හෙද සංගම් වෘත්තීය ක්‍රියාමාර්ගය අවසන් කරයි

හෙද වෘත්තිය සමිති ඒකාබද්ධව ආරම්භ කළ අසනීප නිවාඩු වාර්තා කිරීමේ වෘත්තීය ක්‍රියාමාර්ගය අද (03) පෙරවරුවේ අවසන් කෙරුණි.

මෙරට ප්‍රධාන හෙද වෘත්තීය සමිති වන රාජ්‍ය සේවා එක්සත් හෙද සංගමය, රජයේ හෙද නිලධාරින්ගේ සංගමය සහ සමස්ත ලංකා හෙද සංගමය ඒකාබද්ධව පසුගිය පළමුවැනිදා අසනීප නිවාඩු වාර්තා කිරීමේ වෘත්තීය ක්‍රියාමාර්ගය ආරම්භ කර තිබුණි.

ඒ හෙද නිලධාරින්ගේ උසස්වීම්, දින 6ක සේවා සතිය වෙනුවට රජයේ සෙසු සේවකයින්ට මෙන් දින 5ක සේවා සතියක් ලබාගැනීම ඇතුළු ඉල්ලීම් කිහිපයක් මුල්කර ගනිමිනි.

මේ හේතුවෙන් රෝහල්වල කටයුතු පසුගිය දින දෙක තුළ අඩාලව විය.

අනතුරුව රාජ්‍ය සේවා එක්සත් හෙද සංගමය, සෞඛ්‍ය බලධාරීන් සහ ජනාධිපති ගෝඨාභය රාජපක්ෂ මහතා අතර විශේෂ සාකච්ඡාවක් ඊයේ පස්වරුවේ ජනාධිපති කාර්යාලයේදී පවත්වා තිබුණි.