වර්ථමාන‍ය වන විට පස් දෙනෙක්ගෙන් එක් අයෙක් අවුරුදු 60 වැඩි අය බවත්, 2030 වන විට හතර දෙනෙකුගෙන් එක් අයෙක් අවුරුදු 60 ට වැඩි පුද්ගලයන් බවට පත් වන බවත් ඔහු පෙන්වා දුන්නේය. මෙරට වසරකට 60000 ක් අඝාතයට පත්වෙන බවත්, එයින් 4000 ක් මරණයට පත් වන බවත්, ඉන් 56000 ක් විවිධ රෝගාබාධ සහිතව ඉතිරි වන බවද පෙන්වා ඔහු ‍දුන්නේය.

ගංවතුරින් පීඩාවට පත් බියගම ජනතාව වෙනුවෙන් ලක්ෂ හතහමාරක් වටිනා සනීපාරක්ෂක දුව්‍ය තොගයක් බියගම සහකාර ප්‍රාදේශීය ලේකම් චමත් කල්පනා අමදෝරු මහත්මිය වෙත බියගම ප්‍රාදේශීය සභාවේ හිටපු විපක්ෂ නායක පුසන්න සම්පත් මහතා විසින් අද (10දා) එම කාර්‍යාලයේදී ප්‍රධානය කලේය.

රත්නපුර දිස්ත්‍රික්කයේ ප්‍රාදේශීය ලේකම් බලප්‍රදේශ පහකට අයත් ග්‍රාම නිලධාරි වසම් 72 ක් ඒකාබද්ධ කරමින් ගොඩකවෙල සහ වැලිගෙපොල වශයෙන් නව මහවැලි කොට්ඨාස දෙකක් ප්‍රකාශයට පත් කිරීම ට පියවර ගත් බව වාරිමාර්ග, වනජීවි සහ වන සංරක්ෂණ අමාත්‍ය නීතිඥ පවිත්‍රා වන්නිආරච්චි මහත්මිය ප්‍රකාශ කරයි.

ලංකාවේ කෘෂි නවීකරණ ව්‍යාපෘතිය සඳහා බංග්ලාදේශයේ සහාය ලබාදෙන බව බංග්ලාදේශ අගමැතිනී ෂීක් හසීනා මහත්මිය තහවුරු කර තිබේ. ඉන්දීය අග්‍රාමාත්‍ය නරේන්ද්‍ර මෝදි මහතාගේ දිවුරුම් දිමේ උත්සවය වෙනුවෙන් ඉන්දියාවට ගිය ජනපති රනිල් වික්‍රමසිංහ මහතා හා බංග්ලාදේශ අග්‍රාමාත්‍යවරිය අතර හමුව නවදිල්ලි නුවර පැවැති අවස්ථාවේදී ඇය මේ බව ප්‍රකාශ කර තිබේ.

වැඩ වර්ජනයේ යෙදී සිටි දුම්රිය රියදුරන් සහ ප්‍රවාහන අමාත්‍යාංශයේ නිලධාරීන් අතර සාකච්ඡාවකින් පසු වැඩ වර්ජනය අවසන් කළ බව දුම්රිය රියදුරෝ පවසයි.

තෙල්දෙණිය පොලිස් වසමේ දිගන කෙන්ගල්ල ප්‍රදේශයේදී දැවැන්ත සියඹලා ගසක් පාරට ඇද වැටෙන දුටු පාසල් වෑන් රථ රියදුරෙකු ඉන් බේරීම සඳහා උත්සාහ කිරීමේදී වෑන් රථය රියදුරුගේ පාලනයෙන් මිදී වෑන් රස්තය බැම්මක සහ දුරකථන කුළුණක ගැටීමෙන් පාසල් ළමුන් ඇතුළු පස් දෙනකු තුවාල ලබා රෝහල් ගත කළ බව පොලිසිය කියයි .

