හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතාට ඇප ලබා දීමට කොළඹ අතිරේක මහෙස්ත්‍රාත් මංජුල රත්නායක මහතා නියෝගය කර තිබේ.

සුනඛයෙකුගේ හිස ලණුවකින් සිර කර මරා දැමිමේ සිදුවිමට අදාළව අවුරුද 48ක කාන්තාවක් පොලීසිය විසින් අත්අඩංගුවට ගෙන තිබේ. මාන්කුලම පොලිසිය විසින් මෙම අත්අඩංගුවට ගැනිම සිදුකර තිබේ. සිදුවිමට අදාළ ඡායාරූප සමාජ මාධ්‍ය තුළ වේගයෙන් සංසරණය විය. සැකකාරිය අධිකරණයට ඉදිරිපත් කිරිමට නියමිතය.

මුදල් විශුද්ධිකරණය වැලැක්වීමේ පනත යටතේ අත්අඩංගුවට ගෙන රක්ෂිත බන්ධනාගාර ගත කර සිටි හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතා අධිකරණයට රැගෙනවිත් තිබේ.

සමෘද්ධි සංවර්ධන දෙපාර්තමේන්තුව තුසිදුව ඇති මූල්‍ය අක්‍රමිකතා අවස්ථා 180 කට අදාළව රුපියල් මිලියන 498.7 ක මූල්‍ය වංචාවන් සිදුවී ඇතැයි ජාතික විගණන කාර්යාලය අනාවරණය කරයි.

2019 වර්ෂයේ සැප්තැම්බර් මාසයෙන් පසුව පසුගිය 2024 වර්ෂයේ මාර්තු මස සිට දෙසැම්බර් 31 දක්වා මාස (09)ක කාලසීමාව තුළදී මෙරට තේ නිෂ්පාදනය කිලෝ ග්‍රෑම් මිලියන 264ක් දක්වා ඉහල යාමක් සිදුවී ඇති බව වැවිලි හා පරිසර ප්‍රජා යටිතල පහසුකම් අමාත්‍යාංශයේ ලේකම් ප්‍රභාත් එස්. චන්ද්‍රකීර්ති මහතා පැවැසීය.

රුපියල් මිලියන 15,823 වටිනා විදේශීය රාජ්‍ය ණය රාජ්‍ය මුල්‍ය ප්‍රකාශනවල ගිණුම්ගත කොට නොතිබූ බව ජාතික විගණන කාර්යාලයේ මගින් 2025/01/25 දින නිකුත් කොට ඇති නවතම විගණන වාර්තාවක සඳහන් වෙයි’

කඩිනමින් සාක්ෂි මතු වන අපරාධවල පරීක්ෂණ කඩිනමින් සිදු කරන බවත්, දුෂ්කර සාක්ෂි මතු වන අපරාධවල පරීක්ෂණ දුෂ්කරතාව දරාගෙන ඊට ගතවන කාලයත් සමග සිදු කරන බවත් ජනාධිපති අනුර කුමාර දිසානායක මහතා පැවසීය.

සංචාරක කර්මාන්තය ප්‍රවර්ධනයට හා දුර ගමන් සේවා සඳහා නව දුම්රිය ධාවනයට එක්කිරීමට ප්‍රවාහන මහා මාර්ග වරාය හා සිවිල් ගුවන් සේවා අමාත්‍යවරයාගේ උපදෙස් පරිදි නව දුම්රිය ධාවනයට එක්කර තිබේ.

මහනුවර සිට ඇල්ල දක්වා දිවෙන ඔඩිසි දුම්රියේ රුපියල් 4000ක් වටිනා දුම්රිය ඊ ටිකට් පත් දෙකක් බ්‍රිතාන්‍ය ජාතික කාන්තාවන් දෙදෙනෙකුට රුපියල් 28,000කට අලෙවි කළ බව කියන ත්‍රී රෝද රථ රියදුරෙකු මහනුවර කොට්ඨාශ අපරාධ විමර්ශන ඒකකය මගින්අත් අඩංගුවට ගෙන තිබේ.

