බැග්ඩෑඩ් ගුවන් තොටුපළ ප්‍රදේශයට රොකට් ප්‍රහාර

ඉරාකයේ බැග්ඩෑඩ් ජාත්‍යන්තර ගුවන්තොටුපළ ප්‍රදේශයට රොකට් ප්‍රහාර 3ක් එල්ල වී ඇති බව ඉරාක හමුදාව පවසයි.

මෙම රොකට් තුන නිරිතදිග බැග්ඩෑඩ් හි ගුවන් තොටුපළ මායිම ආසන්නයේ ස්ථාන තුනක් වෙත මධ්‍යම රාත්‍රියේදී පතිත වී ඇති බවත්, ප්‍රහාරයෙන් කිසිවෙකුටත් හානියක් සිදුව නොමැති බවත් ඉරාක ඒකාබද්ධ මෙහෙයුම් අණදෙන මාධ්‍ය කාර්යාලය නිවේදනයක් නිකුත් කරමින් කියා සිටියි.

රොකට් තුනෙන් එකක් අබු ග‍්‍රයිබ් බන්ධනාගාරය අසලත්, තවත් එකක් ත‍්‍රස්ත මර්දන ඇකඩමිය අසල හිස් පෙදෙසකටත්, තෙවැන්න ඉරාක හමුදා කඳවුරක් අසලත් පතිත වී ඇති බව එම නිවේදනය වැඩිදුරටත් පෙන්වා දෙයි.