2024 අ.පො.ස. (උසස් පෙළ) විභාගය 2024.11.25 දින සිට 2024.12.20 දින දක්වා පැවැත්වීමට මේ වන විට දින නියම කර ඇත.

ජනතා විමුක්ති පෙරමුණේ හම්බන්තොට කටුවන ප්‍රදේශයේ පැවති රැස්වීමකට මීට වසර 12කට පෙර කඩා වැදී වෙඩි තබා පුද්ගලයින් දෙදෙනකු ඝාතනය කර තවත් අයෙකුට මරණීය තුවාල කිරීමේ චෝදනාවන්ට වරදකරු කරමින් ජුලම්පිටියේ අමරේ නැමැත්තාට තංගල්ල මහාධිකරණයෙන් පනවා තිබූ මරණීය දණ්ඩනය අභියාචනාධිකරණය අද (20) අනුමත කළේය.

ඉදිරි පුනරුද යුගයට ගැළපෙන පුරවැසියන් බිහි කිරීමට සමත් සිසු විශ්වසනීයත්වය තහවුරු වූ පීඩාකාරීබවින් තොර අධ්‍යාපනයක් වෙනුවෙන් වත්මන් ශිෂ්‍ය සම්පත මෙහෙයවීමට කැප වෙන බව අද දින පෙරවරුවේ ‘ඉසුරුපාය’ - අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශ පරිශ්‍රයේ දී අභිනව රජයේ අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයේ අමාත්‍ය ධුරය භාර ගනිමින් ආචාර්ය හරිනි අමරසූරිය අග්‍රාමාත්‍යතුමිය පැවසී ය.

වෙළඳපොළ තුළ පවතින සහල් හිඟයට පිළියමක් වශයෙන් මසකට නාඩු සහල් (ස්වර්ණ නාඩු) මෙට්‍රික් ටොන් 70000ක උපරිම සීමාවකට යටත්ව ආනයනය කර පාරිභෝගික ජනතාව වෙත ලබාදීමට රජය තීරණය කර තිබේ.

දසවැනි පාර්ලිමේන්තුවේ පළමු සභාවාරය උත්සවකාරයෙන් හෙට (21) විවෘත කිරීමට නියමිතය. ඊට අදාළ පෙරහුරුව පාර්ලිමේන්තුව පරිශ්‍රයේදී අද (2024.11.20) පැවැත්විණි.

මාධ්‍ය ක්ෂේත්‍රය තුළ සිදුකරනු ලැබූ විශිෂ්ට සේවය ඇගයීම උදෙසා පිරිනැමෙන ස්වර්ණසිංහ ජාතික සම්මානය,’’ අද’’ පුවත්පතේ මාධ්‍යවේදී රාහුල් සමන්ත හෙට්ටිආරච්චිට හිමිව තිබේ.

වතු කම්කරුවන්ගෙන් වෘත්තිය සමිති සඳහා මාසිකව අය කරනු ලබන සමාජික මුදල් 2024 දෙසැම්බර් මස සිට අය නොකරන ලෙසට වතු වෘත්තිය සමිති කිහිපයක සමාජිකයන් විසින් වතු පාලන අධිකාරියෙන් ඉල්ලිමක් කර ඇත.

අත්අඩංගුවට ගත් හිටපු පාර්ලිමේන්තු මන්ත්‍රී හරීන් ප්‍රනාන්දු මහතා ඇප මත මුදා හැර තිබේ.

මෙවර මහ මැතිවරණයෙන් ජාතික ජන බලවේගය නියෝජනය කරමින් තේරී පත් වූ පාර්ලිමේන්තු මන්ත්‍රීවරුන් සියලුදෙනා අද(20දා) පැලවත්ත ජනතා විමුක්ති පෙරමුණේ ප්‍රධාන කාර්යාලයට කැඳවා තිබිණි.

පාස්කු ඉරුදින ත්‍රස්ත ප්‍රහාරය පිළිබඳ චැනල් 4 නාලිකාව ඉදිරිපත් කළ වාර්තා වැඩසටහනේ ඇතුළත් කරුණු සම්බන්ධයෙන් ප්‍රකාශයක් ලබාදීමටය.