ශ්‍රී ජයවර්ධනපුර විශ්ව විද්‍යාලයට අනුබද්ධ දන්ත වෛද්‍ය පීඨයේ මේ විට වර්ෂ හතරකට අදාළ දන්ත වෛද්‍ය සිසුන් 145 කට ආසන්න ප්‍රමාණයක් අධ්‍යයන කටයුතු වල නිරත වන අතර එහි සිව්වන වසරේ අධ්‍යයන කටයුතු සිදුකරන දන්ත වෛද්‍ය සිසුන් ලබන වසර මැද භාගයේ දී අනිවාර්යෙන් ම මහාචාර්ය පුහුණුව සදහා යොමුකළ යුතු වුවත් ඒ සදහා මෙතෙක් නිශ්චිත සැලසුම් සම්පූර්ණ නොවීම මහත් ගැටලුවක් ව පැවතුණි.

බුධ, සිකුරු, අඟහරු, බ්‍රහස්පති, සෙනසුරු සහ යුරේනස් යන ග්‍රහලෝක හයක දුර්ලභ පෙළගැස්මක් මේ දිනවල සිදු වන අතර එය තාරකාවිද්‍යා ලෝලීන්ට සහ තරු නිරීක්ෂකයින්ට දර්ශනීය දසුනක් ලබා දෙයි.

මෙවර අයවැයෙන් රාජ්‍ය සේවකයන්ගේ මූලික වැටුප වැඩි කරන බව ජනපති අනුර කුමාර දිසානායක මහතා පැවැසීය. අනුරාධපුරයේ පැවැති හමුවකදී ඔහු මේ බව පැවැසීය.

ගාල්ල බන්ධනාගාරයේ රැඳවියන් දෙපිරිසක් අතර සිදු වූ ගැටුමකින් රැඳවියන් 04 දෙනෙකු තුවාල ලබා රෝහල් ගත කර තිබේ.

කොළඹ සිට නුවරඑලිය දක්වා විදේශිකයන් දෙදෙනෙකු ගමන් ගත් ත්‍රිරෝද රථයක් අනතුරට පත්විමෙන් ත්‍රිරෝද රථයේ ගමන් ගත් ස්ලොවැකියා ජාතිකයන් දෙදෙනෙකු තුවාල ලබා වටවල ප්‍රාදේශිය රෝහල වෙත ඇතුලත් කර ඇති බව වටවල පොලිසිය පැවසිය.

වැඩි මිලට විකිණීම සඳහා ප්‍රවාහනය කරමින් තිබු දේශීය රතු කැකුලු හාල් තොගයක් සමග ලොරි රථයක් දක්ෂිණ අධිවේගී මාර්ගයේ බද්දේගම ප්‍රදේශයේදී සිය භාරයට ගත් බව පාරිභෝගික කටයුතු අධිකාරීයේ ගාල්ල දිස්ත්‍රික් කාර්යාලය පවසයි.

2024 අදාළව අයි.සී.සී. වසරේ නැගී එන ක්‍රීඩකයා සම්මානය ශ්‍රී ලංකාවේ කමිඳු මෙන්ඩිස්ට හිමිව තිබේ.

ජනප්‍රිය වන වැඩ කරමින් ජනතාවගේ ප්‍රශ්න නැවැත්වීමට කටයුතු කළ නොහැකි බව නව ප්‍රජාතන්ත්‍රවාදී පෙරමුණේ පාර්ලිමේන්තු මන්ත්‍රී චාමර සම්පත් දසනායක මහතා පැවසීය.

සහතික මිලට වඩා අඩුවෙන් මිස වැඩි මිලට සහන් වෙළඳපොලේ විකිණීමට ඉඩ නොතබන බවත්, ඒ සඳහා තමාට සති දෙකක කාලයක් ලබා දෙන ලෙසත් ජනාධිපති අනුර කුමාර දිසානායක මහතා පැවසීය.

ශිෂ්‍යත්ව විභාගයෙන් ලකුණු 159 ක් ගත් දරැවා මාස එකහමාරකට පෙර අවාසනාවන්ත ලෙස මියගියා. තෝරවෙලකන්ද පාසලේ මෙවර ශිෂ්‍යත්ව සමත් එකම දරැවා.මව හැඩු කදුලින් කියයි.

