රවීට සහ අර්ජුන් ඇලෝසියස්ට එරෙහි අල්ලස් නඩුව කල්යයි

හිටපු මුදල් අමාත්‍ය රවී කරුණානායක සහ පර්පචුවෙල් ට්‍රෙෂරිස් සමාගමේ අර්ජුන් ඇලෝසියස් යන අයට එරෙහිව අල්ලස් කොමිසම විසින් ගොනුකර ඇති නඩුව අප්‍රේල් මස පළමු වනදා කැඳවීමට කොළඹ මහාධිකරණය නියමකර තිබේ.

මෙම නඩුවට අදාළ අධිචෝදනා පත්‍ර ඉකුත්දා විත්තිකරුවන්ට භාරදීමෙන් පසුව ඔවුන්ට නියම කරන ලද ඇපයට අදාළ කොන්දේසි සපුරා තිබේදැයි පරීක්ෂා කිරීම සඳහා එය අද (12) කොළඹ මහාධිකරණ විනිසුරු ආදිත්‍ය පටබැඳිගේ මහතා ඉදිරියේ කැඳවනු ලැබීය.

ඒ අනුව ඇප කොන්දේසිවලට අදාළ ලේඛන කාර්යාලයට භාරදෙන ලෙස අධිකරණය හමුවේ පෙනීසිටි රවී කරුණානායක සහ අර්ජුන් ඇලෝසියස් යන විත්තිකරුවන්ට නියම කළ විනිසුරුවරයා නඩුව නැවත අප්‍රේල් මස පළමුවනදා කැඳවන ලෙස නියෝග කළේය.