ගුවන් ගමන් බලපත්‍රයක් සහ වීසා නොමැතිව නුවරඑලිය මුස්ලිම් පල්ලියක රැදි සිටි ඉන්දුනිසියානු ජාතිකයන් 08 දෙනෙකු (02) දින පස්වරුවේ සැකපිට අත්අඩංගුවට ගත් බව නුවරඑලිය පොලිසියේ නිලධාරියෙකු පැවසිය.

දිවයිනේ ඇතැම් ප්‍රදේශවල නාඩු, සම්බා සහල් සහ පොල් හිඟයක් ඇති වී තිබෙන අතර, හිඟයට සාපේක්ෂය පොල් සහ සහල් මිල විශාල ලෙස ඉහළ ගොස් තිබේ.

නව ප්‍රජාතන්ත්‍රවාදී පෙරමුණේ පාර්ලිමේන්තු කණ්ඩායම් නායක ලෙස මහනුවර දිස්ත්‍රික් මන්ත්‍රී නීතීඥ අනුරාධ ජයරත්න මහතා නම් කර තිබේ.

’’ඩුබායි - 07 ’’ ජාත්‍යන්තර රග්බි තරගාවලියට ශ්‍රී ලංකාව නියෝජනය කරමින් සහභාගී වූ , ’’ ශ්‍රී ලයන්ස් ’’ රග්බි කණ්ඩායම එම තරගාවලිය ආරම්භ කර වසර 54 ක ඉතිහාසය තුළ පළමු වරට එම තරගාවලියේ ශූරතාවය දිනා ගනිමින් 12/02 දින රාත්‍රී කටුනායක ගුවන් තොටුපොළ වෙත පැමිණිෙය්ය.

විපක්ෂයේ ප්‍රධාන සංවිධායක ධුරය සමගි ජන බලවේගයේ පාර්ලිමේන්තු මන්ත්‍රී ගයන්ත කරුණාතිලක මහතාට ලබා දී තිබේ.

පාර්ලිමේන්තුවේ මුදල් කාරක සභාවේ සභාපති ධුරයට සමගි ජන බලවේගයේ කොළඹ දිස්ත්‍රික් මන්ත්‍රී ආචාර්ය හර්ෂ ද සිල්වා මහතාගේ නම යෝජනා කිරීමට විපක්ෂයේ පක්ෂ නායකයින් කිහිප දෙනෙක් තීරණය කර තිබේ.

2023 දී පමණක් අලි ඇතුන් 470ක් මිය ගිහින් 2020 වන අලි කළමනාකරණයට හැදුව ජාතික ප්‍රතිපත්තිය අද වනතුරු ක්‍රියාත්මක වන්නේ නැති බවද මහතා පවසයි

ශ්‍රී ලංකා වරාය අධිකාරියේ නිල නිවාසවල පදිංචි නිලධාරීන් 402 ක් අදාළ චක්‍රලේඛ අනුව ඒවායේ සිටිය හැකි කාලය ඉක්මවා රැඳී සිටින බව ජාතික විගණන කාර්යාලය අනාවරණය කරයි.

වංකානෛ පිහිටි වලිකාමම් මත්පැන් නිෂ්‍පාදනාගාරයට අදාළව හිඟ සුරාබදු ගෙවන තෙක් මල්පැන් නිෂ්පාදන කටයුතු අත්හිටුවීමට කටයුතු කර තිබෙන බව සුරාබදු දෙපර්තමේන්තුව සඳහන් කරයි.

වත්මන් ආණ්ඩුව ගංවතුරෙන් හානි වූ ගොවිබිම් සඳහා රුපියල් බිලියනයක මුදල් වෙන්කරන බවට ප්‍රකාශ කළද, ඉන් අක්කරයකට ලැබෙනුයේ රුපියල් 2600ක් වැනි සුළු මුදල් ප්‍රමාණයක් බව සමගි ජන බලවේගයේ පාර්ලිමේන්තු මන්ත්‍රී නලීන් බණ්ඩාර මහතා පැවසීය.

