රටේ කොවිඩ් ආසාදන වැඩි වනවිට බ්‍රසීල ජනපති ඇමති මණ්ඩලය යළි වෙනස් කරයි

බ්‍රසීලයේ කොවිඩ්-19 ආසාදිතයන් දිනෙන් දින වර්ධනය වන පසුබිමක තම රජයට එරෙහිව එල්ල වන චෝදනා යටපත් කරගැනීම සඳහා බ්‍රසීල ජනපති ජෙයර් බොල්සොනාරෝ විසින් අමාත්‍යවරුන් හය දෙනෙකු මාරු කර තිබේ.

හිටපු ඇමතිවරුන් විසින් ඊයේ (29දා) දවස පුරා ඉල්ලා අස්වීමේ ලිපි නිකුත් කරන ලද අතර, මෙය සම්පූර්ණයෙන්ම කොවිඩ්-19 පාලනය වඩා රජය පවත්වාගෙන යාම සඳහා සිදුකළ වෙනස්කම් බවට විපක්ෂය චෝදනා කරයි.

මෙම වෙනස්කම් බ්‍රසීලයේ ෆෙඩරල් ආණ්ඩුවේ ඉහළින්ම ආදේශ කිරීමෙන් පසුව හමුදා ජෙනරාල්වරුන් කිහිප දෙනෙකු බොල්සොනාරෝට වඩා උපායමාර්ගික තනතුරුවලට පත්කර ඇති අතර, ඇතැම් තනතුරු සඳහා බොල්සොනාරෝගේ පවුලේ සමීපතමයන්ද පත්කර තිබේ.

ජෝන්ස් හොප්කින්ස් විශ්වවිද්‍යාලයේ දත්තවලට අනුව බ්‍රසීලයේ සමස්ත කොවිඩ්-19 ආසාදිතයන් සංඛ්‍යාව මේ වනවිට 12,537,615ක් දක්වා ඉහළ ගොස් ඇති අතර, වෛරසය ආසාදනය වීමෙන් 313,866 දෙනෙකු ජීවිතක්ෂයට පත්ව තිබේ.