මහනුවර දිස්ත්‍රික්කයේ කොරෝනා ආසාදිතයින් 573ක්

මහනුවර දිස්ත්‍රික්කය  තුලින් කොවිඩ් 19 ආසාදිත රෝගීන්  573 දෙනෙකු අද 13 වනදා පෙරවරුව  දක්වා වාර්තා වී ඇති බව මධ්‍යම පළාත් සෞඛ්‍ය සේවා දෙපාර්තමේන්තුව ප්‍රකාශ කරයි

මහනුවර දිස්ත්‍රික්කය තුලින් වාර්තා වී ඇති මෙම ආසාදිතයින්  අතුරින් වැඩිම ප්‍රමාණය   මහනුවර මහ නගර සභා බල ප්‍රදේශය තුලින් වාර්තා වී ඇති අතර එම ප්‍රමාණය 164  ක් බවද සෞඛ්‍ය අංශ කියයි.

මහනුවර  දිස්ත්‍රික්කයේ සෞඛ්‍ය වෛද්‍ය නිලධාරි කොට්ඨාස අනුව අද 13 වන විට ආසාදිතයින් වාර්තා වී ඇත්තේ මේ අයුරිනි.

අකුරණ 136, බඹරදෙණිය  16 යි,දොළුව 13 යි, ,ගලගෙදර  අටයි, ගලහ 15 යි, , ගම්පොල 19 යි,ගඟඉහළ කෝරළය 14 යි, .හතරලියද්ද දෙකයි. ගඟ වට කෝරළය 12 යි,, වැරැල්ලගම(හාරිස්පතත්තුව)  18 යි, කුණ්ඩසාලේ 16 යි,, මහනුවර මහ නගර සභා බල ප්‍රදේශය  164 යි,, මිනිපේ එකයි, මැදදුම්බර 18 යි, නාවලපිටිය හතරයි,  පාතදුම්බර 43 යි,, පාතහේවාහැට  14 යි, පූජාපිටිය 12 යි, පන්විල එකයි, උඩුනුවර, හතයි, මැණික්හින්න 13 යි, යටිනුවර 25යි මෙලෙසින් මහනුවර දිස්ත්‍රික්කය තුලින් ආසාදිතයින් වාර්තා වී ඇති බව සෞඛ්‍ය අංශ කියයි.

අද 13 වනදා  පෙරවරුවෙන් අවසන් වූ පැය 24ක කාලය තුල දිස්ත්‍රික්කයෙන් නව ආසාදිතයින් 33  දෙනෙකු වාර්තා වී ඇති අතර එම ආසාදිතයින් උඩපළාත,  මහනුවර මහනගර සභා බල ප්‍රදේශය  පාතදුම්බර, පාතහේවාහැට , උඩුනුවර සහ යටිනුවර යන සෞඛ්‍ය වෛද්‍ය නිලධාරි කොට්ඨාසවලින් වාර්තා වී ඇති බවත් සෞඛ්‍ය අංශ කියයි.

මේ අතර මහනුවර දිස්ත්‍රික්කයෙන් මරණ දෙකක්ද වාර්තා වී ඇතිබව  සෞඛ්‍ය අංශ කියයි.