වැලිකන්ද සුසිරිගම ප්‍රදේශයේ වෙළඳ සැලකට ඇතුළු වු විදේශික යුවලක් රුපියල් ලක්ෂ 3 වංචා සහගතව රැගෙන ගොස් ඇති බව වැලිකන්ද පොලිසිය කියයි .

ආරච්චිකට්ටුව මුතුපංතිය ධීවර ගම්මානියේ මාදැලකට 7 සහ 8 දින දෙක තුළදී කිලෝ ග්‍රෑම් 50,000ක අධික ප්‍රමාණයකින් යුත් අම්ඹරුවන් හෙවත් පරව් මාලු තොගයක් හසුවිය.

නිවසේ වතුර හැලු බවට දොස් කියමින් තම සහෝදරයාට (අයියාට)කැත්තකින් කොටා ඝාතනය කිරිමක් සම්බන්ධව සැකකරු වන මල්ලි ඇලපාත පොලිසිය විසින්අත් අඩංගුවට ගෙන රත්නපුර වැඩ බලන මහේස්ත්‍රාත් මල්කාන්ති වැකුනගොඩ මහත්මිය වෙත ඉදිරිපත් කිරිමෙන් අනතුරුව මෙම මස 19 වන දින දක්වා රක්ෂිත බන්ධනාගාර ගත කෙරිණ.

ශ්‍රී ලංකාවේ ආගමන විගමන නීතිරීති උල්ලංඝනය කරමින් , සංචාරක වීසා යටතේ මෙරටට පැමිණ යාපනය ප්‍රදේශයේ අන්තවාදී ආගමික ප්‍රචාරණ කටයුතු සහ ලී මඩුවක කැටයම් ශිල්පීන් ලෙස කටයුතු කරමින් සිටි ඉන්දීය ජාතිකයන් 15 දෙනෙකු ආගමන විගමන දෙපාර්තමේන්තු විමර්ශන නිලධාරීන් පිරිසක් විසින් අත් අඩංගුවට ගෙන 05/07 දින ආපසු පිටුවහල් කර තිබේ.

ඓතිහාසික මිහින්තලය රජ මහා විහාරස්ථානය කේන්ද්‍ර කර ගනිමින් පවත්වනු ලබන මෙවර පොසොන් උත්සවය සදහා රටේ ආණ්ඩුක්‍රම ව්‍යවස්ථාවට අනුව කල යුතු එහෙත් වසර දෙකක් පුරාවට නොකරපු මේ රාජ්‍ය පොසොන් උත්සවය, මෙවර රජය මැදිහත්වීමෙන් කටයුතු කරනවා කියන කාරණාව අහන්න ලැබීමත් සතුටක් බව මිහින්තලේ රජ මහ විහාරාධිපති පූජ්‍ය වලවා හැංගුණවැවේ ධම්මරතන හිමිපාණන් පැවසූහ.

මෙම වසරේ ගෙවී ගිය දින 68ක කාලය තුළදී නුවරඑළිය දිස්ත්‍රික්කය තුළ කඳුකර කොටියන් හතර දෙනෙකු මිය ගොස් සිටියදී හමු වී ඇතැයි වනජීවී නිලධාරීහු පවසති.

පොලිස් ස්ථානාධිපතිවරුන් රැසකට ස්ථානමාරුවිම් ලබාදිමට පොලිස් මූලස්ථානය කටයුතු කර තිබේ. ජාතික පොලිස් කොමිෂමෙ අනුමැතිය යටතේ මෙම ස්ථානමාරුවිම් ලබා දි තිබේ.

අල්ලස් හෝ දූෂණ කොමිෂන් සභාවේ අධ්‍යක්ෂ ලෙස කටයුතු කළ ජ්‍යෙෂ්ඨ පොලිස් අධිකාරි එන්. අසංක මහතා එම කොට්ඨාසයේ සිට කැළණිය කොට්ඨාස භාර ජ්‍යෙෂ්ඨ පොලිස් අධිකාරි තනතුරට ස්ථාන මාරු කර තිබේත.

දුම්වැටි සඳහා නිෂ්පාදන බද්ද ඉහළ දැමීමට ගත් පියවරයන් සාධාරණීකරණය කරන්න - කාරක සභා සභාපතිගෙන් නිලධාරීන්ට උපදෙස්. තෙවන පාර්ශ්වීය රක්ෂණය (3rd party insurance) හරහා අදාළ රක්ෂණ මුදල් ලබාගැනීම සරල කරන්න - කාරක සභාවෙන් නිලධාරීන්ට උපදෙස්.

මේජර් ජෙනරාල් සම්පත් කොටුවේගොඩ (විශ්‍රාමික) මහතා ආපදා කළමනාකරණ මධ්‍යස්ථානයේ නව අධ්‍යක්ෂ ජනරාල් වශයෙන් අද දින (8) වැඩ භාර ගැනීම සිදු කරන ලදී.

මාතලේ මහනුවර 593 මාර්ගයේ පෞද්ගලික බස් රථ වර්ජනයක් 08දා උදෑසන සිට ආරම්භ කර තිබේ.

දැනට දිවයින පුරා පවතින වියළි කාලගුණ තත්ත්ව‌යේ වෙනසක් මාර්තු 10, 11දා දින්‍වලදි බලාපොරොත්තු වන බව කාලගුණ විද්‍යා දෙපාර්තමේන්තුව කියයි. විශේෂයෙන් නැගෙනහිර හා ඌව පළාත් ඇතුවව දිවයින පුරා තැතින් තැන වැසි ඇතිවිය හැකි බව ඒම දෙපාර්තතමේන්තුව පවසයි.

අලි මිනිස් ගැටුමට තිරසර විද්‍යාත්මක විසඳුම් ඉක්මනින්ම ඉදිරිපත් කරන බව විද්‍යා හා තාක්ෂණ අමාත්‍ය ක්‍රිෂාන්ත අබේසේන මහතා ප්‍රකාශ කළේය. අමාත්‍යවරයා මේ බව ප්‍රකාශ කළේ මෙම ගැටළුව හා සම්බන්ධව මේ වන විට විවිධ ආයතන සහ පර්යෙෂකයන් විසින් නිර්මාණය නර ඇති නව නිර්මාණ සහ උපාය මාර්ගික අදහස් සමාලෝචනය කිරීම වෙනුවෙන් පැවති විශේෂ සාකච්ඡාවක දීය. මෙම සාකච්ඡාව විද්‍යා හා තාක්ෂණ අමාත්‍යවරයාගේ ප්‍රධානත්වයෙන් සහ පරිසර නියෝජ්‍ය අමාත්‍ය ඇන්ටන් ජයකොඩි මහතාගේ සහභාගිත්වයෙන්

වැලිගම පැලෑණ ප්‍රදේශයේ සංචාරක හෝටලයක් ඉදිරිපිට දී සිදුවු වෙඩි තැබීමෙන් පොලිස් සැරයන්වරයකු ජීවිතක්ෂයට පත්ව උප පොලිස් පරීක්ෂකවරයෙකු තුවාල ලැබීමේ සිද්ධිය සම්බන්ධයෙන් ඇප මත මුදා හල වැලිගම මූලස්ථාන පොලිස් පරීක්ෂක උපුල් කුමාර මහතාගේ වැඩ තහනම් කල බව පොලිස් මාධ්‍ය ප්‍රකාශක කාර්යාලය පැවසීය.

අරගල සමයේ නිවාස ගිනිගත් මන්ත්‍රින් සඳහා රජයෙන් ලබාදුන් වන්දි මුදල්වලට අමරතව රජයේ වියත්පුර නිවාස සංකිරණයෙන්ද නිවාස ලබාගෙන ඇතැයි නාගරික සංවර්ධන අමාත්‍යාංශය පවසයි.

නිරූපණ ශිල්පිණී පියුමි හංසමාලීගේ ආලේපන හා රූපලාවන්‍ය උපකරණ බෙදාහැරීමේ ව්‍යාපාර කටයුතු වලට අගතියක් වන අයුරින් විමර්ශන මෙහෙයවීම සම්බන්ධයෙන් ලබන 21 දින අධිකරණය හමුවේ පෙනී සිට කරුණු දක්වන්නැයි රහස් පොලිසියේ නීති විරෝධී වත්කම් විමර්ශන කොට්ඨාශයේ ස්ථානාධිපතිවරයාට කොළඹ අතිරේක මහේස්ත්‍රාත් මංජුල රත්නායක මහතා අද (07) නොතීසී නිකුත් කළේය.

පාතාල කල්ලි සාමාජික ගනේමුල්ල සංජීව නමැත්තා කොළඹ මහේස්ත්‍රාත් අධිකරණ විත්ති කූඩුව තුළදීම වෙඩි තබා ඝාතනය කිරීම සඳහා ආධාර අනුබල දුන් බවට අත්අඩංගුවට ගෙන රක්ෂිත බන්ධනාගාර ගත කර සිටි සැකකරුවන් 09 දෙනා ලබන 21 වැනිදා දක්වා තවදුරටත් රක්ෂිත බන්ධනාගාරයේ රඳවා තැබීමට කොළඹ ප්‍රධාන මහේස්ත්‍රාත් තනූජා ලක්මාලි මහත්මිය අද (07) නියෝග කළාය.

ශ්‍රේණිගත වෛද්‍යවරුන්ගේ 2025 වසරට අදාළ වාර්ෂික ස්ථාන මාරුවීම් සඳහා මේ වනවිට අයදුම්පත් කැඳවා ඇති බව සෞඛ්‍ය හා ජනමාධ්‍ය අමාත්‍යාංශය නිවේදනය කර ඇත.

අක්කර පහට අඩු පොල්වතු හිමියන්ට පොහොර සහනාධාරයක්... ඉන්දියානු ආධාර ක්‍රමය යටතේ මේ වසරේදී නිවාස 4,700ක් - නිවාස ප්‍රතිලාභීන් තෝරා ගැනීමේදී කිසිදු දේශපාලන පක්ෂ පාට භේදයක් නැහැ... වැවිලි සමාගම්වල හදුනාගෙන ඇති ඌන උ‍පයෝජන ඉඩම් හෙක්ටයාර 30,000කට ආසන්න ප්‍රමාණයක් ආයෝජකයන්ට ලබාදීමටත් සැලසුම්…

ගිනිගත්හේන සිට හැටන් දක්වා (06) දින පස්වරුවේ ධාවනය වු හැටන් ලංගම ඩිපෝවේ බස් රථයකට ගමන් කිරිමට නැගි පාසල් ළමුන් පිරිසක් යලි බස් රථයෙන් බැස්සවු එම බස් රථයේ කොන්දොස්තරවරයාට එරෙහිව විමර්ෂණයක් සිදු කරන බව හැටන් ලංගම ඩිපෝවේ නිලධාරින් පැවසිය.

දෙහිඕවිට සූසාන භූමියඉදිරිපිට හෝටලයක ගරාජයක් තුළ සඟවා තිබූ කොටස් එකලස් කර තනන ලද ලෑන්ඩ් කූශර් ප්‍රාඩෝ ජීප් රථයක් සමග එම හෝටල් හිමිකරු සහ තවත් පුද්ගලයෙකු අත්අඩංගුවට ගත් බව පොලිසිය කියයි. එහි තිබී මෝටර් රථයක ලියාපදිංචි අංක තහඩු දෙකක්ද පොලිස් භාරයට ගෙන ඇත.

මේ වසරේ පෙබරවාරි මාසයේදි ශ්‍රි ලංකාවට සංචාරකයන් 240217ක් පැමිණ ඇති බව ශ්‍රි ලංකා සංචාරක සංවර්ධන අධිකාරිය කියයි.

ආරච්චිකට්ටුව පොලිස් වසමේ වෛරම්කට්ටුව ප්‍රදේශයේදී නිවස ආසන්නයේ කපා තිබූ ජලය පිරී තිබූ වලකට වැටී කුඩා දරුවෙකු ඊයේ (06දා) මියගොස් ඇති බවට ආරච්චිකට්ටුව පොලිසියට ලද පණිවිඩයක් මත විමර්ශනයක් ආරම්භ කර ඇත.

ජ්‍යෙෂ්ඨ පොලිස් අධිකාරිවරුන් 8 දෙනෙකුට ස්ථානමාරුවීම් ලබාදිමට පොලිස් මූලස්ථානය කටයුතු කර තිබේ. එහිදි අධිකරණ ආරක්ෂක කොට්ඨාසයේ අධ්‍යක්ෂ ලෙස කටයුතු කළ ජ්‍යෙෂ්ඨ පොලිස් අධිකාරිවරයාටද ස්ථාන මාරුවිම් ලබාදි තිබේ.

ණය ප්‍රතිව්‍යුහගතකරණය යටතේ ජපාන රජය සහ ජපාන අන්තර්ජාතික සහයෝගීතා ඒජන්සිය (JICA) සමග ශ්‍රී ලංකා රජය සංශෝධිත ගිවිසුම් සහ හුවමාරු පත්‍ර අත්සන් කිරීම අද (07දා) සිදුවේ.

2024 වසරේ ජනවාරි 01වැනිදා සිට දෙසැම්බර් 31 වැනිදා දක්වා ශ්‍රී ලංකන් එයාර් ලයින්ස් ආයතනයේ ගුවන් ගමන් වාර 11,250ක් ක්‍රියාත්මක කර ඇති අතර, එහිදී එම කාලයෙහි ගුවන් ගමන් වාර 1,039ක් අවලංගු කර ඇති බව පාර්ලිමේන්තුවේදී අනාවරණය විය.

යල කන්නයේ වගා කටයුතු ආරම්භ කිරීම සඳහා ගොවි බිම්වලට අවශ්‍ය පොහොර හිඟයකින් තොරව අඛණ්ඩව ලබා දීමේ අවශ්‍යතාව ජනාධිපති අනුර කුමාර දිසානායක මහතා අවධාරණය කළේය.

විදේශ සංචාර සදහා ධුර කාලය තුලදි රුපියල් මිලියන තුන්සිය අසුහරක් වැය කර (384) වැය කර තිබුණත් අදාල සංචාරවලින් රටට ලැබුණු ආර්ථික වාසිය රුපියල් කෝටි සියය ගණනකට වඩා විශාල බව හිටපු ජනාධිපති මෛත්‍රිපාල සිරිසෙන මහත් සදහන් කරයි අදාල සංචාරවලදි සෑම විටම සමාන්‍ය මගි ගුවන් යානා පමණක් භාවිතා කල බවත් 2015 වසරට පෙර අහිමි වි තිබු ජි එස් පි බදු සහනය යුරෝපයෙන් ලබා ගනු ලැබුවේ තමන් රට පාලනය කල කාලයේදි බවද පෙන්වා දෙයි.

ඉදිරියේදී පැවැත්වීමට නියමිත දළදා දැක්ම කාල වකවානුව තුළදී මහනුවර නගරයට ලක්ෂ 22කට අධික බැතිමතුන් පිරිසක් එක් රොක් වෙනු ඇති බවට අනුමාන කරන බවත් එම බැතිමතුන්ගේ ආරක්‍ෂාව සඳහා ත්‍රිවිධ හමුදා නිලධාරීන්ට අමතරව පොලිස් නිලධාරීන් දස දහසක් යෙදවීමට අපේක්ෂා කරන බව මහනුවර කොට්ඨාස භාර ජේෂ්ඨ පොලිස් අධිකාරී අනුරුද්ධ බණ්ඩාරනායක මහතා පවසයි.