මධ්‍යම පළාත් නියෝජ්‍ය පොලිස්පති කාර්යාලය වසයි

මධ්‍යම පළාත් නියෝජ්‍ය පොලිස්පති කාර්යාලය කාර්යාලයේ සේවයේ නියුතු පොලිස් නිලධාරීන් 05 දෙනෙකු කෝවිඩ් 19 ආසාදිතයන් බවට තහවුරු වීමෙන් පසු මහනුවර පිහිටි එම නියෝජ්‍ය පොලිස්පති කාර්යාලය සම්පූර්ණයෙන් වසා දමා එහි නිලධාරීන් 41 දෙනකු නිරෝධායනයට යොමුකිරීමට පියවර ගත් බව ඉහළ පොලිස් නිලධාරියකු පැවැසීය .

අද (23) නියෝජ්‍ය පොලිස්පති කාර්යාලයේ නිලධාරීන් ගෙන් සිදුකළ පි.සි.ආර්. පරීක්ෂණ වාර්තාවලින් කොටසක්ලැබීමෙන් පසුඑහි නිලධාරීන් 05 දෙනෙකුට වෛරසය ආසාදනය වී ඇති බවට තහවුරු වීමෙන් පසු නියෝජ්‍ය පොලිස්පති කාර්යාලය වසා දැමීමට පියවර ගැනුණි .

මීට පෙර ද එම කාර්යාලයේ පොලිස් නිලධාරීන් දෙදෙනෙකුටද වෛරසය ආසාදනය වී ඇති බවට තහවුරු වී තිබූ අතර එහෙයින් නිලධාරීන්ගේ සිදුකළපි.සි.ආර්. වාර්තාතවත් කොටසක් ලැබීමට නියමිතව තිබෙන බවදඉහළ පොලිස් ආරංචි මාර්ග සඳහන් කරයි .

ෂේන් සෙනෙවිරත්න