වසරකට ළමා අපයෝජන 10000ක්

 මෙරට වසරකට දළ වශයෙන් දැරියන් 50 දෙනෙකු පමණ ළමා මව්වරුන් බවට පත්වෙන බවට හදුනාගෙන ඇති බව ගාල්ල කරාපිටිය ශික්ෂණ රෝහලේ විශේෂඥ අධිකරණ වෛද්‍ය නිලධාරි රුවන් නානායක්කාර මහතා පවසයි.

ලංකාවේ වසරකට ළමා අපයෝජන 10000ක් පමණ  දිස්ත්‍රික්ක 25න්  ජාතික ළමාරක්ෂක අධිකාරියට වාර්තා වන බව පවසන විශේෂඥ අධිකරණ වෛද්‍ය නිලධාරිවරයා මේ   අතුරින් මොණරාගල, පොළොන්නරුව  අනුරාධුපර වැනි දිස්ත්‍රික්කවලින් ළමා අපයෝජන  සිද්ධින් විශාල වශයෙන් වාර්තාවන බව ද  ඔහු පෙන්වා දෙයි.

ළමා අපයෝජන හා හිංසන නිසාවෙන් වසරකට  මොණරාගල දිස්ත්‍රික්කය තුළ ළමුන් 500 දෙනෙකු පමණ පාසල් අධ්‍යාපනය අතරමග නවතා දමන බවද විශේෂඥ අධිකරණ වෛද්‍ය නිලධාරි රුවන් නානායක්කාර මහතා පවසයි. 

එමෙන්ම  මොණරාගල දිස්ත්‍රික්කයේ  වසරකට ළමුන් 10 දෙනෙකු  පමණ  ළමා මව්වරුන් බවට පත්වෙන බව ඒ මහතා පවසයි.