ගම්පහ ප්‍රදේශයේ ප්‍රබල සංවිධානාත්මක අපරාධ කල්ලි නායකයෙකුව සිටි ’’ පස් පොඩ්ඩා ’’ නැමැත්තාට වෙඩි තබා ඝාතනය කර , එක්සත් අරාබි එමීර් රාජ්‍යයේ සාජා නුවර වෙත පළා ගොස් සිටි වෙඩික්කරු 06/10 දින උදෑසන යළි මෙරටට පැමිණෙමින් සිටියදී කටුනායක ගුවන් තොටුපොළේ දී ආගමන විගමන නිලධාරීන් විසින් අත් අඩංගුවට ගෙන ගුවන් තොටුපොළ පොලිසිය වෙත භාර දීමට පියවර ගෙන තිබේ .

අඛණ්ඩව තුන්වන වරටත් ඉන්දියාවේ අග්‍රාමාත්‍ය ධූරයේ දිවුරුම් දුන් නරේන්ද්‍ර මෝදි මහතාට ජනාධිපති රනිල් වික්‍රමසිංහ මහතා සිය උණුසුම් සුබ පැතුම් පිරිනැමූ අතර ඉන්දු – ශ්‍රි ලංකා සබඳතා සවිමත්ව ඉදිරියට ගෙන යාමට යළිත් නායකයෝ ප්‍රතිඥා දුන්හ.

දුම්රිය එන්ජින් රියදුරන් පිරිසක් විසින් පසුගිය 06වන දින මධ්‍යම රාත්‍රී 12ට ආරම්භ කළ වැඩවර්ජනය නිසා ඊයේ(09දා) සවස වන විට දුම්රිය ගමන් වාර 220ක් පමණ අවලංගු වී තිබෙන අතර, මේ නිසා මගී ජනතාව දැඩි දුෂ්කරතාවන්ට පත්ව තිබේ.

දුම්රිය රියදුරන් පිරිසකගේ වෘත්තීය ක්‍රියාමාර්ගය හේතුවෙන් මගීන්ට සිදුවන අපහසුතා වළක්වාලීම සඳහා අතිරේක බස්රථ ඇතැම් දුම්රිය ස්ථාන අසලින් ගමන් ආරම්භ කරන ආකාරයට යොදවා ඇතිබව වාරථා වනවා.

සංවිධානාත්මක අපරාධකරුවෙකු වන ඩුබායි රාජ්‍යයේ සැඟව සිටින අහුන්ගල්ලේ ලොකු පැටි නැමැත්තාගේ ගෝලයින් තිදෙනෙකු රුපියල් කෝටි 25කට අධික වටිනා මත්කුඩු තොගයක් සහ ගිනි අවි දෙකක් සමග කැස්බෑව ප්‍රදේශයේ සුපිරි නිවසක් තුළදී අත්අඩංගුවට ගත් බව පොලිස් විශේෂ කාර්ය බලකාය කියයි.

වර්තමානය වන විට දුම්රිය රියදුරන් 186 දෙනෙකුගේ පුරප්පාඩු තිබෙන බවත්, දුම්රිය රියදුරන් 2017 වසරේ සිට බඳවා ගෙන නොමැති බවත් රජයේ ගිණුම් පිළිබඳ කාරක සභාවේදී (කෝපා) අනාවරණය විය.

කීරි සම්බා සහල් හිඟය මූලික කර ගනිමින් ඇතැම් ප්‍රදේශවල කීරිසම්බා සහල් කිලෝවක් රු. 345-රු. 360 අතර මුදලකට අලෙවි කරමින් පවතී. පාලන මිලට අනුව කීරි සම්බා කිලෝවක මිල රුපියල් 260 කි.

අලි ඇතුන් විශාල සංඛ්‍යාවක් එකම ස්ථානයේ සිට නැරඹිය හැකි සුවිශේෂ උද්‍යානයක් වන මින්නේරිය ජාතික උද්‍යානයට 2024 මාර්තු මාසයේ සිට අලින්ගේ පැමිණීම විශාල ලෙස පහත බැස ඇති බව ජාතිකවිගණන කාර්යාලයේ කාර්ය පරිවාරික අංශය මගින් ජුනි මස 08වන දින නිකුත් කොට ඇති නවතම විගණන වාර්තාවක සඳහන්වේ.