පසුගිය දිනවල දිවයිනේ බොහෝ ප්‍රදේශවලට ඇති වූ තද වැසි තත්ත්වය සැලකිල්ලට ගෙන මහවැලි ගඟ හා දැදුරුඔය ආශ්‍රිත ප්‍ර දේශවලට නිකුත් කර තිබූ ගංවතුර අනතුරු ඇඟවීම අද (02දා) ඉවත් කර තිබේ.

මැතිවරණ වියදම් වාර්තා නියමිත දිනට භාර නොදෙන පාර්ලිමේන්තුවට තරග කළ දේශපාලන පක්ෂ, ස්වාධීන කණ්ඩායම් සහ අපෙක්ෂකයන්ට නීති මගින් කටයුතු කරන බව මැතිවරණ කොමිෂන් සභාව සඳහන් කරයි.

මන්ත්‍රීවරුන්, අමාත්‍යවරුන් හා හිටපු ජනාධිපතිවරුන්ට ලබාදෙන දීමනා හා වරප්‍රසාද පිළිබඳ නැවත සලකා බැලීමට පත්කළ කේ. ටී. චිත්‍රසිරි කමිටුවේ වාර්තාව ජනාධිපති අනුර කුමාර දිසානායක මහතා වෙත භාර දී තිබේ.

සහල් හිඟයකින් තොරව සාධාරණ මිලට, අඛණ්ඩව ජනතාවට ලබා දීමේ අවශ්‍යතාව ජනපති අවධාරණය කරයි

05 වසර ශිෂ්‍යත්ව විභාගයේ පළමු ප්‍රශ්න පත්‍රයේ කලින් පිටවූ ප්‍රශ්න තුන සඳහා විභාගයට ඉදිරිපත් වූ සියලු සිසු සිසුවියන්ට නිදහස් ලකුණු ලබාදීමට කැබිනට් මණ්ඩලය නිර්දේශ කර ඇතැයි නීතිපතිවරයා ශ්‍රේෂ්ඨාධිකරණයට අද (02) දැනුම් දුන්නේය.

සහල් මෝල් හිමියන් විසින් නාඩු, සම්බා සහ කීරි සම්බා සහල් තොග මිල (02) දින වැඩි කර ඇති බව දිවයින පුරා සහල් තොග වෙලෙදුන් වෙත දැනුම් දි ඇත.

ඕස්ට්‍රේලියානු පොලීසිය කොකේන් මත්ද්‍රව්‍ය මෙට්‍රික් ටොන් 2.3ක් සමග පුද්ගලයන් 13 දෙනෙකු අත්අඩංගුවට ගෙන තිබේ.

ඇමතිවරු, මන්ත්‍රිවරුන් එනවා කියලා මින් පස්සේ කිසිම රැස්විමකට අනවශ්‍ය වියදමක් කරන්න ඒපා. මගේ සියලුම උත්සව වල වියදම අඩු කරන එක ගැන ආයතන දැනුවත් කරන්න සුදානමින් ඉන්නේ. අපිට වි.අයි.පී.පුටු ගෙන්න ඒපා අනිත් අය වාගේ අපිටත් ප්ලාස්ටික් පුටුවක ඉදගන්න පුළුවන් අය යැයි රාජ්‍ය පරිපාලන පළාත් සභා හා පළාත් පාලන ඇමති චන්දන අබේරත්න මහතා පැවසිය.

වරින් වර හිස ඔසවනු ලබන ඩෙංගු රෝගය සම්පූර්ණයෙන් පාලනය කර ගැනීමට නව රජය සැළසුම් කරන වැඩසටහන තුල ප්‍රතිකාර සේවා ශක්තිමත් කර ගැනීමට, මදුරු කීට බෝවීම මර්දනය කිරීමට සහ විධිමත් ඖෂධ භාවිතාවන් ආදී කරුණු සම්බන්ධව කියුබානු රජයේ විශේෂඥ දැනුම, තාක්ෂණික මෙවලම් සහ අත්දැකීම් සෘජුවම යොදා ගැනීමට සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා තීරණය කර ඇත.

