හෙරොයින් තොගයක් සමග පුද්ගලයින් දෙදෙනෙකු අත්අඩංගුවට

මුල්ලේරියාව පොලිස් වසමේ වැල්ලම්පිටිය කඩුවෙල මාර්ගයේ ගල්වාන හංදියේදි,පොලිස් මත්දුව්‍ය නාශක කාර්යාංශයේ නිලධාරින්ට ලද තොරතුරකට අනුව සිදු කල වැටලිමකදි  හෙරොයින් කිලෝග්‍රෑම් 02කට ආසන්න ප්‍රමාණයක් ත්‍රී රෝද රථයකින් ප්‍රවාහනය කරමින් සිටි සැකකරුවන් දෙදෙනෙකු ත්‍රී රෝද රථයද සමග අත්අඩංගුවට ගෙන තිබේ.

අත්අඩංගුවට ගත් හෙරොයින් වල වටිනාකම රු.දෙකෝටි තිස් ලක්ෂයකට අධික බව සදහන් වේ.

උතුරු මුල්ලේරියාව අංගොඩ පදිංචි සෙනරත් මොහොට්ටිගේ ප්‍රසන්න රෝහිත අවු(61)හා කොහිලවත්ත වැල්ලම්පිටිය පදිංචි ටේවෝ ලොඩ්වයික් නොහොත් ජගත් අවු (51) යන පුද්ගලයින් මෙලෙස අත්අඩගුවට ගෙන තිබේ.

පොලිස් මත්දුව්‍ය නාශක කාර්යාලය වැඩිදුර විමර්ශන සිදු කරයි.