ගෝලීය වශයෙන් මෙන්ම, දේශීය වශයෙන් ආර්ථික ක්ෂේත්‍රයට කාන්තා සහභාගීත්වය වැඩි කර ගැනීමේ දැඩි අවශ්‍යතාවක් ඇති බව අග්‍රාමාත්‍ය ආචාර්ය හරිනි අමරසූරිය සඳහන් කළාය.

රක්ෂිත බන්ධනාගාර ගත කෙරුණු වැඩ තහනමට ලක්වූ හිටපු පොලිස්පති දේශබන්දු තෙන්නකෝන් මහතා අගුණුකොණපැලැස්ස බන්ධනාගාරය වෙත යොමු කළ බව බන්ධනාගාර මාධ්‍ය ප්‍රකාශක හා බන්ධනාගාර කොමසාරිස් ගාමිණි ඩි දිසානායක මහතා පැවසීය

කොළඹ කොටුව සිට නානුඔය බලා ධාවනය වෙමින් තිබූ අංක 1123 ටිකිරි මැණිකේ ශීඝ්‍රගාමී දුම්රියේ පසු පස දුම්රිය එන්ජිම අද (19දා) පස්වරුවේ උඩරට දුම්රිය මාර්ගයේ පිළිමතලාව පේරාදෙණිය හන්දිය දුම්රිය ස්ථාන අතර දුම්රිය මාර්ගයේ දී දුම්රියෙන් ගැලවී වෙන්වී ගොස් සිදුවීමට ගිය විශාල අනතුරක් අනූනවයෙන් වැළකී ගිය බව දුම්රිය දෙපාර්තමේන්තුව පවසයි .

පොලිස්පති ධුරයේ රාජකාරි අත්හිටුවා තිබෙන හිටපු පොලිස්පති දේශබන්දු තෙන්නකෝන් මහතාගේ නිවස සෝදිසි වරන්තුවක් නොමැතිව අපරාධ පරීක්‍ෂණ දෙපාර්තමේන්තුවේ නිලධාරීන් නිවසට ඇතුළු වී පරික්ෂා කිරීම සම්බන්ධයෙන් ඒ මහතාගේ බිරිඳ අතුරුගිරිය පොලිසිය වෙත පැමිණිල්ලක් කර ඇතැයි ජ්‍යෙෂ්ඨ පොලිස් නිලධාරියකු පැවසීය.

වෘත්තීය සමිතිවල ඉල්ලීමක් හෝ බලකිරීමක් නොමැතිව ඉතිහාසයේ රජයක් විසින් ලබාදුන් වැඩිම වැටුප් වැඩිකිරීම සිදු කර තිබියෙදී සෞඛ්‍ය වෘත්තිකයන්ගේ වැඩවර්ජන අනුමත කළ නොහැකි බව ජනාධිපති අනුර කුමාර දිසානායක මහතා ප්‍රකාශ කළේය.

අතින් පයින් හා කොසු මිටකින් පහරදී මව ඝාතනය කළ පුද්ගලයෙකු අත්අඩංගුවට ගත් බව දෙමටගොඩ ‍පොලිසිය කියයි. මෙලෙස ඝාතනයට ලක්ව ඇත්තේ දෙමටගොඩ , ආරාමය පෙදෙස පදිංචිව සිටි එම්. ඒ ඩබ්ලිව් .සල්වම්මා නැමැති 65 හැවිරිදි කාන්තාවකි.

ත්‍රස්තවාදී තර්ජනවලට නිරන්තරයෙන් ලක්වී සිටින තමන්ගෙන් ඉවත් කර ඇති ආරක්ෂක සංචිතය යළි ලබාදීමට රජයට නියෝග කරන්නැයි ඉල්ලා හිටපු ජනාධිපති මහින්ද රාජපක්ෂ මහතා ගොනු කොට ඇති මූලික අයිතිවාසිකම් පෙත්සම විභාගයට නොගෙනම ශ්‍රේෂ්ඨාධිකරණය අද (19) ප්‍රතික්ෂේප කළේය.

