ලංගම කූඩු රජා පොලිස් දැලේ

හිගුරක්ගොඩ  මැදිරිගිරිය සහ පොළොන්නරුව ප‍්‍රදේශවලට කුඩු ප‍්‍රවාහනය කර අලෙවි කල මැදිරිගිරිය කොළඹ රාත්‍රී ලංගම  බස් රථ රියදුරා කුඩු පැකට් 15ක් (ග‍්‍රෑමි 2 මිලිග‍්‍රෑම් 800) සමග අද දින මධ්‍යම රාති‍්‍රයේ දි දිවුලන්කඩවල ප‍්‍රදේශයෙදි අත්අඩංගුවට ගත් බව මැදිරිගිරිය පොලීසිය පවසයි.

මෙසේ අත්අඩංගුවට පත් පුද්ගලයා  පොළොන්නරුව ලංකා ගමනාගමන මණ්ඩලයේ  දියසෙන්පුර ඩිපෝවට අනුයුක්තව මැදිරිගිරිය කොළඹ රාති‍්‍ර බස් රථයේ සේවය කල  බුද්ධයාය ප‍්‍රදේශයේ පදිංචි විවාහක අයෙකු බව පොලීසිය කියයි.

මැදිරිගිරිය පොලිසියේ ස්ථානාධිපති වෙත ලද තොරතුරක් අනුව තොරතුරුවලට අනුව සැක කටයුතු පුද්ගලයා ලුහුබැද තිබේ. ඒ අනුව අද දින මධ්‍යම රාති‍්‍ර 12ට පමණ බස්රථ රියදුරාගෙන් දිවුලන්කඩවල ප‍්‍රදේශයෙදි අත්අඩංගුවට ගෙන ඇත.

වන්නිකුල - පියතිලක