ලංකාවේ ප්‍රථම LNG බලාගාරය හම්බන්තොටදී ලබන මස ඉදිකෙරේ

- 28 09 2018 - 16:20 - {{hitsCtrl.values.hits}} views - රුවන් කාශ්‍යප

ශ්‍රී ලංකාවේ ප්‍රථම ද්‍රවකෘත වායු (LNG) විදුලි බලාගාරයේ ඉදිකිරීම් කටයුතු ලබන මසදී (ඔක්තෝබර්) හම්බන්තොටදී ආරම්භ කිරීමට නියමිත බව විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා පැවසීය.

ඒ මහතා මේ බව ප්‍රකාශ කලේ අදාල ව්‍යාපෘතිය ආරම්භ කිරීමට නියමිත ස්ථානයේ නිරීක්ෂණ චාරිකාවකට සහභාගී වෙමිනි. ශ්‍රී ලංකාව චීනරජය සමග මෙම බලාගාරයේ ඉදිකිරීම් සිදුකරයි.

හම්බන්තොට ඉදිවන මෙම බලාගාරය මගින් මෙගාවොට 300ක විදුලි ධාරිතාවක් ජාතික පද්ධතියට එක් කිරීමට නියමිතය. LNG විදුලි බලාගාරයන්හි පරිසර දූෂණ ඉතා අවම මට්ටමක පවතින බව සඳහන් වෙයි.