සතියක් තුළ දකුණු කොරියාවේදී ලාංකිකයන් තිදෙනෙක් මරුට

සියදිවි නසා ගැනීමක් ඇතුළු විවිධ හේතූන් මත දකුණු කොරියාවේ සේවය කරන ශ්‍රී ලාංකික සංක්‍රමණික කම්කරුවන් තිදෙනෙකු සතියක කාලයක් තුළ ජීවිතක්ෂයට පත්ව ඇති බව දකුණු කොරියාවේ ශ්‍රී ලංකා තානාපති කාර්යාලයේ නිල ආරංචි මාර්ග පැවසීය.

මිනීමැරුම්, අධික ලෙස මත්පැන් පානය නිසා උසකින් වැටීම හා සියදිවි නසාගැනීමක් වෙයි. මරණ පිළිබඳ වැඩිදුර පරීක්ෂණ අඛණ්ඩව සිදු වෙමින් පවතී.

ඔවුන් සියල්ලෝම කොරියාවේ රැකියා බලපත්‍ර ක්‍රමය (ඊපීඑස්) යටතේ අඩු නිපුණතා සහිත රැකියාවල නියුක්ත වූහ. ඔවුන්ගෙන් එක් අයෙක් කොරියාවේ ජනප්‍රිය ශ්‍රී ලංකා සංගීත කණ්ඩායමක සාමාජිකයෙකි.

මේ වන විට කොරියාවේ EPS හි ශ්‍රී ලාංකික කම්කරුවන් 30,000 කට ආසන්න සංඛ්‍යාවක් සිටී.