අපොස සා/පෙළ විභාග පිලිතුරු පත්‍ර රැගෙන හැටන් ශ්‍රීපාද විද්‍යාලයේ පිහිටවා ඇති විභාග සම්බන්ධීකරන මධ්‍යස්ථානය වෙත ධාවනය වූ වෑන් රථය ත්‍රීරෝද රථයකින් හරස්කර එම වෑන් රථයේ ගමන් ගත් විභාග මධස්ථානයේ ශාලාධිපතිවරයාට සහ උප ශාලාධිපතිවරයාට (18) දින පස්වරුවේ ත්‍රීරෝද රථ රියදුරු බැන වැදුනේ යැයි කියන සිද්ධියක් සම්බන්ධයෙන් නොර්වුඩ් පොලිසිය විමර්ෂණයක් ආරම්භකර ඇත.

නව මැගසින් බන්ධනාගාරයේ රඳවා සිටි රැඳවියකුට බන්ධනාගාර නිලධාරීන් දෙදෙනකු සහ තවත් රැඳවියන් දෙදෙනකු අමානුෂික ලෙස පහර දි ලුණු වතුර පෙවීම හේතුවෙන් අසාධ්‍යව මියගිය බව සඳහන් කරමින් ඔහුගේ බිරිඳ කල පැමිණිල්ලක් අනුව විමර්ශන ආරම්භ කළ බව බොරැල්ල පොලිසිය කියයි.

සමගි ජන බලවේගයේ සභාපති ධුරයෙන් ඉමිතියාස් බාකීර් මාකාර් මහතා ඉල්ලු අස් වූයේ තරුණයන්ට අවස්ථාව ලබා දීමේ අරමුණින් බව එම පක්ෂයේ පාර්ලිමේන්තු මන්ත්‍රී නලීන් බණ්ඩාර මහතා පැවසීය.

පොලිස්පති දේශබන්දු තෙන්නකොන් මහතා හෙට (20දා) දක්වා රක්ෂිත බන්දනාගාර ගත කිරීමට මාතර මහේස්ත්‍රාත් අධිකරණය නියෝග කර තිබේ.

දේශබන්දු තෙන්නකෝන් මහතාගේ දේපළ රාජ සන්තක කිරිම වෙනුවෙන් මාතර මහේස්ත්‍රාත් අධිකරණයට අද දිනයේදි කරුණු වාර්තා කිරිමට අපරාධ පරික්ෂණ දෙපාර්තමේන්තු නිලධාරින් පැමිණි අවස්ථාවේදි තෙන්නකෝන් මහතාද අධිකරණයට භාර වූ බව ආනන්ද විජේපාල මහතා වැඩිදුරටත් පැවැසිය.

විදේශීය සංචාරකයන් ගමන් කරමින් තිබූ වාහන තුනක් හා ලොරි රථයක් දඹුල්ල හබරණ ප්‍රධාන මාර්ගයේ දඹුල්ල පැල්වෙහෙර ප්‍රදේශයේදී 19 දින අනතුරකට ලක්ව එක් විදේශීය කාන්තාවක මියගොස් තවත් විදේශිකයන් පස් දෙනෙකු තුවාල ලබා රෝහල් ගත කර ඇතැයි දඹුල්ල පොලිසිය කියයි.

අධ්‍යයන පොදු සහතික පත්‍ර සාමාන්‍ය පෙළ විභාගය පැවැත්වෙන කාල සීමාව තුල දිවයිනේ සියළු මුස්ලිම් දේවස්ථානවල ශබ්ද විකාශණ යන්ත්‍ර භාවිතාව සීමා කරන ලෙසත් සිකුරාදා දිනවල ජුම්මා යාඥාය පස්වරු 1.00 ට අවසන් කරන ලෙසත් දිවයිනේ සියළුම මුස්ලිම් දේවස්ථාන වෙත මුස්ලිම් ආගමික හා සංස්කෘතික කටයුතු දෙපාර්තමේන්තුව දන්වා තිබේ.

