ශ්‍රිපාද වන්දනා සමය කිසිවෙකුගේ අවශ්‍යතාවයකට අතරමඟ නතර කළ නොහැකියි
ශ්‍රි පාදස්ථානය අන් ආගමික ස්ථාන සමග සමාන කළ නොහැකි බවත්, උදුවප් පොහො දිනයෙන් ආරම්භ කළ ශ්‍රි පාද වන්දනා වාරය වෙසක් පොහෝ දිනයෙන් අවසන් කරන බව ශ්‍රි පාදස්ථානාධිපති සබරගමු පළාත් ප්‍රධාන සංඝනායක , පැල්මඩුල්ල රජ මහ විහාරස්ථානයේ විහාරාධිපති , ඌව වෙල්ලස්ස විශ්ව විද්‍යාලයේ කුලපති බෙන්ගමුවේ ධම්මදින්න නායක හිමියන් පැවසිය.
මාධ්‍යයට විශේෂ ප්‍රකාශයක් කරමින් අද (16) දින ශ්‍රි පාදස්ථානාධිපති හිමියන් කියා සිටියේ වෛරස් වලට බිය නොවි අතිතයේදි මිනිස්සුන් ශ්‍රි පාද ස්ථානය වැද පුදා ගැනිමට පැමිණියේ ජිවිත පරදුවට තබා බවයි.
ගේ දොර ඉඩ කඩම් මිල මුදල් සැමදේම තම ඥාතින්ට භාරදි ශ්‍රි පාදස්ථානය වදින්න ආවේ ආපසු යන්න බලාගෙන නොවේ .
ශ්‍රි පාදස්ථානය අතිතයේදි මිනිසුන් වන්දනා කරන්න පැමිණියේ උතුම් ස්ථානයක් නිසා බවත්, එසේ පැමිණි වන්දනාකරුවන්ට සතුන්ගේ හිරහැර සිදුවි මිය ගිය බවත්, ස්වාභාවික විපත්වලින් මිනිසුන් මියගිය බවත් , අතිතයේදි ශ්‍රි පාදයේ පැමිණි අයට කිසිදු පහසුකමක්වත් නොතිබුණු බවයි ශ්‍රි පාදස්ථානාධිපති හිමියන් කියා සිටියේ.
අතිදුෂ්කරතා මැද අතිතයේ පැමිණි වන්දනාකරුවන් බුදුන් වහන්සේගේ , සමන් දේවියන්ගේ ආශිර්වාදය ලබාගෙන ආපසු ගිය බවත්, මෙවැනි වෛරසයකට බිය වුයේ නම් එදා සිට අද දක්වා වන්දනාකරුවන් ශ්‍රි පාදයට නොපැමිණෙන බවයි ශ්‍රි පාදස්ථානාධිපති හිමියන් පෙන්වා දෙන්නේ.
බුද්ධාගම සහ ශ්‍රි පාදස්ථානය මන කල්පිත දෙයක් නොවන බවත්, ශ්‍රිපාදස්ථානය බුද්ධ තේජස ඇති ස්ථානයක් බවයි ශ්‍රි පාදස්ථානාධිපති හිමියන් කියා සිටියේ.
රටේ ජනතාවට රජයකින් හෝ මැති ඇමතිවරුන්ගෙන් පිහිටක් නොමැති නම් එම ජනතාව යනු ලබන්නේ බුදුන් හෝ සමන් දේවියන් නැමදිමට බවත්, අනෙකුත් ආගමික ස්ථානවලට ගොස් භාරයක් විමට හෝ පිහිටක් ලබා ගැනිමට නොහැකි බවද ශ්‍රි පාදස්ථානාධිපති හිමියන් පෙන්වා දෙයි.