රේගුවට හොර රහසේ ආනයනය කර ව්‍යාජ තොරතුරු ඇතුළත් කරමින් ලියාපදිංචි කළේ යැයි කියන අධිසුඛෝපභෝගී වාහන 400ක් අතුරින් වාහන 06ක් අල්ලස් කොමිසම භාරයට ගෙන ඇත.

විශ්‍රාමික පොලිස් සාමූහිකය ගොඩනැගීමේදී එහි පෙරමුණ ගත් අපරාධ පරීක්ෂණ දෙපාර්තමේන්තුවේ හිටපු ජ්‍යෙෂ්ඨ නියෝජ්‍ය පොලිස්පති, විශ්‍රාමික පොලිස් සාමූහිකයේ ප්‍රධානී රවී සෙනෙවිරත්න මහතා ඇතුළු නිලධාරීන්ට ආණ්ඩුවෙන් තර්ජන පවා එල්ල වූ බව ජාතික ජනබලවේගයේ නායක අනුර කුමාර දිසානායක මහතා පැවසීය.

චීවරධාරියෙකු හා එක්ව මත්පැන් පානය කිරීමේ යෙදී සිටි හැත්තෑ දෙහැවිරිදි පුද්ගලයෙකු චීවරධාරියාගේ ප්‍රහාරයකට ලක්ව දඹදෙණිය රෝහලට ඇතුළත් කිරීමෙන් පසු මරණයට පත් වී ඇතැයි ගිරිඋල්ල පොලීසිය කියයි.

සමගි ජන බලවේග ආණ්ඩුවක් යටතේ ආණ්ඩුක්‍රම ව්‍යවස්ථාවේ 13 වැනි සංශෝධනය ක්‍රියාත්මක කරන බව එම පක්ෂයේ නායක, විපක්ෂනායක සජිත් ප්‍රේමදාස මහතා පැවසීය.

දකුණු පළාතේ ප්‍රසිද්ධ අවන්හලක් පවත්වාගෙන යන කෝටිපති ව්‍යාපාරිකයකුගෙන් කෝටි 15 කට ආසන්න මුදලක් ලබාගෙන එය ලබා නොදී වංචා කර සැඟව සිටි මහා පරිමාණ වංචා කාරියක් වන 54 හැවිරිදි කාන්තාවක් අත්අඩංගුවට ගත් බව කොළඹ අපරාධ කොට්ඨාසය කියයි.

ඓතිහාසික මිහින්තලය, තන්තිරිමලය සහ අනුරාධපුර පූජා නගරය කේන්ද්‍ර කර ගනිමින් පැවැත්වෙන මෙව අනුරාධපුර පොසොන් උත්සවය සදහා පැමිණෙන ලක්ෂ සංඛ්‍යාත බැතිමතුන් වෙනුවෙන් සාමාන්‍ය ප්‍රවාහන සේවාවට අමතරව අතිරේක විශේෂ බස් රථ සේවාවක් ක්‍රියාත්මක කරන බව ශ්‍රී ලංකා ගමනා ගමන මණ්ඩලයේ සභාපති ලලිත්ද අල්විස් මහතා පැවසීය.

2025 වර්ෂය වෙනුවෙන් අයවැය වාර්තාවක් ඉදිරිපත් කරන්නේ නැහැ .....ඒ වෙනුවට අතුරු සම්මත් ගිණුමක් ඉදිරිපත් කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි. ......

කොකේන් මත්ද්‍රව්‍ය ගුලි වශයෙන් සකස් කර , ඒවා ගිල දමා පැමිණි විදේශීකයෙකු 06/08 දින කටුනායක ගුවන් තොටුපොළ පොලිස් මත්ද්‍රව්‍ය නාශක අංශයේ නිලධාරීන් පිරිසක් විසින් අත් අඩංගුවට ගෙන තිබේ. මොහු 31 හැවිරිදි වඩු කාර්මික වෘත්තීයේ නියැලෙන උගන්ඩා ජාතිකයෙකි.