කොළඹ කොටුව සිට බදුල්ල බලා ධාවනය වූ අංක 1007 මගි ප්‍රවාහන දුම්රිය පිලි පැනිම හේතුවෙන් උඩරට දුම්රිය ධාවනයට බාධා පැමිණ ඇති බව නාවලපිටිය දුම්රිය පාලක මැදිරිය පැවසිය.

අතිරේක සොලිසිටර් ජනරාල්වරුන් වන දිලීප පීරීස් සහ ශනිල් කුලරත්න යන මහත්වරු ජනාධිපති නීතීඥවරුන් වශයෙන් ශ්‍රේෂ්ඨාධිකරණයේදී දිව්රුම් දුන්හ.

වඳවීමේ තර්ජනයට මුහුණ දී සිටින මුහුදු කැස්බෑවෙකුගේ මස් අනුභව කළ පිලිපීන ජාතිකයින් තිදෙනෙකු ජීවිතක්ෂයට පත්ව තිබේ.

හිටපු පාර්ලිමේන්තු මන්ත්‍රී ලොහාන් රත්වත්තේ මහතා සහ ඔහුගේ බිරිඳ ලබන 06 වැනිදා දක්වා යළි රක්ෂිත බන්ධනාගාර ගත කර තිබේ.

පාර්ලිමේන්තු මන්ත්‍රීවරුන් සඳහා මන්ත්‍රි නිල නිවාස ලබාදීමේදී තමන් ඇමති නිල නිවස ප්‍රතික්ෂේප කර පාර්ලිමේන්තු මන්ත්‍රී ඒ.ජී.රොෂාන් ප්‍රියසංජන මහතා සමග මාදිවෙල පිහිටි එක මන්ත්‍රි නිල නිවසක් පරිහරණය කිරීමට තීරණය කළ බව විදේශ කටයුතු හා විදේශ රැකියා නියෝජ්‍ය අමාත්‍ය හා ත්‍රිකුණාමල දිස්ත්‍රික් පාර්ලිමේන්තු මන්ත්‍රී අරුන් හේමචන්ද්‍රා මහතා පැවසීය.

බත්තරමුල්ල අධ්‍යාපන අමාත්‍යාංශය ඉදිරිපිට උණුසුම් තත්ත්වයක් හටගෙන තිබේ.

මාතලේ නගරයේ වෙළදැසල්වල පොල් ගෙඩියක මිල රුපියල් 200ත් 230ත් අතර වන බව පාරිභෝගිකයෝ පවසයි.

රුපියල් මිලියන එක්ලක්ෂ අනූ දෙදහස් පන්සියයක් වටිනා භාණ්ඩාගාර බිල්පත් වෙන්දේසියක් දෙසැම්බර් 04 දා පවත්වන බව ශ්‍රී ලංකා මහ බැංකුව නිවේදනය කරයි

මෙරට නව අගවිනිසුරු ලෙස මුර්දු ප්‍රනාන්දු මහත්මිය ජනාධිපති අනුර කුමාර දිසානායක මහතා ඉදිරියේ අද(02දා) දිවුරුම් දෙනු ලැබිණි.

අලුත්වැඩියා කටයුතු සඳහා යොමු කොට තිබූ දුම්රිය එන්ජින් 78ක් අලුත්වැඩියා කිරීම සිදු නොකොට, 2017 වර්ෂයේ සිට 2023 දෙසැම්බර් 31 දක්වා වසර 06ක කාලයක් තුළ ධාවනාගාරවල හෝ රත්මලාන ප්‍රධාන දුම්රිය වැඩපළෙහි රඳවා ගෙන තිබූ බව ජාතික විගණන කාර්යාලය මගින් නොවැම්බර් 29 දින නිකුත් කර ඇති නවතම විගණන වාර්තාවක සඳහන් වේ.