අස්වැසුම දෙවන අදියර සඳහා ඉල්ලුම් කළ ප්‍රතිලාභ අපේක්ෂිතයන්ගේ දත්ත පරීක්ෂා කිරීම සහ සහතික කිරීම අවසන් කර ඇති බවත්, 2024 ජුනි මාසයේ සිට අස්වැසුම ප්‍රතිලාභී පවුල් ඒකක ප්‍රමාණය ලක්ෂ 24ක් දක්වා වැඩි කිරීමට සියලු කටයුතු සූදනම් කර ඇති බවත් මුදල් රාජ්‍ය අමාත්‍ය ශෙහාන් සේමසිංහ මහතා පැවසීය.

හිටපු ඉන්දීය අග්‍රාමාත්‍ය රජීව් ගාන්ධි මහතාගේ ඝාතන සිද්ධියට වරදකරුවකු වී පසුව නිදහස ලැබු යාපනයේ ශාන්තන් නැමැත්තා ඉන්දියාවේදී ජීවිතක්ෂයට පත්ව ඇති බවට ඒරට මාධ්‍ය වාර්තා කර සිටියි.

පොලිස්පති ධුරයට පත්කරන ලද දේශබන්දු තෙන්නකෝන් මහතා හෙට සිය ධුරයේ රාජකාරී කටයුතු ආරම්භ කරන බව පොලිස් මූලස්ථානය පවසයි. පොලිස් මූලස්ථානයේදී මෙම රාජකාරී භාර ගැනීම සිදුකිරීමට නියමිතය.

කළුතර දිස්ත්‍රික්කයේ අලුත උපන් දරු උපත් වසර පහක් තුළ 2983 කින් අඩුවී ඇතැයි කළුතර සෞඛ්‍ය සේවා අධ්‍යක්ෂක කාර්යාලයේ මාතෘ හා ළමා සෞඛ්‍ය වෛද්‍ය නිලධාරී සුනෙත් ශ්‍රී සුදර්ශන මහතා පැවසීය.ක

අනුරාධපුර මැතිවරණ කොට්ඨාශයේ පාර්ලිමේන්තු මන්ත්‍රී උද්දික ප්‍රේමරත්න මහතා 2024 පෙබරවාරි මස 26 වැනි දින සිට බල පැවැත්වෙන පරිදි පාර්ලිමේන්තු අසුනෙන් ඉල්ලා අස්වීම හේතුවෙන් නව වැනි පාර්ලිමේන්තුවේ මන්ත්‍රීධුරයක පුරප්පාඩුවක් ඇති වී තිබෙන බව පාර්ලිමේන්තුවේ මහ ලේකම් කුෂානි රෝහණධීර මහත්මිය මැතිවරණ කොමිෂන් සභාවේ සභාපතිවරයා වෙත ලිපියක් යොමු කරමින් දන්වා තිබේ.

ගාල්ල දිස්ත්‍රික්කයේ ප්‍රාදේශීය ලේකම් කොට්ඨාස 04ක ජනතාවගේ පොදු යටිතල පහසුකම් වැඩිදියුණු කිරීම සඳහා රුපියල් මිලියන 400ක් වෙන්කර ඇති බව නාගරික සංවර්ධන සහ නිවාස අමාත්‍ය ප්‍රසන්න රණතුංග මහතා අද (28) ගාල්ලේ දී පැවසීය.

ශ්‍රී ලංකා කණ්ඩායම හා බංග්ලාදේශ කණ්ඩායම අතර බංග්ලාදේශයේදී පැවැත්වීමට නියමිත විස්සයි20 තරගාවලිය සඳහා ශ්‍රී ලංකා සංචිතය නම් කර තිබේ. මෙහිදී ඇෆ්ගනිස්ථානය සමගින් පැවැති විස්සයි20 තරගාවලියේ තෙවැනි තරගයේදී ආබාධයකට ලක්වූ පැතුම් නිශ්ශංකට කණ්ඩායමේ ස්ථානය අහිමී ඇති අතර ඔහු වෙනුවට අවිශ්ක ප්‍රනාන්දු කණ්ඩායමට කැඳවා තිබේ.