10 වැනි පාර්ලිමේන්තුවේ කතානායක ලෙස අශෝක රන්වල මහතාගේ නම යෝජනා වී ඇති බව වාර්තා වේ.

දේශීය ලොකු ලූණු කිලෝවක තොග ගැනුම් මිල රුපියල් හාරසියය දක්වාත් විදේශීය රට වලින් ගෙන්වන ලොකු ලූනු කිලෝවක තොග ගැනුම් මිල රුපියල් 370 ක් දක්වා 20 දින පෙරවරුව වන විට ඉහළ ගොස් ඇතැයි දඹුල්ල ආර්ථික මධ්‍යස්ථාන වෙළඳ සංගමය කියයි.

ශීත ඍතුවත් සමග ඉන්දියාවේ දිල්ලියට ඝණ මීදුම් තත්ත්වයක් බලපා තිබේ.

වස්කඩුව ගාළු පාරේ තෙමහල් ගොඩනැගිල්ලකින් ඇද වැටී කාන්තාවක තුවාල ලබා රෝහල් ගතකර ඇති බව කළුතර උතුර පොලිසිය පවසයි.

හිටපු පාර්ලිමේන්තු මන්ත්‍රී හරීන් ප්‍රනාන්දු මහතා අත්අඩංගුවට ගෙන තිබේ.

යුරෝපයේ හා උතුරු අප්‍රිකානු රටවලට ආවේනික පක්ෂියකු වන සත්ව විද්‍යාත්මකව Numenium tenuirostris හෙවත් හීන්තුඩු කලිත්තා (Slender-billed Curlew)ලෙස හඳුන්වන පක්ෂී විශේෂය 2024 වසරේ නොවැම්බර් මාසයේ සිට ගෝලීය වශයෙන් වඳවී වී ගොස් ඇතැයි නවතම විද්‍යාත්මක වාර් තාවක් මගින් අනාවරණය කර තිබේ.

කූඨ ලේඛන රැගෙන ගුවන් ගමන් බලපත්‍ර ලබා ගැනීම සඳහා බත්තරමුල්ල පැලවත්ත ආගමන විගමන දෙපාර්තමේන්තුව වෙත පැමිණි කාන්තාවන් 12 දෙනෙකු ඇතුළු 18 දෙනෙකු අත්අඩංගුවට ගත් බව පොලිසිය කියයි

කොල්ලුපිටිය 25 වන පටුමගේ පැරණි ගොඩනැගිල්ලක බිත්තියක් කඩා වැටීමෙන් පුද්ගලයෙකු මියගොස් ඇතැයි කොල්ලූපිටිය පොලිසිය කියයි.

පාර්ලිමේන්තු මැතිවරණයේදී සියලුම අපේක්ෂකයන් හා දේශපාලන පක්ෂ, ස්වාධීන කණ්ඩායම් මාධ්‍ය යොදාගෙන ප්‍රචාරක කටයුතු කිරීමට රුපියල් මිලියන දෙදහසකට ආසන්න මුදලක් වැය කර තිබෙන බව ප්‍රජාතන්ත්‍රීය ප්‍රතිසංස්කරණ සහ මැතිවරණ අධ්‍යයන ආයතනය සඳහන් කරයි.

රජය සතු ප්‍රමුඛතම ව්‍යාපාරයක් වන ලිට්‍රෝ ගෑස් සමාගම බලශක්ති අමාත්‍යාංශය යටතට ගැසට් කිරීමට රජය තීරණය කර තිබේ. බලශක්ති අමාත්‍යාංශය යටතට විදුලි බල මණ්ඩලය මෙන්ම ඛනිජ තෙල් නීතිගත සංස්ථාවද ඇතුළත් වෙනු ඇත.

නව අග්‍රාමාත්‍ය ලේකම්, අමාත්‍ය මණ්ඩල ලේකම් ඇතුළු අමාත්‍යාංශ 16ක් සඳහා නව ලේකම්වරු පත් කිරීම ජනාධිපති ලේකම් ආචාර්ය නන්දික සනත් කුමානායක මහතාගේ ප්‍රධානත්වයෙන් ජනාධිපති කාර්යාලයේදී අද (19) සිදුකෙරිණි. එම නාම ලේඛනය පහත පරිදි වේ.

