රුපියල් කෝටි දෙකක අයිස් මත්ද්‍රව්‍ය සමග පුද්ගලයෙක් අත්අඩංගුවට

රුපියල් කෝටි දෙකකට ආසන්න අයිස් මත්ද්‍රව්‍ය තොගයක් යතුරු පැදියකින් රැගෙන යමින් සිටි පුද්ගලයෙකු  වත්තල වනවාසල ප්‍රදේශයේදී අත්අඩංගුවට ගත් බව පොලිස් විශේෂ කාර්ය බළකාය කියයි.

එම සැකකරු සමඟ අයිස් මත්ද්‍රව්‍ය කිලෝ එකයි ග්‍රෑම්  හයසිය හැට හයක් ,ජංගම දුරකථනයක් තනයක් සහ යතුරුපැදිය ද පොලිස් බාරයට ගෙන ඇත.

පොලිස් විශේෂ කාර්ය බලකා මූලස්ථාන කඳවුරේ  විශේෂ වැටලීම් ඒකකයේ නිලධාරීන් විසින් වැටලීම සිදු කළ බව පොලිසිය කියයි. අත්අඩංගුවට ගත් සැකකරු වයස අවුරුදු තිහක ග්‍රෑන්පාස් පොලිසිය පදිංචිකරුවෙක්.  වැඩිදුර විමර්ශන සඳහා පොලිස් මත්ද්‍රව්‍ය නාශක කාර්යාංශය වෙත භාරදී ඇත.