අපරාධ අංශයේ ස්ථානාධිපති පොලිස් පරීක්ෂක දුමින්ද ජයතිලක මහතා රටින් පිටවීම සම්බන්ධව මාධ්‍ය හමුවකදී මේ සම්බන්ධව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නිහල් තල්දුව මහතා පවසන්නේ මේ සම්බන්ධව නිසි පරීක්ෂණ ආරම්භ කර ඇති බවත් එම තර්ජනය කර දුන් ඇමතුම් සම්බන්ධ පරීක්ෂන කර ඉදිරි ක්‍රියාමාර්ග ගන්නා බවයි.

කාන්තා ව්‍යවසායකත්වය බල ගැන්වීමට රජය පුළුල් වැඩපිළිවෙළක් සකස් කර තිබෙනවා රටේ ආර්ථිකය ගොඩනැඟීමේ දී කාන්තාවන්ට විශාල වැඩකොටසක් ඉටු කළ හැකියි – විශිෂ්ට ව්‍යාපාරික කාන්තාවන් අගයමින් ජනපති පවසයි.

ලංකා විදුලි බල මණ්ඩලය විසින් ඇතැම් ප්‍ර දේශවලට මේ වන විට නොදන්වා විදුලිය විසන්ධි කරන බව වාර්තා වෙයි. මේ හේතුවෙන් බොහෝ පිරිසක් පීඩාවට පත්ව තිබේ. මේ දිනවල පවතින අධික උෂ්ණත්වය හේතුවෙන් විදුලිය සඳහා ඇති ඉල්ලුමද ඉහළ ගොස් තිබේ.

රථවාහන නඩුවක් සම්බන්ධයෙන් පොලිස් භාරයට ගත් රියදුරු බලපත්‍රයක් නැවත හිමිකරු වෙත ලබා දීමට හා නීති මගින් කටයුතු නොකර සිටීමට රුපියල් 10000/= අල්ලස් මුදලක් ලබා ගැනීමේ චෝදනාව මත අත්අඩංගුවට ගෙන රක්ෂිත බන්ධනාගාර ගත කළ ඉත්තෑපාන පොලිසියේ පොලිස් කොස්තාපල්වරුන් දෙදෙනාගේ රාජකාරී වැඩ තහනම් කර ඇතැයි පොලිස් මූලස්ථානය සඳහන් කරයි.

කැනඩාවේ රැකියා දෙන බව පවසා රුපියල් ලක්ෂ 65 කට අධික මුදලක් වංචා කර වසර 8 කට අධික කාලයක් විදේශගතව සැඟව සිටි කාන්තාවක් අත්අඩංගුවට ගත් බව පානදුර කොට්ඨාස විශේෂ අපරාධ විමර්ශන කාර්යාංශය කියයි.

මේ දිනවල පරිසරයේ පවතින අධික උෂ්ණත්ව තත්ත්වය තවදුරටත් ඉහළ යා හැකි බවට ලැබී ඇති තොරතුරු අනුව, අද හෙට සහ අනිද්දා දින තුළ (පෙබ. 28, 29 සහ මාර්තු 01) දිවයිනේ කිසිදු පාසලක සිසු දරුවන් ඉහළ උෂ්ණත්ව ඇති අවස්ථාවන්හි එළිමහන් ක්‍රීඩා පුහුණු කටයුතු හෝ ක්‍රීඩා උත්සව හෝ වෙනත් බාහිර ක්‍රියාකාරකමකට හෝ යෙදවීමෙන් වළකින ලෙස අධ්‍යාපන අමාත්‍යාංශය සියලු පාසල් වෙත උපදෙස් ලබා දී තිබේ.

ප්‍රදානයක් ලෙස ලැබුනු ‌මෙම ඉන්ධන කොගය මෙරට මුදලින් රුපියල් බිලියන 12 ක වටිනාකමකින් යුක්ත වන අතර එය වසර දෙකකට ප්‍රමාණවත් බව සෞඛ්‍ය අමාත්‍යවරයා පවසයි.

එමෙන්ම මේ සඳහා ජනතාවගේ දායකත්වය ද අපේක්ෂා කරන අතර විපතට පත් දරුවන්ගේ සෞඛ්‍ය පහසුකම් වෙනුවෙන් ශ්‍රී ලංකා රජය විසින් ඇමරිකානු ඩොලර් මිලියනයක පරිත්‍යාගයක් එක්සත් ජාතීන්ගේ නිල නියෝජිතායතන හරහා ලබා දීමට නියමිතය.

