රුපියල් කෝටි 20 හෙවත් රුපියල් මිලියන 200 ක් වටිනා කොකේන් මත්ද්‍රව්‍ය තොගයක් රැගත් විදේශීය කාන්තාවක් රේගු මත්ද්‍රව්‍ය පාලන අංශයේ නිලධාරීන් පිරිසක් විසින් 05/21 දින පස්වරුවේ කටුනායක ගුවන් තොටුපොළ පැමිණීමේ පර්යන්තයේ දී අත් අඩංගුවට ගෙන තිබේ .ඇය පිලිපීනයේ පදිංචි 47 හැවිරිදි සහකාර ගණකාධිකාරීවරියකි .

ලෝක ශූර , ශ්‍රී ලාංකික මෝටර් රථ ධාවන ශූර ඩිලන්ත මාළගමුව මහතා ඉතාලියේ පැවති ජී.ටී.- 4 මෝටර් රථ ධාවන තරගය ජය ගැනීමෙන් අනතුරුව 05/22 දින අලුයම කටුනායක ගුවන් තොටුපොළ වෙත පැමිණියේය .

දිවයිනේ සියලුම පාසල්වලට හෙට (22) දින නිවාඩු දෙන බව සමාජ මාධ්‍ය ජාල හරහා ප්‍රචාරය වන නිවේදනය අසත්‍ය බව අධ්‍යාපන අමාත්‍යාංශය දන්වා සිටියි.

2024 වසරේ ගතවූ මාස 5ක කාලය තුලදී පමණක් ශ්‍රි ලාංකිකයින් 2,679 දෙනෙකු දකුණු කොරියාවේ රැකියා සඳහා පිටව ගොස් තිබෙන අතර, දකුණු කොරියාවේ නිශ්පාදන ක්ෂේත්‍රයේ රැකියා හිමිවූ තවත් ශ්‍රි ලාංකිකයින් 150 කු අද දින (5/21) UL 470 දරණ ගුවන් යානයෙන් දකුණු කොරියාව බලා පිටත්ව යන ලදී. මෙම පිරිසට තරුණියන් 6 දෙනෙකුද අයත් වේ.

ලංකා ප්‍රිමියර් ලිග තරගාවලියට අදාළ ක්‍රිඩක ‍වෙන්දේසිය අද කොළඹදි නිමාවට පත්විය. මෙම වෙන්දේසියේ ශ්‍රි ලංකා යොවුන් වේග පන්දු යවන ක්‍රිඩක මතිෂ පතිරණ ඩොලර ්120000කට අලෙවි වූ අතර එය වාර්තා පොතට එක්වූයේ ලංකා ප්‍රිමියර් ලිග ඉතාහිසයේ ක්‍රිඩකයෙක් වෙන්දේසි වූ ඉහළම වටිනාකම ලෙසයි. මතිෂ කොළඹ කණ්ඩායම විසින් මිලට ගනු ලැබිය. මෙවර වෙන්දේසියට ක්‍රිඩකයන් 400කට අධික සංඛ්‍යාවක් එක්ව සිටියේය.

දිවයිනේ බොහෝ ප්‍රදේශවල තව දුරටත් පවතින අධික වර්ෂාව හේතුවෙන් දිස්ත්‍රික්ක නවයක ප්‍රාදේශිය ලේකම් කොට්ඨාස 50 කට නාය යෑමේ අනතුරු ඇඟවීමේ නිවේදනය අද 21 සවස ජාතික ගොඩනැගිලි පර්යේෂණ සංවිධානය විසින් නිකුත් කර තිබේ.

සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා කියා සිටියේ මෙරට දරු උපත් වලින් 99.9 % ක් සිදුවන්නේ රෝහල්වල බවත්, 1950 ගණන්වල එය සියයට 40 ක් පමණ අගයක් ගත් බවත්, අනෙකුත් දරු උපත් සිදුවූයේ නිවෙස් වල බවයි.

අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය, ජනාධිපති නීතිඥ, ආචාර්ය විජයදාස රාජපක්ෂ මැතිතුමා පිළිබදව විශ්වාසය තබා බන්ධනාගාර නිලධාරීන් විසින් ගෙන ගිය වෘත්තිය ක්‍රියාමාර්ගය අවසන් කිරීමට පියවර ගෙන ඇති බව බන්ධනාගාර මාධ්‍ය ප්‍රකාශක බන්ධනාගාර කොමසාරිස් ගාමිණි බී. දිසානායක මහතා පවසයි.

ඊයේ රාත්‍රියේ මහනුවර ප්‍රදේශයට පැවති අයහපත් කාලගුණ තත්වය හේතුවෙන් පිළිමතලාව ගංගොට ප්‍රදේශයේ නිවසක් මතට තල් ගසක් කඩා වැටීමෙන් නිවසට බර පතල හානි සිදුවි ඇත.