මහා පරිමාණ මත්ද්‍රව්‍ය ජාවාරම්කරුවකු හා සංවිධානාත්මක අපරාධකරුවකු වන කුඩු සලිදු නැමැත්තා ඩුබායි රාජ්‍යයේ සිට මෙහෙයවනු ලබන මත්ද්‍රව්‍ය ජාලයට අයත් අයිස් මත්ද්‍රව්‍ය ග්‍රෑම් දහයක් රිවෝල්වර් වර්ගයේ ජීව උණ්ඩ විස්සක්, මත්ද්‍රව්‍ය අලෙවියෙන් උපයා ගත් බවට සැක කරන හතළිස් දෙලක්ෂ හතළිස් නමදහසක මුදලක් සමග දෙදෙනෙකු අත්අඩංගුවට ගත් බව විශේෂ කාර්ය බලකාය පවසයි.

චීවරධාරියෙකු හා එක්ව මත්පැන් පානය කිරීමේ යෙදී සිටි හැත්තෑ දෙහැවිරිදි පුද්ගලයෙකු චීවරධාරියාගේ ප්‍රහාරයකට ලක්ව දඹදෙණිය රෝහලට ඇතුළත් කිරීමෙන් පසු මරණයට පත් වී ඇතැයි ගිරිඋල්ල පොලීසිය කියයි.

මධ්‍යම පරිසර අධිකාරිය මගින් 2024 වසරේ හරිත දුම්රියපොලවල් තේරිමේ වැඩසටහන යටතේ ප්‍රධාන දුම්රිය ස්ථාන අටක් සහ උප දුම්රිය ස්ථාන දෙකක් තොරාගෙන එම දුම්රිය ස්ථාන වෙත ත්‍යාග සහ සහතික පත් පිරි නමා ඇත.

කාලීන අවශ්‍යතාවන්ට ගැලපෙන පරිදි දැනට පවතින සියලුම මැතිවරණ නීති සංශෝධනය කිරීමට අවශ්‍ය නිර්දේශ රජයට ඉදිරිපත් කිරීම සඳහා ජනාධිපති රනිල් වික්‍රමසිංහ මහතා විසින් පත්කළ පරීක්ෂණ කොමිෂන් සභාවට එම නිර්දේශ සහිත අවසන් වාර්තාව ඉදිරිපත් කිරීමට ජුනි 15 දක්වා ලබා දී තිබු කාලය ජුනි 30 දක්වා දීර්ඝ කරමින් අති විශේෂ ගැසට් නිවේදනයක් නිකුත් කර තිබේ.

අම්බලන්ගොඩ ජේ.කේ.එස්.කරාතේ පුහුණු මධයස්ථානයෙන් කරාතේ පුහුණුව ලබන එම්.ජී.මහේෂිකා සෙව්වන්දි සහ එම්.ජී.මධුෂිකා සෙව්වන්දි නිවුන් සොහෝයුරියෝ මෙවර අධයන පොදු සහතික උසස් පෙළ විභාගයෙන් තමන් මුහුණදුන් විෂයයන් තුනටම ඒ සාමාර්ථ ලබාගෙන තිබේ.

පාසල් ශිෂ්‍යාවන් 26 දෙනෙකු හා දෙමාපියන් පිරිසක් ගමන් ගත් බස් රථයක් අද(09)දින අලුයම වරකාපොල නගරයේ ඇති අනාරක්ෂිත ඇලකට පෙරළීමෙන් පාසල් ශිෂ්‍යාවන් ඇතුළුව 13 දෙනෙකු තුවාල ලබා වරකාපොළ මූලික රෝහල වෙත ඇතුළත් කළ බව වරකාපොල පොලිසිය පවසයි .

ආණමඩුවේ සිට මහරගම අපේක්ෂා රෝහලට ගමන් ගන්නා ලංගම බස් රථයට ආඩිගම නගරයෙදී ගල් ප්‍රහාරයක් එල්ල කිරීමේ සිද්දියට පුද්ගලික බස් රථ රියදුරන් හා කොන්දෙස්තරවරුන් ඇතුළු හත් දෙනෙකු 9 දින අත් අඩංගුවට ගත් බව ආණමඩුව පොලිසිය කියයි.