යාපනයේ පොල්තෙල් කර්මාන්තශාලාවක ගිනිගැනිමකින් දැඩි හානි

යාපනය තෙන්මරාච්චි එලුදුමට්ටුවාල් ප්‍රදේශයේ පිහිටි පොල්තෙල් කර්මාන්ත ශාලාවකට ඊයේ (15) දින ගිනි ගැනීමෙන් දැඩි හානි සිදුව ඇති බවට  කොඩිකාමම් පොලීසිය පවසයි.

එලුදුමට්ටුවාල් ප්‍රදේශයේ ඒ-9 මාර්ගය ආසන්නයේ පිහිටි මෙම පොල්තෙල් කර්මාන්ත ශාලාව අසල පිහිටි කැලෑවක හදිසියේ ඇතිවූ ගින්නක් පොල්තෙල් කර්මාන්ත ශාලාව පිහිටි භූමියට ශිඝ්‍රයෙන්  ව්‍යාප්ත වී ඇති අතර එහිදි කර්මාන්ත ශාලාව භූමියේ ගොඩගසා තිබූ පොල්ගෙඩි විශාල ප්‍රමාණයකට ගිනි ගැනීමෙන් විනාශ වී ඇත.

අදාළ  ගින්න කිසියම් පුද්ගලයෙකු ගිනිතබා පළා  ගොස් ඇති බවට සැක පළ  කොට ඇති අතර ගින්න නිවා දැමීම සඳහා යුද හමුදාව හා යාපනය නගරසභාවේ ගිනිනිවන නිලධාරීන් සහාය වී ඇති බවටත් අදාළ  ගින්න සම්බන්ධයෙන් පරික්ෂණයක් අරඹා ඇති බවටද කොඩිකාමම් පොලීසිය වැඩිදුරටත් පැවසීය.