දිවයිනේ සියලු පරිපාලන දිස්ත්‍රික්කවල මහජන සාමය පවත්වාගෙන යාම සඳහා ජනාධිපති අනුර කුමාර දිසානායක මහතා විසින් සන්නද්ධ හමුදා කැඳවීමේ නියෝගයක් නිකුත් කර ඇත.

හෙද, පරිපුරක, අතුරු වෛද්‍ය සේවාවලට අදාළව පුරප්පාඩු විශාල ප්‍රමාණයක් ඇති වී තිබෙන නිසා විශ්‍රාම යමේ වයස අවුරුදු 63 ක් දක්වා දිර්ඝ කළ යුතු බව සෞඛ්‍ය වෘත්තීය සමිති සන්ධානය සඳහන් කරයි.

අධිවේගී මාර්ගයේ ආරක්ෂාවට පොලිස් විශේෂ කාර්ය බලකායේ (STF) සංචාරක මුර සේවයක් යෙදවීමට ප්‍රවාහන, මහාමාර්ග, වරාය හා සිවිල් ගුවන් සේවා අමාත්‍ය බිමල් ජයකොඩි මහතා තීරණය කර තිබේ.

සිං ඉන්දියාව දීර්ඝතම කාලයක් පාලනය කළ අගමැතිවරයෙකු වූ අතර ඔහු 2004-2014 දක්වා අග්‍රාමාත්‍යවරයා ලෙසත් ඊට පෙර මුදල් අමාත්‍යවරයා ලෙසත් ඉන්දියාවේ ලිබරල්කරණ ආර්ථික ප්‍රතිසංස්කරණවල ප්‍රමුඛතමයා ලෙස සැලකෙයි. ඔහු ඒරට මහ බැංකු අධිපතිවරයා ලෙසද කටයුතු කළේය.

සමගි ජන බලවේගයේ කෘත්‍යාධිකාරී මණ්ඩල රැස්වීම ලබන වසරේ ජනවාරි මුල් සතියේදී පැවැත්වීම සැලසුම් කර ඇති බව සමගි ජන බලවේගයේ පාර්ලිමේන්තු මන්ත්‍රී , විපක්ෂයේ ප්‍රධාන සංවිධායක ගයන්ත කරුණාතිලක මහතා ’අද’ට පැවසීය.

පසුගිය කාලසීමාවේදී පැවැති විවිධ කරුණු හේතුවෙන් කඩා වැටුණු රටෙහි ආර්ථිකය යළිත් ස්ථායිකරණය කිරීමේ ක්‍රියාවලිය, තවදුරටත් ඉදිරියට ගෙන යෑම නව රජයේ අරමුණ බව රජය පවසයි.

යාපනය දිස්ත්‍රීක් ස්වාධීන පාර්ලිමේන්තු මන්ත්‍රී රාමනාදන් අර්චුන මන්ත්‍රීවරයා අද (26) කිලිනොච්චිය දිස්ත්‍රීක් සංවර්ධන කමිටු රැස්වීමේදීද රාජ්‍ය නිලධාරීන් පිරිසක් සමග මතභේදාත්මක බහින්බස් වීමක් සිදුවිය.

නිවෙස් හිමිකාරිය පැද වූ සුඛෝභෝගි මෝටර් රථයට යට වීමෙන් නිවසේ මෙහෙකරු ඊයේ (25) රාත්‍රී මියගොස් ඇතැයි කහතුඩුව පොලිසිය කියයි

පිළියන්දල ජාලියගොඩ ප්‍රදේශයේ වෙළඳසැලක් ඉදිරිපිට නවතා තිබූ ලොරි රථයකට කඩුවක් අතැතිව නැග ජනාධිපති අනුර කුමාර දිසානායක මහතා හමුවීමට අවශ්‍ය බව පවසමින් කලහකාරීව හැසුරුණු පුද්ගලයෙකු පොලිසිය මැදිහත් වී පාලනය කොට අත්අඩංගුවට ගත් බව පිළියන්දල පොලිසිය පවසයි.

