මාධ්‍ය වාර්තා අසත්‍ය බව අමාත්‍ය මණ්ඩල කාර්යාලය කියයි
සතිපතා කැබිනට් හමුවට අදාළව ඊයේ (16දා) පැවැති අමාත්‍ය මණ්ඩල හමුවේදි සිදුවූ සිදුවිම් පිළිබඳව අද දිනයේදි මාධ්‍ය පළකර ඇති වාර්තා අසත්‍ය බව අමාත්‍ය මණ්ඩල කාර්යාලය නිවේදනයක් නිකුත් කරමින් පවසයි.
මෙහිදී කොළඹ වරායේ නැගෙනහිර පර්යන්තය දියුණු කිරීම සම්බන්ධයෙන් ජනපති මෛත්‍රිපාල සිරිසේන මහතාත් අග්‍රාමාත්‍ය රනිල් වික්‍රමසිංහ මහතාත් අතර මත ගැටුමක් ඇතිවූ බවට මාධ්‍ය තොරතුරු වාර්තා කළේය.
යටිතල පහසුකම් සංවර්ධන ක්ෂේත්‍රයට අදාළව ඉන්දීය රජය විසින් හෝ ඉන්දිය සමාගහ් විසින් මෙරට ක්‍රියාත්මක කිරිමට අදහස් කරන ව්‍යාපෘතිවලට අදාළව අමාත්‍ය මණ්ඩල සංදේශ කිසිවක් රැස්වීමේ න්‍යාය පත්‍රයට ඇතුළත්ව නොතිබුණ බව එම නිවේදනයේ දැක්වෙයි.
එසේම බිම්ස්ටෙක් සමුළුවට සමගාමීවට ජනපති මෛත්‍රීපාල සිරිසේන මහතා හා ඉන්දීය අග්‍රාමාත්‍ය නරේන්ද්‍ර මෝදි මහතා අතර පැවැති හමුවේදී නායකයන් දෙපළ සාකච්ඡා කළ කරුණු පිළිබඳව ජනපතිවරයා අමාත්‍ය මණ්ඩලය දැනුවත් කළ බවත් එම නිවේදනයේ දැක්වෙයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
