මධ්‍යම පළාතේ පිරිසක් නිරෝධායනයට
කොවිඩ් 19 වෛරසය ආසාදිත බව තහවුරු වූ මිනුවන්ගොඩ ප්‍රදේශයේ කාන්තාව සේවය කළඇඟලුම් කම්හලේසේවය කළ මධ්‍යම පළාතේ පිරිසක් හඳුනාගැනීමෙන් පසු මේ වන විට මහනුවර මාතලේ හා නුවරඑළිය දිස්ත්‍රික්කවල පුද්ගලයන් දාහත් දෙනෙකු ස්වයං නිරෝධායනයට යොමුකර තිබෙන බව මධ්‍යම පළාත් සෞඛ්‍ය සේවා අධ්‍යක්ෂ වෛද්‍ය වීරසූරිය මහතා පවසයි.
මධ්‍යම පළාත් ආණ්ඩුකාර කාර්යාලයේ දී අද (05)පැවැති කොවිඩ් 19 රෝග ව්‍යාප්තිය පාලනය කිරීම සඳහා වන මධ්‍යම පළාත් කාර්ය සාධක බලකායේ විශේෂ රැස්වීමේදී පළාත් සෞඛ්‍ය සේවා අධ්‍යක්ෂවරයා ඒ බව පැවසීය.
ඒ අනුව මහනුවර හා මාතලේ දිස්ත්‍රික්කවල අට දෙනා බැගින් ද නුවරඑළිය දිස්ත්‍රික්කයේ එක් අයෙකු ද මෙලෙස නිරෝධායනයට යොමු කර තිබෙන බවත් ඔවුන් අතරින් උණ සහිත රෝග ලක්ෂණ පෙන්නුම් කළ දෙදෙනෙකු පි.සි.අර්.පරීක්ෂණ සඳහා යොමු කළ බවත් ඒ මහතා පැවසීය.
මෙහිදී මධ්‍යම පළාත් ආණ්ඩුකාර ලලිත් යු ගමගේ මහතා පවසා සිටියේ මෙම රෝග තත්ත්වය පාලනය කිරීම සඳහා මධ්‍යම පළාත තුල සෞඛ්‍ය ආරක්ෂක ක්‍රමවේද ඉතා තදින් ක්‍රියාත්මක කරන බවයි . එම ක්‍රමවේද වලට පටහැනිව කටයුතු කරන අයට එරෙහිව දැඩිව නීතිය ක්‍රියාත්මක කරන්නැයි ද පොලිසියට හා ආරක්ෂක අංශ වෙත උපදෙස් ලබාදී තිබෙන බවද ඒ මහතා පැවසීය .
ෂේන් සෙනෙවිරත්න
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