ප්‍රධාන ධාරාවන් කිහිපයක් පිළිබදව අවධානය යොමු කර සුදුසුම සංවර්ධන සැළැස්ම ක්‍රියාත්මක කරමින් මාළඹේ වෛද්‍ය නෙවිල් ප්‍රනානදු රෝහල රටට අතිශය ඵලදායී රෝහලක් ලෙස කඩිනමින් සංවර්ධනය කිරීමට පියවර ගන්නා බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා අවධාරණය කලේය.

නීත්‍යානුකූල අයුරින් ඊශ්‍රායලයේ කෘෂිකර්මාන්ත ක්ෂේත්‍රයේ රැකියා සඳහා පිටත්ව ගොස් මෙරටට පැමිණ යළි ඊශ්‍රායලයේ සේවය කිරීමට අවස්ථාව හිමිවූ ශ්‍රී ලාංකික පිරිසකට ගුවන් ටිකට්පත් පිරිනැමීම පසුගියදා ශ්‍රි ලංකා විදේශ සේවා නියුක්ති කාර්යාංශයේදී සිදුකරන ලදී.

අස්වැසුම සුබසාධක ප්‍රතිලාභ ගෙවීම් යෝජනා ක්‍රමයේ පළමු අදියර යටතේ සුදුසුකම් ලැබූ ප්‍රතිලාභී පවුල් 212 423ටමෙතෙක් ගෙවීමට ඇති හිඟ මුදල් ප්‍රමාණය වූ රුපියල් 1 314 007 750ක මුදල හෙට දිනයේදී අදාළ ප්‍රතිලාභීන්ගේ ගිණුම් වෙත බැංකු ගත කිරීමට කටයුතු කිරීමට කටයුතු කර ඇති බව සුබ සාධක ප්‍රතිලාභ මණඩලය දැනුම් දෙයි.

මාතලේ අඹන්ගඟ කෝරළේ ප්‍රාදේශීය ලේකම් කොට්ඨාසයේ කවුඩාගම්මන ග්‍රාමයේ පවුල් 144කට සෙත සලසන පානිය ජල ව්‍යාපෘතිය පසුගියදා නිලධාරීන් විසින් ජනතා අයිතියට පත්කරනු ලැබීය.

කොළඹ කොටස් වෙළඳපොළ අද දිනයේද දැවැන්ත වර්ධනයක් පෙන්නුම් කළේය. ඒ අනුව සමස්ත කොටස් මිල දර්ශකය ඒකක 232කින් ඉහළ ගොස් සමස්ත ඒකක 15 400ක් දක්වා ඉහළ ගියේය.

වසර 20කට පෙර සුනාමි විපතින් ජීවිත අහිමි වූ දහස් ගණනක් සිහිපත් කරමින් 20වෙනි සුනාමි සැමරුම් උළෙල අද (26)දා පැරෑලිය සුනාමි ස්මාරකය අසලදී පැවැත්වුණි. සුනාමි මුහුදු රළ ට හසුවී පෙරළී ගිය දුම්රියේ මැදිරිය සහිත දුම්රියක් ඊයේ දිනද කොටුව දුම්රිය ස්ථානයේ සිට ගමන් ආරම්භ කර තිබුණි.

ජාතික රූපවාහිනියේ නව සභාපතිවරයා ලෙස ගිහාන් ද සිල්වා මහතා අද (26දා) වැඩ භාරගෙන තිබේ.

මෙම වසරේ මෙරටට පැමිණි සංචාරකයන් ප්‍රමාණය ලක්ෂ 20 ඉක්මවා ගොස් තිබේ.

සුනාමි ව්‍යයසනය සිදුවී අදට (26දා) අවුරුදු 20ක් සපිරෙයි.

අයහපත් කාලගුණයෙන් නුවරඑළිය දිස්ත්‍රික්කයේ උඩරට එළවළු වගා බිම් අක්කර 750කට වඩා වැඩි ප්‍රමාණයක් සම්පුර්ණයෙන් විනාශයට පත්ව ඇති බවත්, එම හානි වූ එළවළු වගාවන් සඳහා තමන්ටත් වන්දි මුදල් ලබා දෙන ලෙස වගා හානියට පත් උඩරට එළවළු ගොවීහූ රජයෙන් ඉල්ලා සිටිති.