අත්ලේ සඟවාගෙන රැගෙන යා හැකි අඟල් 4 - 1/2 ක් පමණ දිගැති ඉතාලියේ නිෂ්පාදිත ස්වයංක්‍රීය ගිනි අවියක් කහතුඩුව මාගම්මන ඉදිකරමින් පවතින නිවසක කුෂන් මෙට්ටයක් තුල සඟවා තිබියදී සොයා ගත් බව මොරගහහේන පොලිසිය කියයි.

ගාල්ල, ඉමදුව, අඟුලුගහ ප්‍රදේශයේදී අද(26දා) පෙරවරුවේ බස් රථ තුනක් ගැටීමෙන් අනතුරක් සිදුව තිබේ.

අපේ වත්තේ පොල් තියෙනවා. පොලුත් තිබුණා, රිලවුත් හිටියා, රනිලුත් හිටියා, පොල් ගෙඩිය රුපියල් 100ට තිබුණා. දැන් මේ මොහොතේ රනිල් නම් පාලකයා පොල් රුපියල් 100යි. එදා රුපියල් 100ට තියෙනකොට රනිල් මහත්තයා කිවුවා පඩිය රුපියල් 25000කින් වැඩිකරනවා කියලා, දැන් පොල් 240යි. හරිනම් මේ එන අයවැයෙන් පඩිය රුපියල් 50000ක් වැඩි කරන්න ඕන.

ජනතාවට වඩාත් ඵලදායි සේවාවක් සැපයීමේ අරමුණින් ජනාධිපති අරමුදල ප්‍රාදේශීය ලේකම් කාර්යාල මට්ටමින් සේවා සැපයීමේ වැඩපිළිවෙළ ජනාධිපති අනුර කුමාර දිසානායක මහතාගේ ප්‍රධානත්වයෙන් අරලියගහ මන්දිරයේදී ලබන 07දා ආරම්භ කිරීමට නියමිතය.

වනිදු හසරංග ජාත්‍යන්තර විස්සයි20 පන්දු යවන්නන් ශ්‍රේණිගත කිරිම්හි 3 වැනි ස්ථානයේත් තුන් ඉරියව් ක්‍රිඩක ශ්‍රේණිගත කිරිම්හි හයවැනි ස්ථානයේත් රැදී සිටියි.

මුදල් විශුද්ධිකරණ පනත යටතේ අත්අඩංගුවට ගත් හිටපු ජනපති මහින්ද රාජපක්ෂ මහතාගේ පුත් යෝෂිත රාජපක්ෂ ලබන 27 දා තෙක් රක්ෂිත බන්ධනාගාර ගත් කිරිමට කොළඹ අතිරේක මහේස්ත්‍රාත් අධිකරණය නියෝග කළේය.

මෙරට සෞඛ්‍ය සේවාවේ වසංගත රෝග පාලනය සහ වැළැක්වීම සදහා පුමඛ කාර්යභාරයක් සිදු කරන පවුල් සෞඛ්‍ය කාර්යාංශයේ ස්ථාපිතව ඇති වසංගත රෝග විද්‍යා අංශයේ සේවා කටයුතු ශක්තිමත් කරමින් ගෝලීය වසංගත තත්ත්වයන්ට සාර්ථකව මුහුණදීමට මෙන් ම වසංගත රෝග පාලනය සහ වැළැක්වීම මෙන්ම එන්නත්කරණ වැඩපිළිවෙළ විධිමත් කිරීමට සෞඛ්‍ය හා ජනමාධ්‍ය අමාත්‍යවරයාගේ අවධානය යොමු වී ඇත.

යෝෂිත රාජපක්ෂ මහතා රුපියල් මිලියන 34ක මුදලක් වැය කර රත්මලාන ප්‍ර දේශයේ නිවසක් හා ඉඩමක් මිලදි ගැනිමේ සිදුවිමකට අදාළව කරන ලද විමර්ශනවලවට අදාළව ඔහු අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය නිවේදනය කරයි.

හිටපු ජනාධිති මහින්ද රාජපක්ෂ මහතාගේ දෙවැනි පුත් යෝෂිත රාජපක්ෂ මහතා අපරාධ පරික්ෂණ දෙපාර්තමේනතුව මගින් අත්අඩංගුවට ගෙන තිබේ.

ඌව හා දකුණු පළාත්වලත් අම්පාර, මඩකළපුව, මාතලේ හා නුවරඑළිය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව කියයි.