වැව් ගම් පුබුදුව, වැඩසටහනේ ප්රගතිය ජනපති අධීක්ෂණයට
උතුරු මැද, උතුර සහ වයඹ පළාත් ආශ‍්‍රීත අනුරාධපුර, පොළොන්නරුව, පුත්තලම, කුරුණෑගල, වවුනියාව සහ මන්නාරම දිස්ති‍්‍රක්කවල අබලන්ව ඇති ග‍්‍රාමීය වැව් 325ක් පිළිසකර කිරීමේ ,වැව් ගම් පුබුදුව, වැඩසටහන කඩිනම් කර අදාළ ප‍්‍රදේශවල ගොවි ජනතාවට ප‍්‍රතිලාභ සලසන ලෙස ජනාධිපතිතුමා නිලධාරීන්ට උපදෙස් දෙයි.
එම වැව් ආශ‍්‍රිත ගම්මානවල ජනතාවට පිරිසුදු පානීය ජලය සපයා දීමේ ව්‍යාපෘතියක් ද මේ හා සමගාමීව කි‍්‍රයාත්මක වන අතර එම කටයුතුවල ප්රගතිය ද ජනාධිපතිතුමාගේ අධීක්ෂණයට ලක් විය.
මහවැලි සංවර්ධන හා පරිසර අමාත්‍යාංශය මඟින් මෙහෙයවන වැව් ගම් පුබුදුව දේශගුණික විපර්යාසයන්ට අනුහුරුවීම සඳහා වූ ඒකාබද්ධ ජල කළමනාකරණ ව්‍යාපෘතියේ වත්මන් ප්රගතිය සොයා බැලිමට ඊයේ (19) පස්වරුවේ ජනාධිපති කාර්යාලයේ පැවති සාකච්ජාවක දී ජනාධිපතිතුමා මෙම උපදෙස් ලබා දුන්නේය.
ජාත්‍යන්තර හරිත දේශගුණික අරමුදල මෙම වැඩසටහන සඳහා රුපියල් මිලියන 6,664ක මුල්‍ය ප‍්‍රතිපාදන සපයා තිබෙන අතර එක්සත් ජාතීන්ගේ සංවර්ධන වැඩසටහන ව්‍යාපෘතිය සඳහා අවශ්‍ය තාක්ෂණික සහයෝගය ලබාදෙයි.
ව්‍යාපෘතිය මඟින් අදාළ කලාපවල වෙසෙන නිරන්තරයෙන් ගංවතුර, නියඟය වැනි ස්වභාවික විපත්වලට ගොදුරුවන අඩු ආදායම්ලාභී පහළොස් ලක්ෂයක් පමණ වන ගොවි පවුල්වල ජීවනෝපාය සංවර්ධනය සඳහා අතදීම සිදු කෙරේ.
ශ‍්‍රී ලංකා රජය මෙම ව්‍යාපෘතිය ඉදිරියට ගෙනයෑම සඳහා රුපියල් මිලියන 2,450ක මුදලක් ආයෝජනය කරයි.
ව්‍යාපෘතිය 2024 දී අවසන්වීමට නියමිතය.
කෂිනි හපුආරච්චි
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