නුවරඑළිය සහ රත්නපුර දිස්ත්‍රික්ක වල දිස්ත්‍රික් ලේකම්වරුන් සහ බුද්ධ ශාසන අමාත්‍යංශයේ ලේකම්වරයා තමන් අමතා ශ්‍රි පාද වන්දනා වාරය අවසන් කිරිමට හැකියාවක් තිබේද යන්න තමන්ගෙන් විමසු බවත්, ශ්‍රි පාද වන්දනා වාරයක් කිසිවෙකුගේ අවශ්‍යතාවයක් මත අතරමග නතර කිරිමට නොහැකි බවයි ශ්‍රි පාදස්ථානාධිපති හිමියන් කියා සිටියේ.
ශ්‍රි පාද වන්දනාවේ වන්දනාකරුවන් පැමිණියත් නැතත් ශ්‍රි පාද වන්දනා වාරය අවසන් වන තෙක් ශ්‍රි පාද උඩ මළුවේ තේවාවන් කටයුතු සිදු කරන බවත්, ශ්‍රි පාද වන්දනාවේ පැමිණෙන වන්දනාකරුන්ට ශ්‍රි පාදය වැද පුදා ගැනිමට පැමිණෙන ලෙසට හෝ නොපැමිණෙන ලෙසට තමන්ට ප්‍රකාශ කල නොහැකි බවයි ශ්‍රි පාදස්ථාධිපති හිමියන් වැඩි දුරටත් කියා සිටියේ.
කොරෝනා රෝගය තුරන් කිරිමට සෙත් පතා මහ සංඝරත්නයේ සහභාගිත්වයෙන් නල්ලතන්නිය බෞද්ධ මධ්‍යස්ථානයේදි මේ මස 26 දින රතන සුත්‍රය සඡ්ඡායනා කරන බවද ශ්‍රි පාදස්ථානාධිපති හිමියන් පැවසිය.
popular news
-
charles Tuesday, 17 March 2020 06:49 AM
මෝඩකමට බෙහෙත් නැහැ
Reply : 1 18
Anagarika Wajirayana Thursday, 19 March 2020 01:23 PM
"බුද්ධාගම සහ ශ්‍රි පාදස්ථානය මන කල්පිත දෙයක් නොවන බවත්, ශ්‍රිපාදස්ථානය බුද්ධ තේජස ඇති ස්ථානයක් බවයි ශ්‍රි පාදස්ථානාධිපති හිමියන් කියා සිටියේ". බොරු ගල් වද්ධෙකුගේ ක්‍රියාවක්.මේ පරය මිනිස්සු මරණ හදනවා.
Reply : 1 4
denin Thursday, 19 March 2020 04:31 PM
විස්වවිද්යලවල විනය පිරිහෙන්න එක හේතුවක් තමයි සම්මාදිට්ටිය නැති හාමුදුරුවරු කුලපතිවරු වසයෙන් පත්කිරීම අපේ හාමුදුරුවනේ
Reply : 0 3
ඉලේපෙරුම Friday, 20 March 2020 09:38 AM
බ්‍රිතාන්‍ය යටත්විජිත ආණ්ඩු කාලේ කතරගම උත්සවය, අනුරධපුර පොසොන් උත්සවය ආදී විශාල මහජනතාවක් එක්වන ආගමික උත්සව දින 7ක් ඉක්මවා පවත්වන්න දුන්නේ නෑ. ඒකට හේතුව පිරිසිදු පානීය ජලය, වැසිකිළි පහසුකම් ආදිය සපයන්න නොහැකි ඒ කාලේ දිගු කලක් විශාල මහජනතාවක් එක්වන උත්සව පැවැත්වුව හොත් පාචනය වැනි වසංගත රෝග බෝ වීමයි. අදටත් අපට වලංගුව පවතින්නේ සුද්දාගේ ඒ නීති ටිකම තමා. මේ වගේ වෙලාවට ආණ්ඩුව ඉල්ලීම් කරමින් ඉන්නේ නැතිව ජනතාව එක්රැස් වන උත්සව තහනම් කළ යුතුයි.
Reply : 0 1
Dayana Friday, 20 March 2020 12:25 PM
කොරෝනා ප්‍රවර්දකයන්.
Reply : 0 0
Devinda Uduwara Friday, 20 March 2020 06:58 PM
The government should definitely intervene to stop people gathering with out further delay.
Reply : 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
