බඹර කුඩුවක් ඇවිස්සි මාර්ගයේ ගමන් ගත් මගීන්ට බඹර ප්‍රහාර

බඹර කුඩුවක් ඇවිස්සි බඹරුන් මාර්ගයේ ගමන් ගන්නා වාහනවල ගමන් ගත් මගින්ට ප්‍රහාරයක් එල්ල කිරිම හේතුවෙන් තුවාල ලැබු දෙදෙනෙක් බගවන්තලාව ප්‍රාදේශීය රෝහල වෙත ඇතුලත් කර ඇති බව බගවන්තලාව පොලීසිය පැවසිය.

බගවන්තලාව පොලිස් වසමට අයත් බගවන්තලාව  චැපල්ටන් වතු යායේ ගසක බැද තිබු බඹර කුඩුවක් එකවරම ඇවිස්සි හැටන් බගවන්තලාව ප්‍රධාන මාර්ගයේ වාහන වල ගමන් ගන්නා මගීන්ට ප්‍රහාරයක් එල්ල කර ඇත.

(11) අද පස්වරු 4 ට පමණ බඹර කුඩුව ඇවිස්සි යතුරුපැදියෙකින් ගමන් ගත් තරුණයින් දෙදෙනෙකුට ප්‍රහාරයක් එල්ල කිරිමත් සමග වතු කම්කරුවන් ප්‍රධාන මාර්ගය අභියස ගිනි ගොඩක් ගසා දුමාරයක් ඇති කර බඹර ප්‍රහාරය පාලනය කිරිමට සමත් විය.

සිද්ධිය සම්බන්ධයෙන් බගවන්තලාව පොලීසිය පරික්ෂණ පවත්වයි.