පාතාල කල්ලි සාමාජිකයන්ගෙන් තමාට සහ සිය පවුලට එල්ල වූ මරණ තර්ජන හමුවේ කොළඹ අපරාධ කොට්ඨාසයේ සංවිධානාත්මක අපරාධ අංශයේ ස්ථානාධිපති පොලිස් පරීක්ෂක දුමින්ද ජයතිලක මහතා ඉකුත් 14 වනදා සිය පෞද්ගලික ආරක්ෂයන්ද සමඟ බණ්ඩාරනායක ජාත්‍යන්තර ගුවන්තොටුපොළින් ප්‍රංශය බලා පිටත්ව ගොස් ඇත.

2023 වසරේ ජනවාරි 01 වන දින සිට අගෝස්තු 30 දක්වා කාල සීමාව තුළ මෙරට සමස්ත බලශක්ති නිෂ්පාදනය 4.5%කින් පහත වැටී ඇති බව මුදල් අමාත්‍යාංශය මගින් නිකුත් කර ඇති රාජ්‍ය මූල්‍ය කළමනාකරණ වාර්තාවක් මගින් විගණනයට සඳහන් කර ඇත.

සීමා සහිත ශ්‍රී ලංකා නැව් සංස්ථාව විසින් විධිමත් අනුමැතියකින් තොරව එහි සේවකයන් සඳහා 2022 වසරේ මාර්තු 01 වන දා සිට දෙසැම්බර් 31 දක්වා සංග්‍රහ දීමනාව, ප්‍රවාහන දීමනාව හා පැමිණීමේ දිරි දීමනා වශයෙන් රුපියල් එක්කෝටි පනස් දෙලක්ෂ නව දහස් හයසිය හැත්තෑ තුනක (15209673) මුදලක් ගෙවා ඇති බව ජාතික විගණන කාර්යාලය මගින් ඉකුත් 24 දින නිකුත් කර ඇති නවතම විගණන වාර්තාවක සඳහන් වේ. නැව් සංස්ථාව සම්පූර්ණයෙන්ම රජය සතු ආයතනයක් වන අතර රාජ්‍ය ව්‍යාපාර චක්‍ර ලේඛනවලට අනුගතව

පසුගිය වසරවලට සාපේක්ෂව මේ වන විට දරුවන්ගේ මන්ද පෝෂණ තත්වය වඩාත් ඉහළ ගොස් ඇති බවත්,ඒ අතරිනුත් පාසැල් දරුවන් අතරින් කෘශ බව වැඩි දරුවන් වැඩිම පිරිසක් වාර්තා වන්නේ හම්බන්තොට දිස්ත්‍රික්කයෙන් බවත්, වෛද්‍ය හා සිවිල් අයිතිවාසිකම් පිළිබඳ වෘත්තීය සමිති සන්ධානයේ සභාපති,විශේෂඥ වෛද්‍ය ජී.ජී.චමල් සංජීව මහතා පැවසීය.

Gymnothorax polyuranodon යන විද්‍යාත්මක නාමයෙන් හැඳින්වෙන ’ගංගල්ගුල්ලා’ (Freshwater Moray) මත්ස්‍ය විශේෂය වසර 84කට පසු මෙරටින් වාර්තා වී තිබේ.

පාන් 25%කින් සහ කේක් ඇතුළු සෙසු බේකරි නිෂ්පාදන අළෙවිය 50%කින් පහත වැටී ඇතැයි සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පවසයි.

ශ්‍රී ලන්කන් ගුවන් යානා 02/27 දින අවලංගු වීම සහ ප්‍රමාද වීම් වලට ලක් වීම නිසා ගුවන් මගීන් පත් වී ඇති අපහසුතා පිළිබඳ සීමාසහිත ගුවන් තොටුපොළ සහ ගුවන් සේවා සමාගමේ සභාපති ඉංජිනේරු අතුල ගල්කැටිය මහතා සිය කනගාටුව පළ කළේය.