හබරණ පොළොන්නරුව ප්‍රධාන මාර්ගයේ හතේ කණුව සහ බටුඔය අතර 38 කිලෝමීටර් කණුව අසල ගිනිගත් කැබ්රථයක් තුළ තිබී පුද්ගලයෙකුගේ මළ සිරුරක් 25 වෙනිදා රාත්‍රියේදී සොයා ගැනීමට හැකිවූ බව මින්නේරිය පොලිසිය කියයි.

විෂ එන්නත් කර 70 හැවිරිදි අවිවාහක කාන්තාවක් ඝාතනය කළ බව පැවසෙන සිද්ධියක් සම්බන්ධයෙන් දික්වැල්ල පොලීසිය විමර්ශනයක් ආරම්භ කර ඇත.

රාත්‍රි රථවාහන රාජකාරියේ නිරත වන පොලිස් නිලධාරින් සම්බන්ධයෙන් පොලිස් මූලස්ථානය විසින් නවතම උපදෙස් මාලාවක් නිකුත් කර තිබේ.

නව දුම්රිය සාමාන්‍යාධිකාරි වශයෙන් හිටපු දුම්රිය සාමාන්‍යාධිකාරී ධම්මික ජයසුන්දර මහතා පත්කර තිබේ.

මේ වන විට බිත්තර මිල දැඩි ලෙස පහල බැස තිබුනද බිත්තර ආප්ප බිත්තර රෝටි මිල අඩු නොවිම පිලිබදව බොහෝ පිරිසක් දැඩි අප්‍රසාදය පලකර සිටිති.

බන්ධනාගාර දෙපාර්තමේන්තුවේ තනතුරු 79 කට අදාලව නිලධාරී පුරප්පාඩු 1717 ක් පවතින බව විගණන මහ ලේකම් කාර්යාලය මගින් නිකුත් කරන ලද විගණන වාර්තාවේ සදහන් වේ.

රුපියල් කෝටියකට ආසන්න වටිනාකමකින් යුත් නීති විරෝධී අන්දමින් එකලස් කල බවට සැක සුඛෝපභෝගී ජීප් රථයක් සොයාගෙන ප්‍රසිද්ධ පෞද්ගලික කර්මාන්ත ශාලවක කළමනාකරුවකු අත්අඩංගුවට ගැනීමට පානදුර වලාන මධ්‍යම දූෂණ මර්ධන ප්‍රහාරයක ඒකකය සමත්ව ඇත.

රාජ්‍ය ඖෂධ නිෂ්පාදන සංස්ථාව මගින් ඉකුත් වසරේදී නිෂ්පාදනය කරන ලද ඖෂධ වර්ග 10 ක් නිෂ්පාදන පිරිවැයට වඩා අඩු මිලට පුද්ගලික වෙළඳපොළ බෙදාහරින්නන්ට අලෙවි කර තිබීමෙන් එම සංස්ථාවට රුපියල් 15,265 ,626 ක මූල්‍ය අලාභයක් සිදුව ඇතැයි ජාතික විගණන කාර්යාලය අනාවරණය කරයි.

ඉකුත් පැය 24 තුළදී බීමත්ව රිය ධාවනය කළ පුද්ගලයන් 251 කු ඇතුළු අනෙකුත් මාර්ග නීති උල්ලංඝනය කළ රියදුරන් 8747 කුට එරෙහිව නීතිය ක්‍රියාත්මක කර ඇතැයි පොලිස් මාධ්‍ය ප්‍රකාශක ජේෂ්ඨ පොලිස් අධිකාරී නීතිවේදී බුද්ධික මනතුංග මහතා පැවසීය

ශ්‍රි ලංකා පොදජන පෙරමුණේ පොදුජන අධ්‍යාපන සේවා සංගමයේ සභාපති ලෙස ක්‍රියා කළ වසන්තා හඳපාන්ගොඩ මහත්මිය එංගලන්තයේදි ජිවිතක්ෂයට පත්ව තිබේ.