සුසිල් නිමල් අනුර අද හවසට ආණ්ඩුවෙන් යනවා

ජාතික ආණ්ඩුව නියෝජනය කරන අමාත්‍යවරුන් වන සුසිල් ප්‍රේම්ජයන්ත්, නිමල් සිරිපාල ද සිල්වා, අනුර ප්‍රියදර්ශන යාපා ඇතුළු පිරිසක් අද සවස ආණ්ඩුවෙන් ඉවත් වෙන බවත් ඉන් අනතුරුව යහපාලන ආණ්ඩුව අවසන් බව එක්සත් ජනතා නිදහස් සන්ධාන පාර්ලිමේන්තු මන්ත්‍රී වෛද්‍ය රමේෂ් පතිරණ මහතා පැවැසීය.

පසුගිය මැතිවරණයේ අග්‍රාමාත්‍යවරයාට හිමිවූයේ ලක්ෂ 30ක් බවත් ශ්‍රී ලංකාවේ ජාතීන් අතර ගැටුම් ඇති කිරීමේ ඉතිහාසයක් එක්සත් ජාතික පක්ෂයට තිබෙන බවත් ඔහු ප්‍රකාශ කළේය.

"මෛත්‍රීපාල සිරිසේන මහතා අපේ ආණ්ඩුව පාවාදීලා බලයට ආවට පස්සේ රටේ සම්පත් විකුණන්න කටයුතු කරනවා. ශ්‍රී ලංකා නිදහස් පක්ෂය අද හවසට අපිත් එක්ක එකතු වුණාම ජාතික ආණ්ඩුවක් නෑ. අවවාදයට වඩා ආදර්ශය උතුම් යන කියමනක් තිබෙනවා. අගමැතිතුමා ඉල්ලා අස්වෙන්න."