දක්ෂිණ අධිවේගී මාර්ගයේබද්දේගම අන්තර් හුවමාරුව ආසන්නයේ සේවය කරමින් සිටි කම්කරුවන් දෙදෙනකු ඒම මාර්ගයේ ගමන්ගත් ලොරි රථයක ගැටීම හේතුවෙන් තුවාල ලබා මියගොස් ඇතැයි පොලිසිය පවසයි. අද (27) පෙරවරු 11.30ට පමණ මෙම අනතුර සිදුව ඇති අතර බරපතල තත්ත්වයේ සිටි මොවුන්ගාල්ල කරාපිටිය රෝහලට ඇතුලත් කරන විටත් මියගොස් සිට ඇත.

පැමිණිල්ලකට අදාළව ප්‍රකාශයක් ගැනීමට පුද්ගලයෙකු පොලීසියට කැඳවන අවස්ථාවේදී ඒ සම්බන්ධයෙන් සියලු කරුණු ඔහුට දැනුම් දෙන විධිවිධාන අඩංගු කරමින් චක්‍රලේඛයක් නිකුත් කිරීමට පොලිස්පති දේශබන්ධු තෙන්නකෝන් මහතා ශ්‍රේෂ්ඨාධිකරණයට අද (27) පොරොන්දු විය.

වත්මන් රජයේඇමැති ධූර රාජ්‍ය අමාත්‍ය ධුර ලබාගත් සුළු පිරිසක්ජනාධිපති රනිල් වික්‍රමසිංහ මහතාඉදිරි ජනාධිපතිවරණයේ අපේක්ෂකයා විය යුතුබවට මත පළ කළත්එය පක්ෂයේ මතය නොවන බවත්ඡන්දය ප්‍රකාශයට පත් කළ පසුපොදු ජන පෙරමුණේ අපේක්ෂකයා ඉදිරිපත් කරන බවපාර්ලිමේන්තු මන්ත්‍රී නාමල් රාජපක්ෂ මහතා පවසයි .

බත්තරමුල්ල වෝටර්ස් එඩ්ජ් පරිශ්‍ර භූමියෙහි පිහිටි ඉඩම් කොටස් දෙකක් ශ්‍රී ලංකා නාවික හමුදාව වෙත සහ කොළඹ 10 අශෝක විද්‍යාලය වෙත බදු දීම සඳහා කැබිනට් අනුමැතිය ලැබී ඇත.

මාතර කොටවිල අධිකරණ සංකීර්ණයේ පොලිස් මුරපොල තුලදී පොලිස් සැරයන් වරයෙකු අද (27) සවස ටී 56 වර්ගයේ ගිනි අවියකින් වෙඩි තබාගෙන දිවි හානිකරගෙන ඇතැයි කොටවින පොලීසිය පවසයි.

වාලච්චේන කඩදාසි කම්හල වැසෙන තත්ත්වයට පත්වුවහොත්වි කිණීම වෙනුවට රාජ්‍ය පෞද්ගලික හවුල් ව්‍යාපාරයක් ලෙස පවත්වාගෙන යාම වැදගත් බැවින් ඒ සදහා කාරක සභාවේ නිර්දේශය මුදල් සහ කර්මාන්ත අමාත්‍යාංශවලටත් ජනාධිපතිවරයාටත් යොමු කරන බව ජාතික ආර්ථික හා භෞතික සැළසුම් පිළිබඳ ආංශික අධීක්ෂණ කාරක සභාවේ සභාපති මහින්දානන්ද අලුත්ගමගේ මහතා පවසයි.

මීට මාස තුනකට පමණ පෙර මෙම කාන්තාවගේ සැමියා මියගොස් ඇති අතර ඇය ඒ වන විටත් 44 හැවිරිදි දෙදරු මවකි. මෙම කාන්තාවගේ 3 වන දරුවා ලෙස මෙම බිලිඳා බිහිවී ඇතත් තමන්ගේ කුසතුල දරුවෙකු පිළිසිඳ ගෙන ඇතිබව තමන් නොදන්නා බවත් ,සිද්ධිය වූ අවස්ථාවේ තමාට වැසිකිළි යාමේ අවශ්‍යතාවයක් ඇතිවූ නිසා වැසිකිලියට ගිය විටදී තම කුස තුලින් බිළිඳෙකු බිහිවී බිමට වැටුණු බවත් ඇය පොලිසියට පවසා ඇත.