ජපානයේ පැවැත්වෙන ලෝක ශූරතා පැරා මලල ක්‍රීඩා ශූරතා තරගාවලයේදී F -44 හෙල්ල විසිකිරීමේ ඉසව්වෙන් සමිත සිය පළමු උත්සාහයේදී

කිලිනොච්චිය පුනරීන් පාලම ආසන්නයේදී අද (21) දින ධාවනය වූ පෞද්ගලික බස්රථයක් පෙරලී යම හේතුවෙන් එහි ගමන්ගත් මගීන් 06 දෙනෙකු බරපතල තුවාල ලබ ඇතැයි පුනරීන් පොලීසිය පැවසීය.

ස්ත්‍රී පුරුෂ සමාජභාවයේ සිට සමාජ සුබසාධනය සහ වින්දිතයන් වෙනුවෙන් පෙනී සිටීම දක්වා වූ ප්‍රධාන කරුණු මෙහිදී සාකච්ඡා කෙරිණි. කොමසාරිස්වරුන් තෝරා ගැනීමේදී කාන්තා නියෝජනය අනිවාර්ය කිරීම සඳහා මෙන්ම වැන්දඹු කාන්තාවන් සඳහා දීමනා හා වැටුප්වලින් 50%ක අයිතියක් සහිතව නැවත විවාහ වීම සඳහා සහන සැලසෙන අයුරින් නීති සංශෝධනය කිරීම සඳහාද යෝජනා ඉදිරිපත් විය.

මෙම මස 24 හා 25 යන දෙදින ජනාධිපති රනිල් වික්‍රමසිංහ මහතා උතුරු පළාතේ සංවර්ධන ක්‍රියාදාමයන් පිළිබදව සොයා බැලීම සදහා සංචාරයක නිතර වීමට නියමිතය.

මත්ද්‍රව්‍ය ජාවාරම සම්බන්ධයෙන් බන්ධනාගාර ගතව සිට ඇප ලබා පැමිණි දේව ගැතිවරියක් අයිස් මත්ද්‍රව්‍ය ග්‍රෑම් එකසිය හැත්තෑ එකක් , ජංගම දුරකථන තුනක් සමග අත් අඩංගුවට ගත් බව බස්නාහිර පළාත දකුණ අපරාධ කොට්ඨාසය පවසයි.

ආගමික සහ විගාමික පනතේ යටතේ හා පුදගල ලියාපදිංචි පනත යටතේ වරදක් සිදුකර ඇති බවට චෝදනා ලැබ සිටි හිටපු රාජ්‍ය අමාත්‍ය ඩයනා ගමගේ මහත්මිය ඇප මත මුදා හැරිමට කොළඹ ප්‍රධාන මහේස්ත්‍රාත් අධිකරණ්‍ය අද නියෝග කළේය.

වැටුප් වැඩිකරන ලෙස ඉල්ලමින් මොනරාගල බන්ධනාගාරයේ නිලධාරීන් ඉකුත් (21) වෙනිදා අසනීප නිවාඩු දමා සේවයට වාර්තා නොකිරීම නිසා බන්ධනාගාරයේ එදිනෙදා සේවාවන් සම්පූර්ණයෙන්ම අඩාලවී තිබිණි.

හිටපු රාජ්‍ය ඇමතිනි ඩයනා ගමගේ මහත්මිය තම නීතිඥයන් සමග පැමිණ කොටුව මහේස්ත්‍රාත් අධිකරණයට භාර වී මෝසමක් ඉදිරිපත් කර ඇත.

කළුතර දකුණ කටුකුරුන්ද දුම්රිය පොළ පාරේ නිවසකට පැන සිදුකළ වැඩිතැබිමකින් විවාහක තිදරු පුද්ගලයෙක් මියගොස් නිවසේ සිටි ඔහුගේ7 හැවිරි දියණිය තුවාල ලබා කළුතර නාගොඩ ශික්ෂණ රෝහල වෙත 20 දින රාත්‍රියේම කළුතර නාගොඩ ශික්ෂණ රෝහල වෙත ඇතුළත් කර ඇතැයි කළුතර දකුණ පොලිසිය පැවසීය.

වසර 50 කට පමණ ඉහතදී මහවැලි අධිකාරීය මගින් ප්‍රදේශයේ දරුවන්ගේ පූර්ව ළමා විය සංවර්ධනය වෙනුවෙන් මෙම පෙර පාසල් ගොඩනැගිල්ල ඉදි කර ඇති අතර, එදා සිට මේ දක්වා මෙම ගොඩනැගිල්ලේ කිසිදු ප්‍රථිසංස්කරණය සිදු වී නොමැති බවට දෙමාපියන් පවසති.

