රන්ජන්ගේ පාර්ලිමේන්තු අසුන පුරප්පාඩුයි - කථානායක

රන්ජන් රාමනායක මහතාගේ පාර්ලිමේන්තු අසුන පුරප්පාඩු වී ඇති බව කථානායක මහින්ද යාපා අබේගුණවර්ධන මහතා පාර්ලිමේන්තුවට දැනුම් දුන්නේය.

අද (07) පාර්ලිමේන්තුවේ දී කථානායක නිවේදන පිළිබඳ දන්වමින් ඒ මහතා පැවසුවේ, නීති උපදෙස් සැලකිල්ලට ගෙන රන්ජන් රාමනායක මහතාගේ පාර්ලිමේන්තු අසුන පුරප්පාඩු වී ඇති බව මැතිවරණ කොමිසමට දන්වා යැවු බවයි.

අධිකරණයට අපහාස කිරීමේ චෝදනාවට වරදකරු වු හිටපු රාජ්‍ය අමාත්‍ය රන්ජන් රාමනායක මහතාට ශ්‍රේෂ්ඨාධිකරණය විසින් බරපතළ වැඩ සහිත වසර හතරක සිරදඬුවම් නියම කර තිබේ.

තම පාර්ලිමේන්තු අසුන සම්බන්ධයෙන් ඔහු අභියාචනාධිකරණයට ගොනු කළ මූලික අයිතිවාසිකම් පෙත්සමද අභියාචනාධිරකරණය ඉවත දැමීය.