මැතිවරණ කාර්යාලයේ විෂබීජ හරණට නාවික හමුදා දායකත්වය

‘නව කොරෝනා’ වෛරසය රට තුල ව්‍යාප්ත වීම වැළැක්වීම සඳහා ශ්‍රී ලංකා නාවික හමුදාව විසින් අද (2020 මාර්තු 19) කොළඹ, මැතිවරණ කාර්යාලයේ විෂබීජ හරණ කටයුතු සිදු කරන ලදි.

මෙහිදී ඉදිරි මැතිවරණ කටයුතු සඳහා සූදානම් වන මැතිවරණ කාර්යාලයේ රාජකාරී නියුතු කාර්යය මණ්ඩලයේ ආරක්‍ෂාව උදෙසා කාර්යාලයේ සියළුම පරිශ්‍රයන් ආවරණය වන පරිදි විසබීජ හරණය කිරීම නියමිත ක්‍රියා පටිපාටියට අනුව විධිමත්ව සිදු කරන ලද අතර, මහජනතාව ගැවසෙන පොදු ස්ථානයන්හි විෂබීජ හරණ වැඩසටහන් ක්‍රියාත්මක කිරීමට නාවික හමුදාව අඛණ්ඩව ක්‍රියාකරමින් සිටී.