වෙන්නප්පුව පොලිස් වසමේ දකුණු වයික්කාල ප්‍රදේශයේ නිවසකදී පුද්ගලයෙකු විසින් කාන්තාවකට තියුණු ආයුධකින් පහර දී ඊයේදා) ඝාතනය කර ඇති බවට වෙන්නප්පුව පොලිස් ස්ථානයට ලද පැමිණිල්ලක් මත විමර්ශන ආරම්භ කර ඇත.

ජාතික සමගියට හා සංහිඳියාවට හානි වන සහ අවමන් සහගත ප්‍රකාශ පිලිබඳ සැලකිල්ලට ගනිමින් පාර්ලිමේන්තු මන්ත්‍ර‍ි රාමනාදන් අර්චුනා මහතා පාර්ලිමේන්තුවේ කරන ප්‍රකා‍‍‍ ප්‍රකාශ සජීවී ලෙස ශ්‍රව්‍ය, දෘශ්‍ය හා සමාජ මාධ්‍යවල සජීවී විකාශ කිරීම තාවකාලිකව අත්හිටුවන බව කථානායකවරයා අද (19) පාර්ලිමේන්තුවට දැනුම් දුන්නේය.

කිසිදු බලපෑමකට යටත් නොවී තම රාජකාරිය ඉටු කරන ලෙස දකුණු පළාත් උසස් පොලිස් නිලධාරීන්ට උපදෙස් ලබා දුන් ජනාධිපති අනුර කුමාර දිසානායක මහතා ඒ සඳහා දේශපාලන අධිකාරිය ලෙස පහසුකම් සැපයීමට තම රජය කටයුතු කරන බව ප්‍රකාශ කළේය.

රජය විසින් ගන්නා ලද වැරදි සහගත ආනයන රෙගුලාසි හේතුවෙන් මේ වනවිට වාහන 400ක් පමණ දින 20කට අධික කාලයක් රේගුව තුළ රඳවා තබාගැනීමට සිදුව ඇති බව ශ්‍රී ලංකා වාහන ආනයනකරුවන්ගේ සංගමයේ සභාපති සම්පත් මෙරෙන්චිගේ මහතා පවසයි.

වැඩ තහනමකට ලක්ව ඇති පොලිස්පති දේශබන්දු තෙන්නකොන් මහතා මාතර මහේස්ත්‍රාත් අධිකරණය හමුවට පැමිණ ඇති බව පොලීසිය පැවසීය.

මහා භාණ්ඩාගාරයේ අනුමැතියකින් තොරව ශ්‍රී ලංකා ආයෝජන මණ්ඩලය විසින් එහි සේවකයන් සඳහා රුපියල් හතළිස් හය කෝටි විසිහතර ලක්ෂ හැටතුන්දහස් එකසිය අසූඅටක මුදලක් (රු. 462,463,188) දීමනා වශයෙන් 2024 වර්ෂයට ගෙවා ඇති බැව් ජාතික විගණන කාර්යාලය මගින් පෙරේදා (17ද) නිකුත් කර ඇති විගණන වාර්තාව මගින් අනාවරණය වේ. චක්‍ර‍ලේඛ මාර්ග උපදේශකයන්ට අනුකූලව එකී දීමනා ගෙවීමේ දී මහා භාණ්ඩාගාරයේ අනුමතිය ලබා ගත යුතුව ඇතත් මෙහිදී එම පිළිවෙත උල්ලංඝනය කර ඇතැයි විගණන වාර්තාවේ සඳහන් වේ

සමගි ජන බලවේගයේ සභාපති තනතුරෙන්, කෘත්‍යාධිකාරී මණ්ඩලයෙන් සහ පක්ෂයේ අනෙකුත් තනතුරු සියල්ලෙන් තමා ඉවත් වන බව ඉම්තියාස් බාකීර් මාකාර් මහතා ‘අද’ට පැවසීය.

