මෙච්චර හොඳ තැනක් තිබියදි කවුද ඔය කුණු ගොඩකට යන්නේ - රාජිත
මෙතරම් පිරිසිදු තැනක් තිබිය දී ඔය කුණු ගොඩකට කවුද යන්නේ එය හොඳයි නූගතුන්ට යැයි සෞඛ්‍ය පෝෂණ හා දේශිය වෛද්‍ය අමාත්‍ය රාජිත සේනාරත්න මහතා පවසයි.
නව ප්‍රජාතන්ත්‍රවාදී පෙරමුණේ ජනාධිපතිධූර අපේක්ෂක සජිත් ප්‍රේමදාස මහතාගේ ජය තහවුරු කිරිම වෙනුවෙන් අද (23) පන්නල ආසනයේ පැවැති ජන රැළියට එක්වෙමින් අමාත්‍යවරයා මේ බව පැවසීය.
මෙහිදි අදහස් දැක්වූ සෞඛ්‍ය අමාත්‍යවරයා ,
“මේ රටේ මර්දනයට, දූෂණයට එරෙහිව අපි එදා අලුත් රටක් බිහි කළා. සෑම ක්ෂේත්‍රයකටම සහන ලබාදුන්නා. නමුත් අපේ විපක්ෂය අද ජාතිවාදය කථා කරලා මැතිවරණ දිනන්න හදනවා. රණවිරුවා ගැන කථා කරනවා. ආබාධිත රණවිරුවෝ දේශපාලන ව්‍යාපාරයට පාවිච්චි කරනවා. මාත් එක්ක ඇවිත් ඉන්නවා ආබාධිත රණවිරු සංවිධානයේ කැඳවුම්කරු. මෙතෙක් කල් නායකත්වය දීලා, අපේ ආණ්ඩුවේ නොයෙකුත් උද්ඝෝෂණ පවත්වලා ඉල්ලිම් දිනාගත්ත ඒ කැප්ටන් අසේල අද මේ වේදිකාවේ අපිත් සමග ඉන්නවා සජිත් ප්‍රේමදාස ජනාධිපති කරන සටනේ. අපි රණවිරුවන් දහස් ගණනක් කොළඹට ගෙනෙනවා එතුමාගේ ජයග්‍රහණය වෙනුවෙන්.
අද මුළු රටම පිබිදිලා රටම එක තැනකට එනවා. අද විපක්ෂය ප්‍රචාරය කරනවා අරයා එනවා, මෙයා එනවා, අරයා එන්න හදනවා අපි එපැයි කියනවා, කවුද යන්නේ ඔතනට. මේ තරම් පිරිසිදු තැනක් තිබිය දී ඔය කුණු ගොඩට කවුද යන්නේ. ඒවා හොඳයි විමල් වීරවංශ වගේ මෝඩයින්ට. අධ්‍යාපනයක් නැති වාචාලයින්ට. බුද්ධිමතුන්ට තියෙන එකම දේශපාලන වේදිකාව අපි ළඟයි. එම නිසා තමයි අද උගත් බුද්ධිමත් පිරිස් මේ සටන ජයග්‍රහණය කිරිමට අපිත් සමග දිනෙන් දින එකතු වන්නේ. 17 වෙනකොට මේ ජනතා සටනින් අපි සජිත් ප්‍රේමදාස මහතා වැඩි ඡන්ද ලක්ෂ 10කින් ජයග්‍රහණය කරනවා ” යැයි පැවසීය.
කෂිනි හපුආරච්චි
popular news
-
Bandula. Wednesday, 23 October 2019 08:17 PM
අනේ ඉතින් බයට, දුකට මිනිස්සු කවි කියනවා, ඒවගේ මෙයාලගෙත් අතුල කුණු තියන නිසා එල්ලෙනවා කොහේ හරි වලක,
Reply : 0 1
රජින්ද Thursday, 24 October 2019 10:38 AM
අපිත් ඔහොම තමයි, ඉස්සර සෙල්ලම් කරනකොට අපිට ඕන පැත්තේ උන් අපිව ගත්තේ නැති උනාම දුකට අපි කරන්නේ අරුන්ට බනින එකයි. ඒ වගේ මෙයත් පුත්‍රයා එක්ක ඔක්කොම දහන්ගට ගැහුවා පොහොට්ටුවට පැනගන්න. අන්තිමේ දැඩි ජනතා විරෝධය නිසා මේ ජෝඩුවට පොහොට්ටුවට රිංගන්න බැරි උනා. දැන් ගිලෙන නාවේ ඉදන් රබන් ගහන්න... හාහ්.. හාහ්..හා.. මේ රාජිත-චතුර ජෝඩුවව දේශපාලනයෙන්ම ඉවත් කල යුතුයි.
Reply : 0 1
Deepal Nirosh Thursday, 24 October 2019 10:59 AM
ඒහෙනම් ඔබතුමා ඒ් කුණු ගොඩට යන්නෙ නැහැ නේද? ෂුවර නේ. මේ පැතිරෙන කටකතා (?) වලට අපි බය වුණු තරම.
Reply : 0 1
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
