බ්‍රිතාන්‍යයට PPE හිඟලු, භාවිත කළ ඒවා යළි පාව්චිචි කරන්න

බ්‍රිතාන්‍යයේ ජාතික සෞඛ්‍ය සේවය (NHS) පුරා සැපයුම්වල පවතින උග්‍ර හිඟය හේතුවෙන් පුද්ගලික ආරක්ෂක උපකරණවල (PPE) සමහර භාණ්ඩ නැවත භාවිත කිරීමට අවශ්‍ය විය හැකි බව එක්සත් රාජධානියේ රජය උපදෙස් දී තිබේ.

එංගලන්තයේ මහජන සෞඛ්‍ය සේවයට අනුව මෙම ක්‍රියාමාර්ග හඳුන්වා දී ඇත්තේ කොරෝනා වෛරස් වසංගතය තුළ NHS මුහුණ දෙන සුවිශේෂී තත්ත්වයක් ලෙසයි. මෙය සෞඛ්‍ය හා සුරක්ෂිතතා විධායකයෙහි සම්මත ප්‍රවේශය පිළිබිඹු නොකරන බවද පෙන්වා දෙයි.

එක්සත් රාජධානියේ සායනික ආරක්ෂිත ඇඳුම්වල විශාල හිඟයක් පවතින බවට NHS රෝහල් නියෝජනය කරන සංවිධානයක් පූර්ව අනතුරු ඇඟවීමක් තිබුණි. ඔවුන් කියා සිටියේ සමහර රෝහල් මේ සති අන්තයේ සම්පූර්ණයෙන්ම තරල විකර්ෂක සායනික ආරක්ෂිත ඇඳුම් නොමැති තත්ත්වයට පත්වන බවයි. ඒ නිසා හැකි උපරිම මට්ටමේ විකල්ප ආරක්ෂක උපකරණ භාවිත කිරීමට බල කෙරෙනු ඇති බවද සඳහන් වෙයි.