හිටපු අමාත්‍ය රාජිතට එරෙහි නඩුව ජූලි තෙක් කල්දැමේ

හිටපු අමාත්‍ය රාජිත සේනාරත්න සහ රාජ්‍ය ඖෂධ නීතිගත සංස්ථාවේ හිටපු සභාපති රූමි මොහොමඩ් යන අයට එරෙහිව ගොනුකර ඇති නඩුවක් ජුලි මස 07 වනදා කැඳවන ලෙස කොළඹ මහාධිකරණය අද (28) නියම කළේය.

2019.11.10 වනදා කොළඹ පැවති මාධ්‍ය සාකච්ඡාවකට සහභාගී වූ අතුල මදනායක සහ සරත් කුමාර යන පුද්ගලයින් හරහා සුදු වෑන් වලින් පුද්ගලයින් පැහැරගෙන ගොස් මරා දැමීම, මංකොල්ලකෑම් ඇතුළු අපරාධ සිද්ධීන් පිළිබඳව අසත්‍ය තොරතුරු ප්‍රකාශකර එවක ජනාධිපති අපේක්ෂක ගෝඨාභය රාජපක්ෂ මහතාට අගතියක් සිදුකිරීමේ අරමුණින් බොරු සාක්ෂි නිර්මාණය කිරීම, ජනාධිපතිවරණයේ ප්‍රතිඵලවලට බලපෑමක් ඇතිවිය හැකි ආකාරයේ දූෂිත ක්‍රියාවක් සිදුකිරීම සම්බන්ධයෙන් දණ්ඩ නීති සංග්‍රහය යටතේ විත්තිකරුවන් දෙදෙනාට එරෙහිව මෙම චෝදනා එල්ලකර තිබේ.

මෙම නඩුව අද කොළඹ මහාධිකරණ විනිසුරු දමිත් තොටවත්ත මහතා ඉදිරියේ කැඳවීය.