මත්පෙති හා මත්පැන් සාදයක කාන්තාවන් 05ක් අත්අඩංගුවට

නයිනමඩම ප්‍රදේශයේ සංචාරක හෝටලයක මත්පෙති භාවිත කරමින් හා මත්පැන් පානය කර අශෝභන ලෙස හැසිරෙමින් සිටි කාන්තාවන් 5දෙනෙකු ඊ‌‌යේ (08දා) සවස සැකපිට අත්අඩංගුවට ගත්බව වෙන්නප්පුව පොලීසිය පවසයි.

ජා-ඇළ, නුගෙගොඩ පිළියන්දල හා මහරගම ප්‍රදේශයේ පදිංචි වයස අවුරුදු 30 – 40 අතර  විවාහක කාන්තාවෝ පස්දෙනෙක් මෙසේ අත්අඩංගුවට පත්ව සිටිති.

වෙන්නප්පුව මූලස්ථාන ප්‍රධාන පොලිස් පරීක්ෂකවරයාට ලද තොරතුරක් මත සිදු කළ පරීක්ෂාවකදී සැකකාරියන් පිරිස අත්අඩංගුවට ගනු ලැබ තිබේ.

අදාළ වැටලීම සිදුවන අවස්ථාවේදීත් සැකකාරියන් සතුව තිබූ මත්පෙති කිහිපයක් හා මත්පැන් තොගයක්ද අත්අඩංගුවට ගත් බව පොලීසිය පවසයි.

මෙම සැකකාරියන් දුර බැහැර ප්‍රදේශවල හෝටල් වෙන්කරගෙන මෙලෙස විනෝදවීම පුරුද්දක් කරගෙන ඇති බවට පරීක්ෂණවලදී තොරතුරු හෙළිවී ඇතැයි පොලීසිය පවසයි.    

නයිනමඩම චන්දන ප්‍රනාන්දු