රු.15,000 සිම්කාඩ්පත් සොරා ගත් අයෙකු අත්අඩංගුවට

පන්නල , කඳානේගෙදර නගරයේ පිහිටි වෙළඳසැලකට  දහවල් කාලයේ ඉදිරිපස දොරටුවෙන් පාරිභෝගිකයෙකු මෙන් ඇතුලුවි  ජංගම පෙර ගෙවුම් කාඩ්පත් සොරකම් කල පුද්ගලයෙක්  නැදලගොමුව ප‍්‍රදේශයේදී එම සොරගත් බවට සැක කෙරෙන රුපියල් 15,000 ක් පමණ වටිනා  කාඩ්පත්  සමග අත්අඩංගුවට ගත්බව පන්නල පොලීසිය පවසයි.

තොරතුරකට අනුව අත්අඩංගුවට ගත් සැකකරු පරික්ෂා කිරිමේදී ඔහු සන්තකයේ තිබී හෙරෝයින් මත්කුඩු මිලිග‍්‍රෑම් 570 ක්ද සොයාගත් බවත් පොලීසිය පවසයි.                                                                

මෙලෙස අත්අඩංගුවට ගත් නවසිගහවත්ත ප‍්‍රදේශයේ පදිංවි 34 හැවිරිදි සැකකරු මත්කුඩු පානයට පුරුදුවී ඇති අයෙකු බවත් ඔහු කුලියට පොල් කඩන අයෙකු බවට පොලීසිය විසින් කරන ලද පරීක්ෂණවලදී අනාවරණය කර ගැනිමට හැකිවූ බවද සඳහන්වේ.

අත්අඩංගුවට ගත් නඩු භාණ්ඩ සමග සැකකරු ඊයේ 03 නාරම්මල මහේස්ත‍්‍රාත් අධිකරණය වෙත ඉදිරිපත් කිරීමට නියමිතව තිබුණි.