රවී ඇතුළු විත්තිකරුවන් හෙට දක්වා රිමාන්ඩ්

හිටපු මුදල් අමාත්‍ය රවි කරුණානායක මහතා ඇතුළු විත්තිකරුවන්ට චෝදනා පත්‍ර භාරදීමෙන් පසුව ඔවුන් හෙට (26) දින දක්වා රක්ෂිත බන්ධනාගාරගත කරන ලෙස කොළඹ ත්‍රිපුද්ගල මහාධිකරණ විනිසුරු මඩුල්ල අද (25) නඩුව කැඳවූ අවස්ථාවේදී නියමකර තිබේ.

2016 වසරේ මාර්තු මස 31 වනදා ශ්‍රී ලංකා මහ බැංකුව විසින් සිදුකළ බැඳුම්කර වෙන්දේසියේදී රුපියල් බිලියන 15 ක් වටිනා බැඳුම්කර සම්බන්ධයෙන් සාපරාධී සාවද්‍ය පරිහරණය කළේ යැයි එම විත්තිකරුවන්ට චෝදනා එල්ල වී ඇත.

මෙම විත්තිකරුවන් ඇපමත මුදා හරින්නේ ද? නැද්ද? යන නියෝගය හෙට පස්වරු 2.00 ට ප්‍රකාශයට පත්කරන බව ද විනිසුරු මඩුල්ල විසින් නිවේදනයකර ඇත.