ලංකාවේ ජනප්‍රියතම පුවත්පතට හිමි ස්ලීම් කැන්ටාර් සම්මානය අඛණ්ඩව 19 වැනි වතාවටත් ලංකාදිප පුවත්පත හිමිකර ගත්තතේය.

වැටලීමකදී පොලිස් භාරයට ගත් විදේශීය දුම්වැටි තොගයෙන් අඩක් බාහිර පාර්ශ්වයකට ලබා දී අසත්‍ය සටහන් තොරතුරු සටහන් පොතේ ඇතුළත් කිරීම සම්බන්ධයෙන් පොලිස් මත්ද්‍රව්‍ය කාර්යාංශයට අනුයුක්ත වරාය උප ඒකකයේ ස්ථානාධිපතිවරයාගේ සහ කොස්තාපල්වරයෙකුගේ රාජකාරි වැඩ තහනමට ලක් කළ බව පොලිස් මූලස්ථානය කියයි.

මියන්මාරයේ සයිබර් කඳවුරු තුළ බලහත්කාරයෙන් රඳවා ගෙන සිටි තවත් ශ්‍රී ලාංකීකයන් 14 දෙනෙකු , එයින් මුදා ගෙන අද (18දා) දහවල් කටුනායක ගුවන් තොටුපොළ වෙත රැගෙන විත් තිබේ.

ඊශ්‍රායල් රජය හා ශ්‍රි ලංකා රජය අතර ඇතිකර ගත් අවබෝධතා ගිවිසුම අනුව 2025 වසරේ ජනවාරි සිට මේ දක්වා ගතවූ කාලය තුළ ශ්‍රි ලාංකිකයින් 1154 දෙනෙකු ඊශ්‍රායලයේ ඉදිකිරීම් රැකියා සඳහා පිටත්ව ගොස් තිබේ.

ශ්‍රී ලංකා ජාතික ක්‍රිකට් කණ්ඩායමේ ක්‍රීඩකයින් ශ්‍රී ලංකා ක්‍රිකට් ආයතනයේ සේවකයින් ලෙස සලකා ඔවුන්ගෙන් රඳවා ගැනීමේ බද්දක් අය කිරීමට දේශීය ආදායම් දෙපාර්තමේන්තුව ගෙන ඇති තීරණය බල රහිත කරන්නැයි ඉල්ලමින් ශ්‍රී ලංකා එක්දින කණ්ඩායමේ නායකයා සහ ටෙස්ට් කණ්ඩායමේ නායකයා ගොනු කළ රීට් පෙත්සම් කරුණු තහවුරු කිරීම සඳහා ලබන 28 වැනිදා කැඳවීමට අභියාචනාධිකරණය අද (18) දින නියම කළේය.

තැපැල් සේවකයන් විසින් ආරම්භ කරන ලද පැය 48ක වැඩවර්ජනය අද (18දා) මධ්‍යම රාත්‍රී 12.00න් අවසන් කරන බව ඒකාබද්ධ තැපැල් වෘත්තීය සමිති පෙරමුණ සඳහන් කරයි.

ජනාධිපති ලේකම් කාර්යාලට අනුක්ත කර ඇති ජනාධිපති ආරක්ෂක ගුවන් හමුදා ඒකකයේ ලෑන්ඩ් කූශර් ජීප් රථයකින් පුපුරන ද්‍රව්‍ය ප්‍රවාහනය කරමින් සිටි ගුවන් හමුදා සෙබලෙකු ඇතුළු දෙදෙනෙකු ඊයේ(17) රාත්‍රී වෙල්ලාවලි පොලිසිය මගින් අත්අඩංගුවට ගෙන ඇත.

පුරප්පාඩු බලා අවශ්‍යතාවය අනුව රාජ්‍ය සේවයේ පවතින පුරප්පාඩු වලට බඳවාගැනීම් සිදුකරන බව කැබිනට් ප්‍රකාශක සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය