යුද හමුදා සෙබලෙකු වෙඩි තබා ගෙන සියදිවි නසාගනියි

- 22 07 2021 - 12:29 - {{hitsCtrl.values.hits}} views - වව්නියාව මධුශංක අමරසිංහ

යාපනය නාවට්කුලි යුදහමුදා කඳවුරේ සෙබලෙකු අද (22) උදෑසන සිය රාජකාරී ගිනිඅවියෙන් වෙඩිතබාගෙන සියදිවි හානිකරගෙන ඇතැයි චාවකච්චේරි පොලීසියි පවසයි.

මෙලෙස සියදිවි හානි කොට ගෙන ඇත්තේ නාවට්කුලි යුද හමුදා කඳවුරේ 12 වන ගැමුනු හේවා බලකායට අනුයුක්ත කොට සිටි සෙබලෙකු වන බවටද යුදහමුදා පොලීසිය දැනුම් දී ඇත.

මියගිය යුද හමුදා සෙබලා මාතර ඌරුබොක්ක ප්‍රදේශයේ පදිංචිකරුවෙකු වන අතර ඔහු ඊයේ රාත්‍රියේ මුර සේවය සඳහා ගොස් අද අලුයම් කාලයේදී මුරකුටියේදී සිය රාජකාරී ගිනිඅවියෙන්ම වෙඩිතබාගෙන සියදිවි හානිකරගෙන ඇතැයි මූලික පරික්ෂණ වලදී හෙලි වී ඇත.

මියගිය යුද හමුදා සෙබලා වෙඩිතබාගැනීමට හේතුව මෙතෙක් අනාවරනය වී නොමැති අතර පෞද්ගලික හේතුවක් විය හැකි බවට සැක පල කරන්නේයැයි පරික්ෂණ සිදුකරන චාවකච්චේරි පොලීසිය සහ යුදහමුදා පොලීසිය වැඩිදුරටත් පැවසීය.