පවතින උතුරු දුම්රිය මාර්ගයේ මහව සිට අනුරාධපුර දක්වා කොටසේ පරීක්ෂාවක් සඳහා පැමිණි පරීක්ෂණ දුම්රියක, එන්ජිමේ තිබූ ඩීසල් ලීටර් 60ක් සොරකම් කිරීමේ සිද්ධියක් සම්බන්ධයෙන් විමර්ශනයක ආරම්භ කල බව අනුරාධපුර මූලස්ථාන පොලිසිය පවසයි.

විදේශීය රටකින් ලබා දී ඇති සංචාරකඅනතුරු ඇඟවීම වැනි තොරතුරු පසුගිය රජය සමයේත් ලබා දුන් බවත් එවැනි බුද්ධි තොරතුරු හෙළිදරව් කිරිමකින් තොරව මාධ්‍ය සංදර්ශන වලින් තොරව ඉතා සූක්ෂමව ඒ සඳහා මුහුණ දී ඒවා රැසක් වලක්වා ගැනීමට හැකි වූ බවත් මෙම බරපතල ‍ප්‍රරකාශය තුළ රටේ බරපතළ ප්‍රශ්නයක් පැන නගින බව හිටපු රාජ්‍ය ආරක්ෂක අමාත්‍ය ප්‍රමිත බණ්ඩාර තෙන්නකෝන් මහතා 23 දින පැවසීය.

ඉදිරි සංචාරක කාලස‍ිමාව තුළ ශ්‍රී ලංකාවට වැඩි වශයෙන් සංචාරකයන් ප්‍රමාණයක් පැමිණිය හැකි බවත් ඒ් අනුව ඔවුන්ගේ ආරක්ෂාව වෙනුවෙන් විශෙෂ වැඩසටහනක් ක්‍රියාත්මක කර ඇති බවත් පොලිස් මූලස්ථානය නිවේදනය කරයි‍

සංචාරක බටහිර ඉන්දීය කොදෙව් කණ්ඩායම සහ ශ්‍රී ලංකා කණ්ඩායම අතර දෙවැනි එක්දින ක්‍රිකට් තරගය අද (23දා) පැවැත්වීමට නියමිතව තිබේ.

කලවාන ප්‍රදේශයේ ජනප්‍රිය පාසලක සිසුන් පස් දෙනෙකු අපයෝජනයට ලක්කල ප්‍රදේශයේ විහාරස්ථානයක චීවරධාරියකු අත්අඩංගුවට ගත් බව කලවාන පොලිසිය පැවසීය .

​ආරුගම්බේ ප්‍රදේශයේ දී ඊශ්‍රායල ජාතිකයන් ඉලක්ක කර ගනිමින් ප්‍රහාරයක් එල්ල වන බවට තොරතුරු වාර්තා වූ බවත්, එම ප්‍රදේශයේ ආරක්ෂාව තහවුරු කර ඇති බවත් පොලිස් මාධ්‍ය ප්‍රකාශක නියෝජ්‍ය පොලිස්පති නීතීඳ නිහාල් තල්දූව මහතා පැවසීය.

ආරුගම්බේ ප්‍රදේශයේ සංචාරය කිරීමෙන් වලකින ලෙස අමෙරිකාන තානාපති කාර්යාලය විසින් මෙරට සිටින අමෙරිකානුවන්ට සහ අමෙරිකානු තානාපති කාර්යාලයේ නිලධාරීන්ට අනතුරු අඟවා තිබේ.