රැකියා උත්පාදනයට වසර තුනකට බිලියන 150ක්

රැකියා උත්පාදනය කරමින් ආර්ථික ගැටලු අවම කිරීම සඳහා විශේෂ ව්‍යාපෘතියක් ආරම්භ කිරීමට රජය වසරකට කෝටි 5000ක් වෙන් කර ඇති බව ජාතික ප්‍රතිපත්ති සහ ආර්ථික කටයුතු රාජ්‍ය අමාත්‍ය නිරෝෂන් පෙරේරා මහතා පැවසීය.

2019 වසරේ සිට 2021 වසර දක්වා එළඹෙන වසර තුනක කාල සිමාව ඉලක්ක ගනිමින් එක් වසරකට කෝටි 5000ක් වෙන්වන පරිදි  වසර තුන සඳහා කෝටි 15000ක ආයෝජනය යටතේ මෙම ව්‍යාපෘතිය සිදු කෙරෙන බව රාජ්‍ය අමාත්‍ය නිරෝෂන් පෙරේරා මහතා කියා සිටියේය.

ජාතික ආර්ථික සභාව මගින් යෝජිත  මෙම විශේෂ ව්‍යාපෘතිය සියලු දිස්ත්‍රික් සහ මැතිවරණ කොට්ඨාස ආවරණය වන පරිදි ක්‍රියාත්මක කිරීමට සැලසුම් කර ඇති අතර, ඒ අනුව දිවයිනේ සියලු  ග්‍රාම නිලධාරී වසම් නියෝජනය වන පරිදි  අවම වශයෙන් ව්‍යාපාර එක්ලක්‍ෂ හතළිස් දහසක් (1,40,000) ආරම්භ කිරීමට නියමිතය.