ශ්‍රී ලාංකික සාත්තු සේවකයන්ට ඊශ්‍රායලයේ රැකියා වරම්
සුදුසුකම්ලත් ශ්‍රී ලාංකිකයින්ට ඊශ්‍රායලයේ සාත්තු සේවා වෘත්තියෙහි රැකියා ලබාගැනීම සඳහා වූ අවබෝධතා ගිවිසුමකට ඊශ්‍රායල් රජය හා ශ්‍රි ලංකා රජය පුසුගියදා (24දා) ඊශ්‍රායලයේ ජෙරුසලම්හි එරට විදේශ කටයුතු අමාත්‍යාංශයේදී අත්සන් තබන ලදී.
ඊශ්‍රායල් රාජ්‍යයේ රජය වෙනුවෙන් මෙම ගිවිසුමට අත්සන් තබන ලද්දේ එරට විදේශ කටයුතු අමාත්‍ය වෙනුවෙන් එරට අභ්‍යන්තර අමාත්‍ය ආර්ය මච්ලෆ් මහතාය. ශ්‍රි ලංකා රාජ්‍යයේ රජය වෙනුවෙන්, නිපුණතා සංවර්ධන, කම්කරු හා රැකී රක්ෂා අමාත්‍යංශයේ ලේකම් සරත් අබේගුණවර්ධන මහතා අත්සන් තබන ලදී.
ඊශ්‍රායලයේ විදේශ සේවකයන් බඳවා ගැනීම සහ තාවකාලික රැකියා නියුක්තියේ යෙදවීම ඊශ්‍රායලයේ බල පවත්වන නීතිය, ඊශ්‍රායල ජාතික ශ්‍රම වෙළඳපොළවල තත්ත්වය සහ විදේශ සේවක රැකියා නියුක්තිය සඳහා විවෘත අංශ සම්බන්ධයෙන් ඊශ්‍රායල රාජ්‍යයේ රජයේ ප්‍රතිපත්තිය මෙන්ම තාවකාලික විදේශ සේවකයන් සඳහා වාර්ෂික කෝටාවන් සහ එක් එක් අංශය සඳහා රැකියා බලපත්‍ර නිකුත් කිරීම වෙනුවෙන් මෙම ගිවිසුමට එළැඹෙන ලදී.
මිනිස් ජාවාරම, නීති විරෝධී සංක්‍රමණය, අලේඛනගත සහ නීති විරෝධී මිනිස්බල බඳවාගැනිම් පරිචයන් සහ විදේශ සේවකයන් නීති විරෝධීව රැකියාවන්හි නියුක්ත කරවීම මර්ධනය කිරීම මෙහි තවත් අරමුණක් වේ.
දිගු කාලයක් මුළුල්ලේ මෙම රැකියා පිළිබඳව සාකච්ඡා කරමින් පැවතියේය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
