හුදකලා පොලිස් වසම් 4​ක ඩ්‍රෝන මෙහෙයුමෙන් 95ක් අත්අඩංගුව

හුදෙකලා  කරන ලද පොලිස් වසම් හතරක නිරෝධන නීති උල්ලංඝනය කරමින්  සැරිසැරූ  පුද්ගලයන් 95 දෙනෙක් ඩ්‍රෝන කැමරා මෙහෙයුමේ දී  ඊයේ  17 අත්අඩංගුවට ගැනීමට හැකි වූ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පැවසීය

කොළඹ දිස්ත්‍රික්කයේ  කොටහේන  පොලිස් වසමෙන් පුද්ගලයන් 29, කෙසෙල්වත්ත පොලිස් වසමෙන්  පුද්ගලයන්  21 හා ගම්පහ දිස්ත්‍රික්කයේ  වත්තල පොලිස් වසමෙන් පුද්ගලයන් 19 හා ජා-ඇළ  පොලිස් වසමෙන්  පුද්ගලයන් 26, අත්අඩංගුවට ගැනීමට හැකි වූ බව මාධ්‍ය ප්‍රකාශක වරයා කීය .

හුදෙකලා කරන ලද ප්‍රදේශවල දිනපතාම ඩ්‍රෝන මෙහෙයුම් ක්‍රියාත්මක කර නිරෝධායන නීති උල්ලංඝනය   කරන පුද්ගලයන් අත්අඩංගුවට ගැනීම සඳහා  කටයුතු කරන බව මාධ්‍ය ප්‍රකාශකවරයා වැඩිදුරටත් පැවසීය