මෝටර් රථ ප්‍රවාහන දෙපාර්තමේන්තුවේ පරිගණක පද්ධතියට ව්‍යාජ තොරතුරු ඇතුළත් කරමින් මෝටර් වාහන ලියාපදිංචි කිරීමේ මහා පරිමාණ ජාවාරම කර ඇත්තේ එම දෙපාර්තමේන්තුවේ නියෝජ්‍ය කොමසාරිස්වරයකු ඇතුළු අටදෙනකු බව අල්ලස් කොමිසම කොළඹ ප්‍රධාන මහේස්ත්‍රාත් තිළිණ ගමගේ මහතාට අද (19) දැනුම් දුන්නේය.

ජනපති අනුර කුමාර දිසානායක මහතා ජනපතිධුරයේ දිවුරුම් දෙමින් අනතුරුව සිදුකළ කථාවේදී තමන් ඉන්ද්‍රජාලිකයෙක් නොවන බව සඳහන් කළත් මහ මැතිවරණයේ ලබා ගත් ජයග්‍රහණය අනුව ඔහු ඉන්ද්‍රජාලිකයෙක් බවට පෙන්නුම් කර ඇති බව හිටපු පාර්ලිමේන්තු මන්ත්‍රී උදය ගම්මන්පිල මහතා පවසයි.අද කොළඹදී පැවැති මාධ්‍ය හමුවකදී ඔහු මේ බව පැවැසීය.

සමගි ජන බලවේගයේ මහ ලේකම් රංජිත් මද්දුම බණ්ඩාර මහතාගේ නම මැතිවරණ කොමිෂම ගැසට් කර තිබේ. මැතිවරණයෙන් සමගි ජන බලවේගයේ ජාතික ලැයිස්තු මන්ත්‍රීධුර 5ක් හිමිවිය. තවත් මන්ත්‍රීවරු 4ක් සමගි ජන බල වේගය විසින් නම් කළ යුතුව තිබේ.

කථානායක ධුරයට හම්බන්තොට දිස්ත්‍රික් පාර්ලිමේන්තු මන්ත්‍රී නිහාල් ගලප්පත්ති මහතා පත්කිරීමට රජයේ අවධානය යොමුව ඇති බව වාර්තා වෙයි. නිහාල් ගලප්පත්ති මහතා විශේෂයෙන් ජනතා විමුක්ති පෙරමුණ වෙනුවෙන් විශාල කැපකිරීමක් කළ පුද්ගලයෙක් වෙයි.

’’ඉන්ධන මිල සූත්‍රය අහෝසි කිරීමේ අවශ්‍යතාවක් පැන නැගලා නෑ. අපි බලනවා මොකක්ද වෙන්න ඕන කියලා. ඉන්ධන මිල සූත්‍රයක් තිබෙන එක හොඳයි. ඒක සංශෝධනය කරන්න ඕනද කියලා බලනවා. අපි අලුත් විදිහට හිතනවා. අපි ඉන්ධන මිල අඩු කරන්න තමයි හදන්නේ’’

නව ප්‍රජාතන්ත්‍රවාදී පෙරමුණට හිමිවූ ජාතික ලැයිස්තු මන්ත්‍රීධුර දෙකෙන් එක් මන්ත්‍රීධුරයක් වෙනුවෙන් හිටපු අමාත්‍ය කංචන විජේසේකර මහතා පත්කිරීමට නියමිත බව වාර්තා වෙයි.

මහනුවර සිට බදුල්ල බලා ධාවනය වෙමින් තිබූ අංක 1126 දරන භාණ්ඩ ප්‍රවාහන මිශ්‍ර දුම්රිය අද (19) පස්වරුවේ දියතලාව දුම්රිය ස්ථානය අසලදී පිලීපැනිමට ලක් වීමෙන් උඩරට දුම්රිය මාර්ගයේ කොළඹ කොටුව බදුල්ල දුම්රිය ධාවනයට බාධා සිදුව ඇතැයි නාවලපිටිය දුම්රිය පාලක මැදිරිය පවසයි .

10වන පාර්ලිමේන්තුවේ සභානායක ලෙස අමාත්‍ය බිමල් රත්නායක මහතා පත්කර තිබේ.