බොරලු ගොඩේ තිබි හමුවු අත්බෝම්බය

මන්නාරම තලෙයිමන්නාරම මාර්ගයේ ප්‍රතිසංස්කරණ කටයුතු වෙනුවෙන් ටිපර් රථයකින් ‍රැගෙන පැමිණි බොරලු  ගොඩක තිබි  අත්බෝම්බයක්  ඊයේ (04) සවස හමුවී ඇති බවට මන්නාරම් පොලීසිය පවසයි.

මන්නාරම තලෙයිමන්නාරම මාර්ගයේ ඔලුතුඩුවායි ප්‍රදේශයේ මාර්ගයේ ප්‍රතිසංස්කරණ කටයුතු වෙනුවෙන් ටිපර් රථයකින් ගෙනා බොරලු  ගොඩක තිබි අදාළ අත්බෝම්බය සේවකයින්ට හමු වී ඇති අතර පසුව ඒ බව මන්නාරම් පොලීසියට දැනුම් දී ඇත.

සෙට්ටිකුලම ප්‍රදේ‍ශයේ සිට අදාළ බොරලු  තොගය ගෙනැවිත් ඇති අතර බොරලු ගත් ස්ථානයේ තවත් බෝම්බ හෝ යුද උපකරණ  ඇත්දැයි යන්න සෙවීමටද පොලීසිය විසින් පරික්ෂණයක් අරඹා ඇත.

බොරලු ගොඩේ තිබි  හමුවූ අත්බෝම්බය මන්නාරම මහේස්ත්‍රාත් අධිකරණ නියෝග යටතේ නිශ්ක්‍රීය කිරීම වෙනුවෙන් පොලිස් විශේෂ කාර්ය බලකා බෝම්බ නිශ්ක්‍රීය අංශය වෙත භාර දීමට පියවර ගෙන ඇති බවටද මන්නාරම් පොලීසිය වැඩිදුරටත් පැවසීය.