බ්‍රිතාන්‍ය අගමැති ඉන්දීය සංචාරය අවලංගු කරයි

එක්සත් රාජධානියේ අග්‍රාමාත්‍ය බොරිස් ජොන්සන්ගේ ඉන්දියාවේ සංචාරය අත්හිටුවා ඇත්තේ රටේ කොවිඩ්-19 තත්ත්වය පිළිබඳ කනස්සල්ල නිසා බව අගමැති කාර්යාලය නිවේදනය කරයි.

"වර්තමාන කොරෝනා තත්ත්වය සැලකිල්ලට ගනිමින්, අගමැති බොරිස් ජොන්සන්ට ලබන සතියේ ඉන්දියාවට යාමට නොහැකි වනු ඇති" ජොන්සන්ගේ කාර්යාලය විසින් නිකුත් කරන ලද බ්‍රිතාන්‍ය සහ ඉන්දීය රජයන්ගේ ඒකාබද්ධ ප්‍රකාශයක දැක්වෙයි. "ඒ වෙනුවට, අගමැති මෝදි සහ ජොන්සන් එක්සත් රාජධානිය සහ ඉන්දියාව අතර අනාගත හවුල්කාරිත්වය සඳහා ඔවුන්ගේ අභිලාෂී සැලසුම්වලට එකඟ වී දියත් කිරීමට මේ මස අගදී කතා කරනු ඇත.

ඉන්දියාවේ කොවිඩ්-19 ආසාදිතයන් මිලියන 15ක් ඉක්මවා යාමෙන් පසුව මෙම නිවේදනය නිකුත් කර තිබේ. එලැඹෙන සිකුරාදා සිට එක්සත් රාජධානියේ සංචාරක තහනම් රතු ලැයිස්තුවට ඉන්දියාවද ඇතුළත් කරනු ඇත.