වියානා ඇළෙන් ටී 56 මැගසීන් හා උණ්ඩ සොයා ගැනේ

මහියංගණ මහවැලි වියානා ඇළ පතුලේ පොලිතින් උරයක බහා සඟවා තිබු ටී 56 අවියේ මැගසීන් 03ක් හා ටී 56 අවියේ උණඩ 53ක් ඊයේ  සවස (04) මාපාකඩවැව 17 කණුව ප්‍ර දේශයේදී  හමුවු බව මහියංගණ පොලීසිය පවසයි.

මහවැලි අධිකාරියේ උල්හිටිය රත්කිඳ ජලාශ භාර දීප්ත චන්දන මහතා ඇතුලු ඉන්ජිනේරු කණ්ඩායමක් හා කම්කරුවන් පිරිසක් මහවැලි වියානා ඇළේ අලුත්වැඩියා කටයුත්තක් සිදු කිරිම සදහා ජල මට්ටම පහත හෙලා අලුත්වැඩියා කටයුතු සිදුකිරිමට සුදානම් වු අවස්ථාවේ ඇළ පතුලේ පොලිතින් උරයක බහා කිසියම් දෙයක් තිබෙනු දැක එය පරික්ෂා කිරිමේදි ගිනිඅවි කොටස් හමුවී ඇත.

පසුව ඒ පිළිබද මහියංගණ පොලිසිය දැනුවත් කර ඇත.

ඉන්පසු  පොලීසිය පැමිණ එම ස්ථානය නිරික්ෂණය කිරිමෙන් අනතුරුව ගිනිඅවි කොටස් පොලිස් භාරයට ගෙන ඇත.

මහියංගණ - රංජිත් කරුණාවීර