ශ්‍රී ලංකා ඉන්දුනීසියානු ඓතිහාසික සබඳතාව ශක්තිමත් කර ගැනීමට දෙරටේ නායකයෝ ප්‍රතිඥා දෙති දෙරට අතර ආර්ථික සබඳතා වැඩිදියුණු කිරීම වෙනුවෙන් 2025 පළමු කාර්තුව වන විට වරණිය වෙළෙඳ ගිවිසුමට (PTA) එළැඹීමේ අවශ්‍යතාවය ද අවධාරණය කෙරේ.

2024 වසරේ මක්කම හජ් වන්දනා සමය ආරම්භ කරමින් එයට සහභාගී වීමට නියමිත 3,500 ක් වූ ඉස්ලාම් බැතිමතුන් පිරිස අතරින් 68 දෙනෙකුගෙන් යුතු පළමු ශ්‍රී ලාංකික ඉස්ලාම් ආගමික බැතිමතුන් පිරිස 05/21 දින අලුයම කටුනායක ගුවන් තොටුපොළෙන් සෞදි අරාබිය බලා පිටත්ව ගියහ .

ඉරාන ජනාධිපති ඊබ්‍රහීම් රයිසි මහතා විසින් කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතාට එවා තිබූ ත්‍යාගයක් විදේශ කටයුතු අමාත්‍යාංශය විසින් අමාත්‍යවරයාට ඊයේ (20දා) භාරදී ඇත.

මෙරට සිදුවූ ප්‍රමිතියෙන් තොර ඖෂධ ජාවාරම සම්බන්ධයෙන් ජාත්‍යන්තර පරීක්ෂණයක් සිදු කරන ලෙසට ඊයේ(20) ලෝක සෞඛ්‍ය සංවිධානයෙන් ඉල්ලා සිටි බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තිය සමිතිය සදහන් කරයි

හිටපු රාජ්‍ය අමාත්‍ය ඩයනා ගමගේ මහත්මිය ඇගේ නිවසින් අතුරුදන් ව ඇති බව රහස් පොලීසිය කළ දැනුම් දීමක් සලකා බැලූ කොළඹ ප්‍රධාන මහේස්ත්‍රාත් තිළිණ ගමගේ මහතා ඇය අධිකරණයට ඉදිරිපත් කිරීමට අවශ්‍ය කටයුතු කරන ලෙස රහස් පොලීසියට ඊයේ (20දා) නියම කළේය.

පාර්ලිමේන්තු මැතිවරණය ප්‍රථමයෙන් පැවැත්විය යුතු බවට ශ්‍රී ලංකා පොදුජන පෙරමුණෙහි නිර්මාතෘ බැසිල් රාජපක්ෂ මහතා විසින් පක්ෂයක් ලෙස ජනාධිපතිවරයාට ප්‍රකාශ කර ඇති බවත් කෙසේවුවත් අවසන් තීරණය ජනාධිපතිවරයා විසින් ගනු ඇති බවත් එම පක්ෂයේ ප්‍රධාන ලේකම්, පාර්ලිමේන්තු මන්ත්‍රී සාගර කාරියවසම් මහතා ප්‍රකාශ කළේය.

බන්ධනාගාර නිලධාරීන්ට පොලිස් නිලධාරීන්ට සමගාමීව දීමනා වැඩි කිරීමට අධිකරණ,බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය විජයදාස රාජපක්ෂ මහතා එකඟතාව පළකර තිබෙන බව බන්ධනාගාර දෙපාර්තමේන්තුව සඳහන් කරයි.

පරිපාලන දුර්වලතා හේතුවෙන් පසුගිය සමයේ ලීටර 65,000 ක්ව තිබූ මිල්කෝ සමාගමෙහි දෛනික දියර කිරි නිෂ්පාදනය මේ වනවිට ලීටර 140,000 ඉක්මවා ඇතැයි මිල්කෝ සමාගමේ සභාපති ඉන්දික ගුරුගේ මහතා සඳහන් කළේය.

ඉන්දියාවේ ගුජරාට් ප්‍රාන්තයේ ත්‍රස්ත විරෝධී බළකාය (ATS) අහමෙදාබාද්හි පිහිටි සර්දාර් පටෙල් ජාත්‍යන්තර ගුවන් තොටුපොළේ සිදු කළ පරීක්ෂාවකදී ISIS සංවිධානය හා සම්බන්ධ යැයි සැකපිට ශ්‍රී ලාංකිකයන් සිව් දෙනෙකු අත්අඩංගුවට ගත් බව ඉන්දීය මාධ්‍ය (20දා) වාර්තා කළේය.

සමගි ජනබලවේගයේ නායක සජිත් ප්‍රේමදාස මහතා සමග විවාදයට ජාතික ජනබලවේගයේ නායක අනුර කුමාර දිසානායක මහතා සූදානම් බව එම බලවේගයේ විධායක සභික නලින්ද ජයතිස්ස මහතා පවසයි. ඒ අනුව ජූනි 6 වෙනිදා නායකයන් අතර විවාදය පැවැත්විය හැකි බව නලින්ද ජයතිස්ස මහතා සඳහන් කළේය.