ස්වීඩන් හි කාල් පිලිප් කුමරුට හා සොෆියා කුමරියට කොවිඩ්

ස්වීඩනයේ කාල් පිලිප් කුමරු සහ ඔහුගේ බිරිඳ සොෆියා හෙල්ක්විස්ට් කුමරිය කොවිඩ්-19 සඳහා මෘදු රෝග ලක්ෂණ පෙන්නුම් කිරීමෙන් පසුව ධනාත්මක බව පරීක්ෂා කර ඇති බව නිවේදනය කරයි.

මෙම යුවළ තම දරුවන් දෙදෙනා සමග නිවසේදී හුදෙකලා වී ඇති නමුත් ඔවුන් හොඳ තත්ත්වයක පසුවන බව නිවේදනයක් නිකුත් කරමින් පවසයි.

වසංගතය අතරතුර සොෆියා කුමරිය ස්වේච්ඡාවෙන් රෝහලක සේවය කර ඇති අතර, සතිය මුලදී රාජකීය යුවළගේ ඉන්ස්ටග්‍රෑම් පිටුවේ පළ කරන ලද වීඩියෝවක සඳහන් කර ඇත්තේ රෝහල් වාට්ටුවේ සගයන් සහ රෝගීන් හමුවීමට අමතරව ඇය තම පවුලේ අය සමග පමණක් ගත කළ බවය.

ස්වීඩනයේ රාජකීය වෛද්‍යවරුන් සම්බන්ධතා සොයා ගැනීම භාරව ඇති අතර, රජු සහ රැජින මෙන්ම ඔටුන්න හිමි වික්ටෝරියා කුමරිය සහ ඩැනියෙල් කුමරු බ්‍රහස්පතින්දා පරීක්ෂාවට ලක් කිරීමට නියමිතව ඇතත්, ඔවුන්ගෙන් කිසිවෙකුත් මෙතෙක් රෝග ලක්ෂණ පෙන්නුම් කර නොමැති බවද කියයි.